Hechos 20:3 - Nuevo Testamento Tzeltal de Amatenango

³ Teꞌ jalaj oxeb u a te jPabloe. Skꞌan xmoix bael ta barko a, yuꞌun ya xbajt ta estado Siria, kꞌalal la yaꞌi te chapbil skꞌoplal ta milel yuꞌun te juriyoetike. Jich a snop te ya xchaꞌsujt bael ta yok te ya xkꞌax xan ta estado Macedoniae.

Bible in Tzeltal Bachajón

³ Oxeb u halaj tey a. Te judíohetic la schap sc'opic ta scontrahinel te c'alal nopol ya xloc' bahel ta barco ta Siria, hich la snop ta yo'tan te ya suht bahel ta Macedonia.

Bible in Tzeltal de Oxchuc y Tenejapa

³ ta banti jalaj oxeb u te Pabloe. C'an ochuc ta barco, yu'un ya xbajt' ta sq'uinal Siria, ja'uc me to, la yaiy stojol te chapal sc'oplal ta milel yu'un te judioetique. Jich la snop te ya sujt' bael ta yacane. Jich c'ax bael yan buelta ta sq'uinal Macedonia.

Hechos 20:3 ပူးပေါင်းရင်းမြစ်များ

San Mateo 4:24

Pujk skꞌoplal te Jesuse ta spꞌejel estado yuꞌun Siria. La yikꞌtalanik tal ta skuenta te jayeb machꞌatik ayik ta chamele, chikan te tutikuk chamelil te kꞌux ya yaꞌiy ta stiꞌbalulike. Ay machꞌatik ochem pukuj ta yoꞌtanik sok ay machꞌatik staoj tupꞌtupꞌ-ikꞌal sok ay machꞌatik kꞌolbil yok-skꞌabik te la slekuteslan te Jesuse.

Hechos 16:12

Teꞌ lijkotik bael a y bootik ta jtejklum Filipos, te jaꞌ kolonia yuꞌun te Romae y jaꞌ ben aꞌbil ta jkuenta ta estado Macedonia. Teꞌ jalajotik cheꞌoxeb kꞌaal a.

Hechos 16:9

Teꞌ ay tut aꞌbot yil ta xwayuch ta ajkꞌubal a te jPabloe. La yil jtul winik ta estado yuꞌun Macedonia te tekꞌel ta skꞌanel pawore. Jicha albot yuꞌun: “Kꞌaxan me bael ta Macedonia, yuꞌun ya xtal akoltayotik”, xꞌutot.

Hechos 18:18

Te jPabloe bayal xan kꞌaal a jalaj a te ba Corintoe. Ta patil la skꞌoponlan jilel te hermanoetike, y sok te jꞌAquila sok te sPriscila, moik bael ta barko yuꞌun laj bajt ta estado yuꞌun Siria. Te kꞌalal ma to xmoik ta barko a te Pabloe, la yakꞌ ta joxel sjol ta jtejklum Cencrea yuꞌun ay tut yaloj ta stojol te Diose.

Hechos 19:21

Ta patil te kꞌotix ta pasel a to, te jPabloe la snop te ya xkꞌa yil te hermanoetik te ayik ta estado Macedonia sok ta estado Acaya, sok ta patil ya xbajt ta Jerusalen. Sok la yal: —Ta patil teme kꞌaxon ta Jerusalene, puersa ya xboon ta Roma —xchi.

Hechos 20:1

Te kꞌalal komix a te kꞌope, te jPabloe la yakꞌ tal ta ikꞌel te hermanoetike, yuꞌun ya stsitstalan jilel. Te nax a laj skꞌoponlan jilel y stukel bajt ta slum Macedonia.

Hechos 20:19

Sil tiempo joyinejex, chꞌin kakꞌoj jba te tutꞌil ayon ta mantaltesel yuꞌun te Kajwaltike. Y bayal a kokꞌetay jba, sok kꞌax bayal jwokol yuꞌun prewaetik te tut kꞌan spasbikon te juriyoetike.

Hechos 20:2

La yulutay spisil luwaretik te baꞌatik ay te hermanoetike y bayal a yaꞌbe jilel spuersa yoꞌtan. Y patil kꞌot ta estado Grecia.

Hechos 21:3

Yipalotik ta kꞌaxel bael a la kiltik te slum Chipre te joybil ta jaꞌe jil kuꞌuntik ta kꞌexom, y toj a bootik kꞌalal ta estado Siria. Pero te barkoe la skoes jilel ijkatsil ta jtejklum Tiro, y teꞌ kootik jilel a.

Hechos 25:3

La skꞌanbeyik tulan pawor te yauk yal mantal te ya xꞌikꞌot bael ta Jerusalen te jPabloe, yuꞌun te ya smilik jilel ta be a.

2 Corintios 1:15

Te tutꞌil jich ay te koꞌtane, jich jnopoj te nail ya xtal kilex te jaꞌexe, yuꞌun jich me ya awichꞌik chaꞌmel bendision a.

2 Corintios 11:26

Ben bayal beenemon y kiloj te peligroetik ta jaꞌe, y peligroetik yuꞌun te jꞌelekꞌetike, y peligroetik yuꞌun te jlumale, y sok te jyanlumetike. Kiloj peligroetik ta mukꞌul jtejklum, sok ta jojchol luwar, sok ta mar, y peligroetik yuꞌun te palso hermanoetike.

2 Corintios 7:5

Jaꞌ to te julotik ta Macedoniae, maꞌyuk ba jtajtik te ya jkux koꞌtantike, yuꞌun bayukix a jtajtik jwokoltik. Bayuk nax a jtajtik kꞌop y sok xiꞌel ta koꞌtantik.

Gálatas 1:21

Ta patil boon ta estadoetik yuꞌun Siria sok Cilicia.