Hechos 2:47 - Nuevo Testamento Tzeltal de Amatenango

⁴⁷ La skꞌayojinbeyik slekil te Diose, y ben lek skꞌoplalik yuꞌun spisil te jtejklume. Jujun kꞌaal te Kajwaltike la spꞌoles te hermanoetike, chikan te machꞌatik ya sta skolelike.

Bible in Tzeltal Bachajón

⁴⁷ la yalbeyic yutsilal te Diose, soc lec sc'oblalic yu'un spisil yantic. Te Cajwaltic jujun c'ahc'al la yic'ticlan tal ta iglesia te mach'atic ya xcolique.

Bible in Tzeltal de Oxchuc y Tenejapa

⁴⁷ Spisil ora la sc'ajintaybeyic yutsilal te Diose, soc lec sc'oplalic yu'un spisil te lume. Te Cajwaltique yan yan ta esmajel yu'un jujun c'aal te jch'uunjeletique, chican jich yipal te ya staic scolelique.

Hechos 2:47 ပူးပေါင်းရင်းမြစ်များ

San Lucas 19:48

Pero ma staik tut ya yutik, yuꞌun spisil te genteetike ben tsaꞌam ya yaꞌiyik te tut yipal ta yalel te Jesuse.

San Lucas 2:52

Yanyan yipal ta chꞌiel te Jesuse, sok yanyan ta pꞌijubel. Yanyan yipal ta mukꞌubel slekil yoꞌtan ta stojol Dios sok ta stojol te genteetike.

Hechos 11:21

Te spoder te Kajwaltike joyinlanbil yuꞌun, y jich lom bayal a sjilesik te tut nameyix xchꞌuunejike y la xchꞌuunik te Kajwaltike.

Hechos 11:24

Porke te jBernabee ben lek yoꞌtan ta winikil, y nojel ta yoꞌtan te Chꞌul Espiritue, y jun yoꞌtan ta stojol te Kajwaltike. Jich bayal xan gente a xchꞌuun te Kajwaltike.

Hechos 13:48

Te kꞌalal la yaꞌiybeyik sluwaril to, te machꞌatik ma juriyouke ben jun yoꞌtanik a la sujt yuꞌun, y lijk yalik te ben tsaꞌam te skꞌop Kajwaltike. Spisil a xchꞌuunik te machꞌatik tsabilik yuꞌun te ya xkuxuyinik sbajtel kꞌinale.

Hechos 14:1

Te kꞌalal ayikix ta jtejklum Iconio ae, te jPablo sok te jBernabee ochik bael te ba sinagoga yuꞌun te juriyoetike. Ay bayal yip te skꞌop Dios te la yalike, jich bayal a xchꞌuunik te juriyoetike sok te machꞌatik ma juriyouke.

Hechos 14:21

Patil la yalik te lek achꞌ kꞌop te ba jtejklum Derbee, te ba bayal a yaꞌbeyik xchꞌuun Jesus te genteetike. Ta patil sujtik xan bael ta jtejklum Listra, sok ta Iconio, sok ta jtejklum Antioquia.

Hechos 16:5

Jicha junub yoꞌtanik ta xchꞌuunel Dios te juju-tijkꞌ hermanoetike, y te hermanoetike jujun kꞌaal a lijk pꞌolikuk.

Hechos 17:12

Jich chꞌin ma spisiluk a xchꞌuunik, y jich bayal a xchꞌuunik euk te jkꞌulej griego antstik te ichꞌbil ta jkuentae sok euk te winketike.

Hechos 2:39

Porke yalojix te Diose te ya yaꞌbeyex te Chꞌul Espiritue, sok euk te awuntikilike, y jich euk spisil te machꞌatik jakal ayike, chikan te jayeb machꞌa ya xꞌikꞌot yuꞌun te Kajwaltik Diose —xchi.

Hechos 2:41

Jich te machꞌatik la yakꞌik ta jkuenta te skꞌop Dios te la yal te jPedroe, akꞌtalanbot yichꞌjaꞌ. Te kꞌaal abi ay wan tres mil ta jtul a pꞌolik te hermanoetike.

Hechos 4:21

Te jꞌuꞌeletike tulan a yalbeyik, y la skolesik bael. Yuꞌun ma stabeyik te tut ya yaꞌbeyik kastigo yuꞌune. Porke spisil te gentee ya yalbeyik kola yal Dios yuꞌun te tut kꞌoem ta pasele.

Hechos 4:33

Te apostoletike sigue ay spuersa yoꞌtanik ta yalel te tutꞌil a chaꞌkux tal te Kajwaltik Jesuse. Y Dios bayal a akꞌtalanbot bendision yuꞌun.

Hechos 4:4

Pero bayal te machꞌatik la xchꞌuunik te tuti altalanbot yuꞌun te jPedro sok te Juane. Y pꞌol te hermanoetike, jip ajtabil a te winketike ay wan sinko mil ta jtul.

Hechos 6:1

Te tiempo abi yipal ta bayalubel te hermanoetike. Te machꞌatik xkꞌopoj ta griego lijk yaꞌbiyanik te machꞌatik xkꞌopoj ta hebreoe. Ya yalik te griega meꞌba antstike ma kꞌuxutaybiluk lek yuꞌun makꞌ xꞌaꞌbot lek sweꞌelik te jujun kꞌaale.

Hechos 6:7

Te skꞌop Dios pujk bael, y te hermanoetike lom bayal yipal ta pꞌolel te ba Jerusalene. Asta bayal saserdoteetik yuꞌun juriyo la xchꞌuunik euk.

Hechos 9:31

Jich te hermanoetik te aylan ta estadoetik yuꞌun Judeae sok ta Galilea y sok ta Samaria ben jun yoꞌtanik yipalik ta pꞌijubel ta skuenta Espíritu. La xchꞌuunik ta lek te Kajwaltike, y koltalanot yuꞌun te Chꞌul Espiritue jich yipalik ta pꞌolel ta mas.

Hechos 9:35

y spisil te machꞌatik aylan ta jtejklum Lida sok ta jtejklum Saron la yilik te jajch te jꞌEnease. Jich a sujtes yoꞌtanik ta stojol te Kajwaltike.

Romanos 14:18

Te machꞌa jich ya yakꞌ sba ta abatinel yuꞌun te Cristoe, jaꞌ lek ya xꞌilot yuꞌun te Diose y sok te genteetike.

Romanos 8:30

Sok te machꞌatik Dios ta slijkibal to jich stsaoje, la yikꞌtalan euk. Sok te machꞌatik ikꞌtalanbile, jamal a yalbe te kolemix yuꞌun te smule. Sok te machꞌatik jamal a yalbe te kolemix yuꞌun te smule, la yakꞌtalanbe smajtanin te slekilale.

Romanos 9:27

Jich te jꞌIsaiase la yalbey te tutꞌil ay te jꞌisraeletike: “Manchuk me lom bayal te stsꞌumbal Israele jich tutꞌil sjiꞌal te mar, úniko xanix sobrail te ya staik te kolele.

1 Corintios 1:18

Lom nax kꞌoem ta yoꞌtanik te machꞌatik chꞌayel ya xlaj bajtike te tutꞌ ay skꞌoplal te cham ta krus te Cristoe. Pero te skꞌoplal to jich kꞌoem ta koꞌtantik te jaꞌ spoder Dios yuꞌun te machꞌatik ya xkolotike.