Hechos 2:40 - Nuevo Testamento Tzeltal de Amatenango

⁴⁰ Te jPedroe la to xan yalbe lek te skꞌop Diose y la stsits te jaꞌ lek te yauk xchꞌuunike. Y la yaltalanbe: —Pita abaik tal lokꞌel te ba genteetik te ma tsaꞌamuk yoꞌtanike —xchi.

Bible in Tzeltal Bachajón

⁴⁰ Bayel to xan bintic halbotic yu'un soc tsitsotic yu'un, hich la yal: Coltaya loq'uel abahic ta yohlil te chopol jcaj ts'umbalil ini, xchi.

Bible in Tzeltal de Oxchuc y Tenejapa

⁴⁰ Te Pedro la to yalbey xan yaiyic ta lec te sc'op Diose, soc la stac'uy. Jich la yalbey yaiyic: —Ac'a abaic ta coltayel. Ma me xbaex ta ch'ayel soc te mach'atic cuxulic ta q'uinal ta ora to te amen yo'tanique —xi'.

Hechos 2:40 ပူးပေါင်းရင်းမြစ်များ

Filipenses 2:15

Jich me maꞌyuk machꞌa ay smul sok maꞌyuk palta ay awuꞌunik a. Jich me ya xꞌanex tutꞌil yal-xnichꞌan Dios ta yolil te gente te ma lekuk sok te ma tsaꞌamuk yoꞌtanike. Yuꞌun jich kꞌoemex ta yolilik tutꞌil ekꞌetik te ya xtil ta ijkꞌal kꞌinal ta balmilale.

1 Timoteo 4:16

Ila me aba jaꞌat mismo, y sok kuidadoat me yuꞌun spisil te tut ya awakꞌ ta nopele. Junuk awoꞌtan ya me apas spisil. Teme jich ya apase, jaꞌat mismo ya akoltay aba, y jich me ya akoltay euk te machꞌatik ya yaꞌibeyat akꞌope.

Efesios 4:17

Jich yuꞌun ya kalbeyex y ya jpasex ta mantal ta skuenta te Kajwaltike: Te ma me jichukix ya xꞌanex te tutꞌil yanetik genteetike te ma xchꞌuunejikuk te Diose, te jaꞌ nax ya spasik te tut ya snop ta jowil nax spensarike,

2 Corintios 6:17

Jaꞌ yuꞌun jich a yal euk te Kajwaltike: “Lokꞌanik tal te ba yolilike y parte xꞌawakꞌ abaik. Ma me atsakik te tut ya xꞌixlanwane. Jich me joꞌon ya kikꞌex.

San Mateo 17:17

La sjakꞌ te Jesuse: —¿Tuꞌun tut ayex, genteetik te maꞌyuk tut xchꞌuunej awoꞌtanik ta stojol te Diose sok te ma lekuk awoꞌtanike? ¿Jayeb me xan kꞌaal te joyinejexe? ¿Jayeb me xan kꞌaal te ya jtsꞌikbeyex te tutꞌil ayexe? Ikꞌbikon tal te kereme —xchi.

San Mateo 16:4

Te genteetik to te ma tsaꞌamuk yoꞌtanik sok te ma junuk yoꞌtanik ta stojol te Diose, ya skꞌan yilik seña. Pero ma xꞌaꞌbot yilik. Jaꞌ seña ta stojolik kꞌoem te Jonas te antibo jꞌalwanej yuꞌun te Diose —xchi. Te Jesus la sjileslan y bajt.

Gálatas 5:3

Ya jkꞌan jchaꞌalonbeyex xan: Machꞌauk winikil a te ya yichꞌ sirkunsisione, puersa ya xchꞌuun spasel spisil te tut ya yal te mantaliletik yuꞌun te jMoisese.

Hechos 28:23

Jich a xchapik jun kꞌaal te ya xtalik bayal ta jtul gente te ba smajanej na te jPabloe. Pajtajel nax a lijk y asta smalel kꞌaal a yal te jPablo tut ay ta ajwalinel te Diose. Yuꞌun yoꞌtanuk te ya yaꞌbe xchꞌuun te Jesuse, jich tutꞌil te tsꞌibabil ta mantaliletik yuꞌun te jMoises sok te tsꞌibabil yuꞌun te jꞌalwanejetike.

San Mateo 23:33

“Jaꞌ pajalex sok chanetik te stsꞌumbal te jtiꞌawal chane. ¿Tutꞌil kꞌan kolanik te ba kastigoe?

1 Pedro 5:12

Te Silvanoe, jaꞌ te jtul hermano te jun yoꞌtan xchꞌuunej Diose, jaꞌ la jmajanbey skꞌab ta stsꞌibayel te chꞌin karta to. Yuꞌun ya jtsꞌitsex y ya kalbeyex ta jamal te bendisionetik te awichꞌojikixe, te chikan a te jich ay slekil yoꞌtan te Diose. Jmel nax me junuk awoꞌtanik te tutꞌil jich ay te xkꞌuxul yoꞌtane.

1 Tesalonicenses 2:11

Sok anaꞌojik te la kaꞌbetikex spuersa awoꞌtanik y la junutesbeyex awoꞌtanik ta juju-tulex te jaꞌexe, jich tutꞌil ya spas jtul tatil sok te yuntikile.

2 Corintios 5:20

Jich yuꞌun joꞌotik ya xkꞌopojotik yuꞌun te Cristo ta atojolik. Jich kꞌoem te tutꞌil jaꞌ ya xwokolet ta akuentaik te Diose, te tutꞌil yipalotik ta kꞌop te joꞌotike. Jich yuꞌun, ta skuenta te Cristoe, awokolikuk te junuk awoꞌtan abaik sok te Diose.

Hechos 20:24

Pero makꞌ yakꞌ yajtal koꞌtan yuꞌun. Ma kocheluk te tutꞌ ay te jkuxlejale. Jaꞌ nax tulan skꞌoplal ta koꞌtan te ben jun koꞌtan ya jlokꞌes te jayeb kꞌaal ay ta jkuentae, jaꞌ to te ya xkꞌot koraile. Sok te ya juꞌutes kaꞌtel te yakꞌojbon te Kajwaltik Jesuse te jamal ya kal te tutꞌil ay te lekil achꞌ kꞌop yuꞌun te slekil yoꞌtan te Diose.

San Lucas 21:36

Chapalukex me te jaꞌexe. Kꞌoponaik me Dios ta sil tiempo. Yuꞌun jich me ya xkolex lokꞌel a ta spisil te tutik ya xkꞌot ta pasele, y yuꞌun jich me ya xjuꞌ ya atejkꞌan abaik ta sit te Nichꞌanile —xchi te Jesuse.

San Marcos 8:38

Teme ya xkꞌexawex kuꞌun sok teme ya xkꞌexawex yuꞌun te jkꞌope ta sit te genteetik te machꞌatik ma junuk yoꞌtanik ta skuenta Dios sok te kꞌayemik ta mulile, jichek te Nichꞌanile ya me xkꞌexaw awuꞌunik euk te tut ora ya xtal sok stsaꞌamul te Jtate y sok stsaꞌamul te chꞌul angeletike —xchi te Jesuse.

Hechos 20:21

Jamal a kalbe te juriyoetike sok te machꞌatik maꞌ juriyouke te ya skꞌan ya sujtes yoꞌtanik yuꞌun smulik ta stojol Dios, sok te ya xchꞌuunik te Kajwaltik Jesucristoe.

San Juan 21:25

Te Jesuse ay to xan bayal tuti spas. Te spisiluk ya yichꞌ tsꞌibayel ta skajal-skaje, te ya kale max och a te balmilale te spisiluk ya yichꞌ tsꞌibayel ta june.

Hechos 20:11

Te nax a chaꞌsujt moel te jPabloe. La xetꞌ te waje la sweꞌ sok te hermanoetike. Y lijk xan ta kꞌop te jPabloe asta sakubel kꞌinal. Jicha bajt.

Hechos 20:9

Sok ay jtul soltero kerem Eutico sbiil snajkanej sba ta bentana. Te tutꞌil jalaj ta yalel skꞌop Dios te jPabloe, lijk ta nikubajel te soltero kereme, y tamot lek ta wayel. Chꞌay ta koel kꞌalal ta yoxkajal te nae, y chamen a xjachik bael.

Hechos 20:2

La yulutay spisil luwaretik te baꞌatik ay te hermanoetike y bayal a yaꞌbe jilel spuersa yoꞌtan. Y patil kꞌot ta estado Grecia.

Hechos 15:32

Te Judas sok te Silase ay smajtanik yuꞌun yalel skꞌop Dios. Jich a sjunutesbe yoꞌtanik y la yaꞌbe spuersa yoꞌtan te hermanoetik yuꞌun te tutiꞌ yalike.

Hechos 10:42

Stukel a stikonotik te ya kalbeytik skꞌoplal te jtejklume, sok te ya kakꞌ jbatik ta testigo yuꞌune. Porke Dios a yaꞌbeyix yaꞌtel ta yichꞌel jkuenta te machꞌatik kuxajtik toe sok te machꞌatik chamenikixe.

San Mateo 12:34

Te jaꞌexe pajalex sok stsꞌumbal tiꞌawal chanetik. ¿Tutꞌil kꞌan lekuk te akꞌopike te ma tsaꞌamuk te awoꞌtanike? Te tut nojel ta koꞌtantike ya xchiknaj ta jkꞌoptik.

San Lucas 16:28

Yuꞌun ay to joꞌtul kijtsꞌinab teꞌa. Aꞌ ba skꞌoponbon yuꞌun makꞌ xlaj talix a liꞌ ba ay kastigoe”, xchi.

Hechos 4:36

Jich tutꞌil te jtul levita winik te Jose sbiil, te ay slumal ta Chipre te joybil ta mare, jaꞌ te machꞌa aꞌbot sbiilin Bernabe yuꞌun te apostoletike (ja te “ya sjunutesbotik koꞌtantik” xchi kꞌoem te sbiile).