Hechos 22:1 - Nuevo Testamento Tzeltal de Amatenango

¹ —Kermanotak, aꞌibeyaik awaꞌi sluwar te tut ya kalbeyexe te tutꞌ ayone —xchi te Pabloe.

Bible in Tzeltal Bachajón

¹ Quermanotac soc me'iltatiletic, a'iybon jc'op, ya calbeyex awa'iyic bin ut'il ayon, xchi.

Bible in Tzeltal de Oxchuc y Tenejapa

¹ —Quermanotac, tatiquetic, aiybon awaiyic stojol jc'op. Ya me calbeyex te bit'il ayone —xi' te Pabloe.

Hechos 22:1 ပူးပေါင်းရင်းမြစ်များ

San Lucas 12:11

“Te kꞌalal ya yikꞌelex bael ta sinagogaetike, o teme ya stejkꞌanelex ta stojol te alkaletike, sok ta stojol te juꞌeletike, ma me xꞌawakꞌ yajtal awoꞌtanik yuꞌun te tut ya skꞌan ya ajakꞌbeyik te skꞌopike sok te tut xkꞌo awalike.

San Lucas 21:14

Ma me nailuk ya anopilan ta awoꞌtanik te tut ya xkꞌo awalik yuꞌun ya akoltay abaik ae.

Hechos 13:26

“Kermanotak, te stsꞌumbalex euk te jꞌAbrahame, y jaꞌex te jyanlumexe te axiꞌojik te Diose, jaꞌex awuꞌunik te skꞌoplal kolel to.

Hechos 19:33

Pero te juriyoetike la swetꞌik ochel ta kꞌop te jꞌAlejandroe, yuꞌun ya yalbe sluwar tut yuꞌun te kꞌope. Te jꞌAlejandroe la xbech-kꞌabtay te gentee te yauk xkomik ta kꞌope, yuꞌun ya yalbe ta lekil kꞌop ta sit te jtejklume.

Hechos 23:1

Te jPablo la skꞌelulanbe sit te machꞌatik stsoboj sbaik te ay yaꞌtelike, y la yaltalanbe: —Kermanotak, te joꞌone bikꞌiton to a te jun koꞌtan ayon ta stojol Dios asta te ora to —xchi.

Hechos 23:6

Te nax a te jPabloe la snaꞌ te ay saduseoetik y ay fariseoetik te ba juntae. Jaꞌ yuꞌun tulan a kꞌopoj ta yalel te jPabloe: —Kermanotak, te joꞌone fariseoon y fariseo te jmeꞌ-jtate. Jaꞌ ayon ta chapel yuꞌun te jchꞌuunej te ya xchaꞌkux tal te animaetike —xchi te jPabloe.

Hechos 24:10

Te gobiernoe la yaꞌbe seña te ya xkꞌopoj te jPabloe, y jicha lijk yal te jPabloe: —Ben jun koꞌtan ya xkꞌopojon ta atojol. Porke ya jnaꞌ te ayix jaꞌbil te ay awaꞌtel ta alkalil liꞌ ba nasion to.

Hechos 25:16

Te joꞌone la kaltalanbe te juꞌeletik yuꞌun Romae ma kꞌayemuk te ay machꞌa ya smil teme ma nailuk ya smeltsaa sok te machꞌa ya xlebot smul yuꞌune. Yuꞌun jich me ya skoltay sba ta kꞌop teme ya xlebot smule.

Hechos 25:8

Te jPabloe la yal: —Te joꞌone maꞌyuk ba jleoj jmul sok ma jkontrainejuk te mantaliletik yuꞌun te juriyoetike, ni jkontrainejuk te temploe, sok ma jkontrainejuk te César te mukꞌul rey ta Romae —xchi te jPabloe.

Hechos 26:24

Te tutꞌil jich a yal ta kꞌop te jPabloe, te Festoe tulan a kꞌopoj yuꞌun: —Xjowiyat, Pablo. Ta skaj te bayal junetik ya awile, jowiyatix yuꞌun —xchi te Festoe.

Hechos 28:17

Oxeb kꞌaal ta patil skꞌoel a te jPabloe la yakꞌ tal ta ikꞌel te krensipaletik yuꞌun te juriyoetik ta Romae. Te kꞌalal stsoboj sbaikix aye, la yaltalanbe: —Kermanotak, te joꞌone maꞌyuk tut jpasoj ta stojol te jlumaltik juriyoetike ni ayuk jkontrainej te kostumbre yuꞌun te antibo jmeꞌjtatike. Pero ta Jerusalen la yakꞌelon entregal ta stojol te jromaetike.

Hechos 7:2

Te jꞌEstebane la sjakꞌ: —Kermanotak moletik aꞌiyaik awaꞌi te tut ya kalbeyexe: Te Chꞌul Dios kuꞌuntik te ay xojobil tsaꞌamule, la yakꞌ sba ta ilel ta stojol te antibo jmeꞌ-jtatik Abrahame te kꞌalal ay to ta Mesapotamia ae te ma to xba kuxuyinuk ta Haran ae.

Romanos 2:15

Jich ya yakꞌ ta ilel a ta skuenta te tut ya spasike te tsꞌibabil ta yoꞌtanik te mandaliletike. Stukel nax ta yoꞌtan ya snaꞌ te tut leke, y stukel nax ta yoꞌtan ya snaꞌ teme lek o ma lekuk te tut ya spase.

1 Corintios 9:3

Jaꞌ sujtib jkꞌop yuꞌun te machꞌatik ya yalik te ma jichuk te tutik ya jpase.

2 Corintios 12:19

¿Meꞌn jich akuyotik te ya nax jmak jbajtik ta kꞌop ta atojolike? Pero ma jichuk. Ta stojol Dios ya xkꞌopojotik, sok jich tutꞌil te machꞌatik ay ta skuenta te Cristoe. Y spisil to, kermanotak te ben kꞌuxex ta koꞌtane, yuꞌun jich te jaꞌexe ya me xmukꞌubex ta stojol Dios.

2 Corintios 7:11

Te jaꞌex atꞌej ta awoꞌtanik te ajtal-oꞌtan jich tutꞌil ya skꞌan Dios, jich la awilikix te lek a lokꞌex koel ae. Yuꞌun bayal la anop ta awoꞌtanik te tut ya awut abaik yuꞌun te kꞌope. La yakꞌ ilinanik, y jich a xiꞌex yuꞌun. Patil la akꞌan te ya awilikon, y juꞌ awuꞌunik te la awaꞌbeyik kastigo te machꞌa mulawene. Sok spisil la awakꞌik ta ilel te maꞌyuk tut la amulinik yuꞌun te kꞌop to.

Filipenses 1:17

Pero ay yanetik te ma junuk yoꞌtanike, te ya skꞌan stoyesik skꞌoplalik stukelik. Sok ya skꞌan yoꞌtanik te yauk jta xan ta mas jwokol te ayon ta prexoe.

Filipenses 1:7

Ben lek ya kaꞌiy te jich ayex ta koꞌtan ta apisilik te jaꞌexe, porke ben jkꞌanojex ta koꞌtan. Porke pajal kichꞌojtik mismo bendisionetik, aunke liꞌ ayonix ta prexo to, o manchuk me ya kichꞌ ikꞌel ta stojol te jꞌuꞌeletike yuꞌun jich me ya jkoltay jba y ya kal te skꞌoplal te kolele.

2 Timoteo 4:16

Te primero a stejkꞌanelon ta sit jꞌuꞌeletike, maꞌyuk machꞌa a skoltayon. Spisilik a sjilesikon. Manchuk jaꞌuk ya xꞌaꞌbot smulinik yuꞌun Dios.

1 Pedro 3:15

Sino ke jaꞌ xꞌawakꞌik ta jkuenta te Cristoe, sok jaꞌ me xꞌawajwalinik ta awoꞌtanik. Siluk me tiempo chapalex ta sjakꞌbeyel skꞌopik spisil te machꞌatik ya xchꞌamik razon te ay smukꞌul awoꞌtanik te jaꞌexe.