Hechos 20:4 - Nuevo Testamento Tzeltal de Amatenango

⁴ Jaꞌ a sjoyinlan bael te Sópater te xnichꞌan jPirroe te lijkem tal ta jtejklum Berea, y sok Aristarco sok Segundo te talemik ta Tesalónicae, sok Gayo te talem ta Derbe, sok jTimoteo, y sok jTiquico, y sok jTrofimo te talemik ta estado Asiae.

Bible in Tzeltal Bachajón

⁴ Joquinot bahel c'alal Asia yu'un te Sópater snich'an Pirro, te talem ta Berea, Aristarco soc Segundo te talemic ta Tesalónica, Gayo te talem ta Derbe, Timoteo, soc te Tíquico soc Trófimo te talemic ta Asia.

Bible in Tzeltal de Oxchuc y Tenejapa

⁴ Ja' la sjoin bael te Sópater te snich'an Pirro te talem ta Berea, soc Aristarco soc Segundo te talemic ta Tesalónica, soc Gayo te talem ta Derbe, soc Timoteo soc uuc te Tíquico soc Trófimo te talemic ta smaquen-q'uinal Asia.

Hechos 20:4 ပူးပေါင်းရင်းမြစ်များ

Hechos 14:20

Pero te hermanoetik la stsob sbaik tal, tal sjoyik te jPabloe. La stejkꞌan sba jajchel te Pabloe, y chaꞌoch xan bael te ba jtejklume. Ta xchebal kꞌaal la sjiles te jtejklum Listrae, bajt sok te Bernabee ta jtejklum Derbe.

Hechos 14:6

Pero te jPablo sok te jBernabee la yaꞌibeyik sluwar te tut snopojike. Jicha laj bajt ta anel ta jtejklum Listra sok ta Derbe te ay ta estado Licaonia. Jich a yokliyik spisil te estadoe,

Hechos 16:1

Te jPablo sok te Silase laj kꞌot ta jtejklum Derbe sok ta jtejklum Listra. Teꞌ la staik jtul hermano te jTimoteo sbiile, yal jtul juriyo-ants te hermanae. Te state griego-winik stukel.

Hechos 16:6

Beenik kꞌaxel ta estado Frigia sok ta estado Galacia, porke komot yuꞌun te Chꞌul Espíritu te ya xkꞌa yal skꞌop Dios te ba estado Asiae.

Hechos 17:1

Te jPablo sok te Silase laj bajt ta jtejklum Anfípolis sok ta jtejklum Apolonia, y te nax a laj kꞌot ta jtejklum Tesalónica te ba ay jun sinagoga yuꞌun te juriyoetike.

Hechos 17:13

Pero te kꞌalal la yaꞌiyik te juriyoetik te ay ta Tesalónicae te yipal ta yalel skꞌop Dios ta Berea te jPabloe, laj bajtik ta Berea kꞌo xchebal-kꞌoptayik te gente teꞌae.

Hechos 19:29

Jicha lijkik ta kꞌop spisil te jtejklume. Te genteetike la stsakik te jGayo sok te jꞌAristarco te cheb winketik te talemik ta Macedonia te sjoyinejik te jPabloe, y la xjochik ochel kꞌalal ba ya stsob sbaik te jtejklume.

Hechos 2:9

Yuꞌun ay talemotik ta Partia, sok ta Media, sok ta Elam, sok ta Mesopotamia, sok ta Judea, sok ta Capadocia, sok ta Ponto, y sok ta estado Asia,

Hechos 20:16

Jicha beenotik yuꞌun la snop te jPabloe te makꞌ ya xjalajotik ta estado Asiae. Jich maꞌ bootik ta jtejklum Efeso, yuꞌun te jPablo ya skꞌan te yauk xkꞌot ta ora ta Jerusalen, yuꞌun teꞌ me ayix a te ya xkꞌot skꞌaalel Pentecostese.

Hechos 20:18

Te kꞌalal laj kꞌote, la yaltalanbe: —Te jaꞌexe anaꞌojik te tut kilel la awilikon te jayeb kꞌaal ayon ta awolilik jaꞌto te jul joyinex ta primero ta estado Asiae.

Hechos 21:29

Jich a yalik yuꞌun achꞌ to nax a yilik te jPablo te sjoyinej ta jtejklum te Trofimo sbiil te talem ta Efesoe, y la skuyik te jPablo la yikꞌtalan ochel ta temploe.

Hechos 27:2

Jicha mootik bael ta jun barko te talem ta jtejklum Adramitio te ya xbajtix ta jtejklumetik te aylan ta tiꞌtiꞌ mar yuꞌun slum Asiae. Joyinejtik kꞌael ekꞌa te jAristarco te talem ta Tesalónica te ay ta estado Macedoniae.

Romanos 16:21

Ya yalbeyex xkoltanuk te jTimoteoe te joy jba sok ta aꞌtele. Y jich euk te jLucioe te Jasone y sok te Sosipatere te jaꞌ jlumaltake.

Romanos 16:23

Sok xkoltanukex laj yuꞌun te jGayoe te liꞌ ayon ta smajanel te snae, jaꞌ te liꞌ ba ya stsob sbaik ta spisil te hermanoetike. Sok xkoltanukex laj yuꞌun euk te jꞌErastoe te ja tesorero yuꞌun te jtejklume sok euk te kermanotik Cuartoe.

2 Corintios 1:1

Joꞌon jPabloon. Skꞌanojel yoꞌtan Dios te apostolon yuꞌun te Jesucristoe, sok te hermano jTimoteoe. Ya jtsꞌibay te karta to ta akuentaik te jayebex te achꞌuunejik Dios te ayex ta jtejklum Corintoe y sok te jtejklum yuꞌun Dios ta spisil te estado yuꞌun Acayae.

2 Corintios 1:19

Porke te Cristo Jesuse makꞌ yal “Jich” sok “Ma jichuk” te mismo tiempo ae. Jaꞌ nax te Xnichꞌan Diose te jaꞌ ya kalbeytikex skꞌoplale, joꞌon sok te Silvanoe sok te jTimoteoe. Te Cristoe stukel batsꞌi jich ta stojol Dios,

Efesios 6:21

Te jTiquico, te hermano ben kꞌux ta koꞌtane y ben jun yoꞌtan te ya xkoltawan ta yaꞌtel te Kajwaltike, ya yichꞌ bael spisil te kꞌopetik te tutꞌ ayone sok te tut yipalon ta spasele.

Filipenses 2:19

Teme jich ya skꞌan te Kajwaltik Jesuse, jnopoj te ya jtikonbeyex tal ta ora te jTimoteoe, yuꞌun jich me ya xjunub koꞌtan te ya kaꞌiy akꞌoplalik te jaꞌexe.

Colosenses 4:10

Xkoltanukex laj me yuꞌun euk te Aristarco, te joy jba sok ta prexoe. Y jich euk te jMarcose te yal xwix te jBernabee. Te jaꞌexe la kalbeyexix mantal te tut ya skꞌan ya apasik sok te jMarcose; teme tal yulutayexe, lek me xꞌawikꞌik.

Colosenses 4:7

Te kermanotik jTiquico te ben kuꞌx ta koꞌtantike, sok te ben jun yoꞌtan ya xkoltawane, y te la sjoyinon ta abatinel yuꞌun te Kajwaltike, jaꞌ ya yalbeyex tutꞌil ayon.

1 Timoteo 1:1

Joꞌon jPabloon, apostolon yuꞌun te Jesucristoe. Tikonbilon ta smantal Dios te Koltawanej kuꞌuntike y te Kajwaltik Jesucristoe te jaꞌ yip koꞌtantike.

2 Timoteo 1:2

La jtsꞌibabeyat te karta to, Timoteo, te kꞌuxat ta koꞌtane sok te jich kꞌoemat tutꞌil jnichꞌane. Aꞌ me yaꞌbeyat te slekil yoꞌtan y te bujtsꞌan kꞌinal yuꞌun te Dios Tatile y sok te Kajwaltik Jesucristoe.

2 Timoteo 4:12

Te jTiquicoe la jtikonix bael ta Efeso.

2 Timoteo 4:20

Te jꞌErastoe jil ta Corinto y te jTrofimoe la jiles ta Mileto yuꞌun tabil ta chamel.

Tito 3:12

Kꞌalal te joꞌon ya jtikon ta ba ayat te Artemas o te Tiquicoe, pasa me ta ora te ya xba awilon ta Nicópolis. Porke la jnop te tey ya xkꞌax kuꞌun a te skomil kꞌaale.

Filemón 1:24

Y jich euk te jMarcos sok Aristarco sok Demas sok Lucas te ya skoltayikon ta aꞌtele.

3 Juan 1:1

Joꞌon te ansianoone, ya jtsꞌibay te karta to jaꞌ yuꞌun te kamigo jGayoe te batsꞌi ben kꞌux ya kil jba soke.