Hechos 22:3 - Nuevo Testamento Tzeltal de Amatenango

³ —Te joꞌone juriyoon. Ayinemon ta jtejklum Tarso ta estado yuꞌun Cilicia. Pero liꞌ chꞌiemon ba Jerusalene. Jaꞌ a spꞌijuteson te jGamaliele, la yaꞌbon jnop te tutꞌil ay te mantaliletik yuꞌun te antibo jmeꞌ-jtatike. Batsꞌi jchꞌuunej te Diose sok spisil koꞌtan, jich tutꞌil ya apasik te ora to te jaꞌexe.

Bible in Tzeltal Bachajón

³ Ho'on judíohon, ayinon ta Tarso ta sq'uinal Cilicia, pero li' colemon ta pueblo ini. Ha la sp'ijubteson te Gamaliel, la ya'bon jnop bin ut'il ya sc'an ch'uhunel te Ley yu'un te jme'jtatique. Bayel sc'oblal ta co'tan te Dios, hich te bin ut'il ha'ex ta ora ini.

Bible in Tzeltal de Oxchuc y Tenejapa

³ —Te jo'one judioon uuc. Ayinon ta lum Tarso ta sq'uinal Cilicia, soc li' la quich' p'ijubtesel to ta Jerusalén. Ja' la sp'ijubteson te Gamaliele. La yac'bon jnop te bit'il ay ta ch'uunel spisil te mandalil yu'un te me'il-tatiletic cu'untique. Quich'oj ta muc' ta melel te Diose, jich nix bit'il awich'ojic ta muc' ta ora to te ja'exe.

Hechos 22:3 ပူးပေါင်းရင်းမြစ်များ

San Lucas 10:39

Te xMartae ay jtul yijtsꞌin te xMaria sbiile tal snajkan sba ta yok te Jesuse yuꞌun tal yaꞌibe sluwar te tut ya yale.

San Lucas 2:46

Ta yoxebal to kꞌaal a kꞌo staik ta templo nakal sok te maestroeetik yuꞌun te mantaliletike. Te Jesuse yipal ta yaꞌiyel te tut ya yalike sok ya sjojkꞌobeyik sluwar.

San Lucas 8:35

Jich te genteetike tal yilik te tuti kꞌot ta pasele. Kꞌalal kꞌoik te ba ay te Jesuse, nakal a kꞌo staik te winik te lokꞌemix pukujetik ta yoꞌtane. Teꞌ nakal a te ba xujk yok te Jesuse. Slapojix skꞌuꞌ-spakꞌ a, sok ya snaꞌix kꞌinal a. Te genteetike la xiꞌyuꞌun.

Hechos 11:25

Ta patil te jicha kꞌote, te jBernabee bajt ta jtejklum Tarso yuꞌun ba sle te Sauloe.

Hechos 15:23

Jicha aꞌbot ba yichꞌik te karta te jich a yale: “Joꞌotik apostolotik y sok te ansianoetik te awermanotake, xkoltanuk te kermanotaktik te ma juriyouke, te ayik ta jtejklum Antioquia sok ta Siria y sok ta Cilicia.

Hechos 15:41

Kꞌaxik bael ta estado Siria y sok estado Cilicia. Kꞌa yaꞌbeyik spuersa yoꞌtan te juju-tijkꞌ hermanoetike.

Hechos 21:20

Te kꞌalal la yaꞌiybeyik sluware, la yalbeyik kolayal Dios yuꞌun, y la yalbeyik te jPabloe: —Lek ay, hermano Pablo, la awilix te ay bayal ta jmil juriyoetik te xchuꞌuunejikix te Jesuse, y spisilik tulan skꞌoplal ta yoꞌtanik te puersa ya skꞌan chꞌuunel te mantaliletik yuꞌun jMoisese.

Hechos 21:39

Te jPabloe la yalbe: —Te joꞌone juriyoon. Jaꞌ jlumal te jtejklum Tarsoe te ay ta estado yuꞌun Cilicia, te jun jtejklum te ben tulan skꞌoplale. Pero, awokoluk, aꞌbon permiso te ya jkꞌopon te gente —xchi te jPablo.

Hechos 23:34

Ta patil te laj skꞌopon te karta te gobiernoe, la sjojkꞌobe te ba talem te jPabloe. Kꞌalal la yaꞌiy te talem ta estado yuꞌun Ciliciae,

Hechos 23:6

Te nax a te jPabloe la snaꞌ te ay saduseoetik y ay fariseoetik te ba juntae. Jaꞌ yuꞌun tulan a kꞌopoj ta yalel te jPabloe: —Kermanotak, te joꞌone fariseoon y fariseo te jmeꞌ-jtate. Jaꞌ ayon ta chapel yuꞌun te jchꞌuunej te ya xchaꞌkux tal te animaetike —xchi te jPabloe.

Hechos 26:5

Y snaꞌojik, sok ya xjuꞌ ya yalik teme ya skꞌanike, te fariseoon ta jchꞌiibale. Jaꞌ te jtijkꞌ te kuidado ayik ta xchꞌuunel te jreligiontike.

Hechos 26:9

“Joꞌon mismo nail a jnop te tutik bayal a jkontrain a te Jesus te talem ta Nazarete.

Hechos 5:34

Pero te ba stsoboj sbaik te machꞌatik ay yaꞌtelike ay jtul fariseo tey a te Gamaliel sbiile, te jaꞌ maestro yuꞌun te mantaliletike te ben lek aꞌbil ta jkuenta yuꞌun te jtejklume. Jaꞌ a tejkꞌaj jajchel y la yakꞌ mantal te ya to xlokꞌ bael jtsꞌinuk te apostoletike.

Hechos 6:9

Pero ay machꞌatik ay ta skuenta te sinagogae te sbiilinej te “Mosoetik te Kolemikix ta Libree”, sok ay machꞌatik talemik ta jtejklum Cirene sok ta Alejandria sok ta Cilicia sok ta jun estado yuꞌun Asia. Lijkik ta kꞌop sok te jꞌEstebane,

Hechos 9:1

Te Sauloe ma xlaj yoꞌtan ta yalbeyel skꞌoplal ta milel te hermanoetik ta stojol te Kajwaltike. Jaꞌ yuꞌun ba skꞌopon te statal saserdotee

Hechos 9:11

Jicha albot yuꞌun te Kajwaltike: —Jajchan y baan te ba Tojil Kaya sbiile. Te ba sna Judase jojkꞌoya te jtul winik te talem ta jtejklum Tarso te Saulo sbiile te yipal ta skꞌoponel Dios a.

Hechos 9:30

Kꞌalal la yaꞌiybeyik sluwar te hermanoetike, la yikꞌik bael ta jtejklum Cesarea te Sauloe, y te nax a la stikonik bael ta jtejklum Tarso.

Romanos 11:1

Jich ya jojkꞌoy te ora to: “¿Me yuꞌun wan jkꞌaxel a xchꞌojix jilel te israeletik te Diose?” xchion. Ma jichuk. Joꞌon mismo israelon euk, stsꞌumbalon te jꞌAbrahame y sok te jtijk stsꞌumbal te jBenjamine.

2 Corintios 11:22

Teme hebreoetik te stukelike, jichon euk. Teme israeletike, jichon euk. Teme jaꞌ stsꞌumbal te jꞌAbrahame, jichon euk.

Gálatas 1:14

Te jun nax ayon sok a te juriyoetik, te joꞌone mas nail nail juꞌem kuꞌun ke te jlumale, te joy jba sok ta chꞌile. Porke ben bayal skꞌoplal ta koꞌtan te jkanantayej te skostumbreik te antibo jmeꞌ-jtate.

Gálatas 1:21

Ta patil boon ta estadoetik yuꞌun Siria sok Cilicia.