Hechos 2:4 - Nuevo Testamento Tzeltal de Amatenango

⁴ Ta spisilik a noj ta yoꞌtanik te Chꞌul Espiritue, y lijk kꞌopojikuk ta yanetik kꞌop chikan te tutꞌil a akꞌot kꞌopojuk yuꞌun te Espiritue.

Bible in Tzeltal Bachajón

⁴ Ta spisilic noj ta yo'tanic te Ch'ul Espíritu, hahchic ta c'op ta yantic c'opiletic, ha chican bin c'opil ac'otic ta c'op yu'un te Espíritu.

Bible in Tzeltal de Oxchuc y Tenejapa

⁴ Ta spisilic noj ta yo'tanic te Ch'ul Espiritue. Jich jajch'ic ta c'op ta yantic c'opiletic chican bit'il ac'bot yalic yu'un te Espiritue.

Hechos 2:4 ပူးပေါင်းရင်းမြစ်များ

San Mateo 10:19

Pero te kꞌalal ya stekꞌanelex ta skuenta te juꞌeletike, ma me yajtaluk awoꞌtanik te tutꞌil ya skꞌan ya ajakꞌbeyik te skꞌopike sok te tut ya skꞌan xkꞌo awalike. Jich te tut ora ya xkꞌopojexe, Dios me ya yaꞌbeyex xꞌawalik te tut ya awalike.

San Marcos 16:17

Sok ya me xchiknaj señailetik ta skuentaik te machꞌatik ya xchꞌuunike. Joꞌon ta jkuenta ay me ya slokꞌesik pukujetik, sok ay me ya xkꞌopoj ta yan kꞌopetik,

San Lucas 1:15

Yuꞌun te anichꞌane mukꞌ me ya xkꞌot ta sit te Diose. Makꞌ me yuchꞌ bino sok te yanetik uchꞌbalile. Nojelix ta yoꞌtan te Chꞌul Espíritu te tut ora ya xꞌayine.

San Lucas 1:41

Te kꞌalal patbot yoꞌtan te sꞌElisabete, la snik sba te xchꞌin-baale. Te sꞌElisabete noj ta yoꞌtan te Chꞌul Espiritue,

San Lucas 1:67

Te Zacariase te stat te chꞌin alale, noj ta yoꞌtan te Chꞌul Espiritue. Lijk yalbey ta skuenta te Diose, jich a yal:

San Lucas 12:12

Porke te kꞌalal ya sta yorail te ya xkꞌopojexe, te Chꞌul Espiritue ya me yaꞌbeyex anaꞌik te tut xkꞌo awalike —xchi te Jesuse.

San Lucas 21:15

Porke joꞌon me ya kaꞌbeyex spꞌijil awoꞌtanik ta kꞌop. Te ni jtuluk ya xjuꞌ sujtesel te akontraike, sok te ma xjuꞌ ya skontra-kꞌoptayat yuꞌunike.

San Lucas 4:1

Te Jesuse nojel ta yoꞌtan te Chꞌul Espiritue. Jil yuꞌun te ukꞌum Jordane, ikꞌot bael ta tꞌantꞌan kꞌinal yuꞌun te Espiritue.

San Juan 14:26

Pero te Chꞌul Espiritue, te Joyinwanej awuꞌunike te ya xba stikon tal te jTat ta joꞌon jbiile, jaꞌ me ya yaꞌbeyex anopik spisil stukel, sok jaꞌ me ya yaꞌbeyex anaꞌik spisil te tut kalojbeyexe.

San Juan 20:22

La xujchꞌilan, y la yaltalanbe: —Ikꞌaik te Chꞌul Espiritue.

Hechos 1:5

Jich te Juane la yaꞌbe yichꞌ jaꞌ te gente ta jaꞌ nax. Pero ma jalukix kꞌaal te jaꞌexe te ya yaꞌbelex awichꞌik te Chꞌul Espiritue —xchi te Jesuse.

Hechos 1:8

Pero te kꞌalal ya xtal te Chꞌul Espíritu te ya xjul ta akuentaike ya me awichꞌik apoderik. Jich me testigo ya xkꞌoex kuꞌun ta Jerusalen, sok spisil ta estado yuꞌun Judea, sok ta estado yuꞌun Samaria, y sok ta spisil te balmilale —xchi.

Hechos 10:46

yuꞌun la yaꞌiyik te kꞌopojik ta yanetik kꞌop ta yalbeyel kolayal te Diose.

Hechos 10:47

Te jPedroe jich a yal: —¿Machꞌa kꞌan skom teme ya xꞌaꞌbot yichꞌik jaꞌ te genteetik to te aꞌbotix yikꞌik te Chꞌul Espiritue, jich tutꞌil te joꞌotike? —xchi.

Hechos 11:15

Te kꞌalal lijkon ta yaltalanbeyele, tal te Chꞌul Espiritue jul ta skuentaik jich te tutꞌil jul ta jkuentatik ta slijkibale.

Hechos 11:24

Porke te jBernabee ben lek yoꞌtan ta winikil, y nojel ta yoꞌtan te Chꞌul Espiritue, y jun yoꞌtan ta stojol te Kajwaltike. Jich bayal xan gente a xchꞌuun te Kajwaltike.

Hechos 13:52

Pero te hermanoetike ben jun yoꞌtanik yuꞌun te xchꞌuunejikixe, y nojel ta yoꞌtanik te Chꞌul Espiritue.

Hechos 13:9

Jich te Saulo, te jPablo xꞌalbote, nojel ta yoꞌtan te Chꞌul Espiritue, la skꞌelube lek sit te jꞌElimase,

Hechos 15:8

Jich te Diose, te snaꞌoj tutꞌ ay te oꞌtanile, la yakꞌ ta naꞌbeyel sluwar te ben tsaꞌam yoꞌtan ta stojol, yuꞌun la yakꞌtalanbe yikꞌ ta yoꞌtanik euk te Chꞌul Espíritu, jich tutꞌil te joꞌotike.

Hechos 19:6

Y te kꞌalal la skajanbe skꞌab ta sjolik te jPabloe, tal ta stojolik te Chꞌul Espiritue. Y jicha lijk kꞌopojuk ta yanetik kꞌop sok ta yalel skꞌop Dios.

Hechos 2:11

Ay stsꞌumbalotik te juriyoetike, y ay yanlumetik te sujtemix ta juriyoil euk. Sok ay talemotik ta Creta y sok ta Arabia. Y jpisiltik ya kaꞌibe jbajtik te jkꞌoptik te tutꞌil yanetik ya xkꞌopojotik te yakꞌojbotik te Diose —xchiik.

Hechos 2:3

Y chiknaj ta sjolik jich tutꞌil chꞌin kꞌajk te xlaplunete, la spujkij sba y kꞌot ta skuentaik ta juju-tul.

Hechos 4:31

Te kꞌalal laj yoꞌtanik ta skꞌoponel te Diose, nijkꞌ te luwar ba stsoboj sbaike. Y spisil a noj ta yoꞌtanik te Chꞌul Espiritue, y jamal a lijk yalik te skꞌop Diose.

Hechos 4:8

Te jPedroe nojel ta yoꞌtan te Chꞌul Espiritue la sjakꞌtalanbe: —Stataletik yuꞌun te jtejklume y moletik,

Hechos 6:3

Jaꞌ yuꞌun, kermanotak, leaik jukebuk winketik ta awolilik te lek skꞌoplalike, sok te ay spꞌijil yoꞌtanike, sok te nojel ta yoꞌtanik te Chꞌul Espiritue. Yuꞌun jaꞌ me ya xkꞌot ta skuentaik te aꞌtel to.

Hechos 6:5

Y spisilik akuerdo a laj kꞌot y la stꞌujik te jꞌEsteban te ay xchꞌuunel yoꞌtan y nojel ta yoꞌtan te Chꞌul Espiritue, y sok te Felipee, sok te jProcoroe, sok jNicanor, sok jTimon, sok te jParmenase, sok jNicolas jtul talem ta Antioquia te ma juriyouk te kꞌajtajemix ta juriyoe.

Hechos 6:8

Te jꞌEstebane aꞌbil spoder sok bendision yuꞌun te Diose, jich ya spas seña milagroetik ta stojol te jtejklume.

Hechos 7:55

Pero te jꞌEstebane nojel ta yoꞌtan te Chꞌul Espiritue ta skꞌelu moel ta chꞌulchan. La yilbe xojobil slekil te Diose, sok la yil tekꞌel ta sbatsꞌil skꞌab Dios te Jesuse.

Hechos 8:17

Jich te jPedro sok te Juane la skajanlambe skꞌab ta sjolik, y jich a yikꞌtalanik ta yoꞌtanik te Chꞌul Espiritue.

Hechos 9:17

Te jꞌAnaniase jicha bajt te ba na ba ay te Sauloe. Och bael kꞌo skajanbe skꞌab ta sjol y la yalbe: —Hermano Saulo, te Kajwaltik Jesus te la yakꞌ sba ta ilel ta atojol te ayat tal ta be ae, jaꞌ a stikonon tal yuꞌun jich me ya xjam a te asite y yame xnoj jil ta awoꞌtan te Chꞌul Espiritue —xchi.

Romanos 15:13

Te Diose jaꞌ te ya yakꞌ spuersa koꞌtantike, aꞌ yaꞌbeyex bayal sbujts awoꞌtanik y sok junuk awoꞌtanik te ay xchꞌuunel awoꞌtanik ta stojole. Y ya me yaꞌbeyex xan bayal spuersa awoꞌtanik ta spoder te Chꞌul Espiritue.

1 Corintios 12:10

Sok ay yan yichꞌojik spoder ta spasel milagroetik, y ay xan yan yuꞌun ya yalik skꞌop Dios. Y ay yan te ya xꞌaꞌbot snaꞌ yuꞌun Dios teme ta skuenta lekil Espíritu o ta skuenta pukuj te ya xkꞌopojike. Y ay xan yan te ya snaꞌ xkꞌopojik ta yanetik kꞌope, y ay yan xan te ya xꞌaꞌbot te ya snaꞌik skꞌasesel te yan kꞌopetik te tutꞌ ya xꞌalote.

1 Corintios 13:1

Teme jich ya xkꞌopojon te tutꞌ ya xkꞌopoj winketike o jich tutꞌ ya xkꞌopoj te chꞌul angeletike, pero teme maꞌyuk xkꞌuxul koꞌtane, jich nax kꞌoemon tutꞌil te stsꞌintsꞌun nax te takꞌine sok te chꞌininet nax te platilloe.

1 Corintios 13:8

Te xkuxul-oꞌtanile maꞌyuk tut ora ya xlaj stukel. Pero ya me xlaj skꞌoplal stukel te tutꞌil ya xkꞌopojik jꞌalwanejetik, sok te ya xkꞌopojik ta yanetik kꞌop a, sok te ya xkꞌopojik te machꞌatik ya snaꞌik tut ay ta balmilale.

1 Corintios 14:18

Ya kalbe kola yal Dios te kꞌax jich ya xkꞌopojon ta yanetik kꞌopile tutꞌil te jaꞌexe.

1 Corintios 14:5

Te joꞌone koꞌtanuk te apisilikuk te ya xkꞌopojex ta yanetik kꞌope. Pero jaꞌ mas ya skꞌan koꞌtan te yauk awalik te skꞌop Dios. Jaꞌ to jaꞌ mas lek stukel. Yan te ya xkꞌopojex ta yan kꞌopetike, ja ma tulanuk skꞌoplal teme ma xꞌanaꞌik skꞌasesele. Yuꞌun jich ma xmukꞌubik ta stojol Dios te juju-tijkꞌ hermanoetike.

Efesios 3:19

Ya jkꞌanbe te yauk anaꞌik te tutꞌil ay te skꞌuxul yoꞌtane te jaꞌ lom bayal mas mukꞌ ta spisil ke te tut ya jnaꞌtike, skuenta yuꞌun jich ben tsꞌakal ya awichꞌbeyik slekilal te Diose.

Efesios 5:18

Ma me yakubanik, yuꞌun jaꞌ me ya yikꞌex bael ta sleel amulik. Jaꞌuk me nojel ta awoꞌtanik te Chꞌul Espiritue.

Efesios 6:18

Siluk me tiempo kꞌoponaik te Diose. Wokoletanik y kꞌanbeyaik Dios te siluk tiempo ya stojutesex te Espiritue. Kuxuluk me awoꞌtanik. Ma me cheban awoꞌtanik, y kꞌoponbeyaik Dios spisil te machꞌatik xchꞌuunejik Diose.

1 Pedro 1:12

Pero akꞌtalanbot snaꞌ yuꞌun Dios te ma stukelikuk yuꞌunik te tut ya yaltalanike. Sino ke jaꞌ ya xkꞌot ta akuentaik te jaꞌexe. Jaꞌix te skꞌoplal kolel te la yalbeyex awaꞌiyik te machꞌatik la yalik te lekil achꞌ kꞌop ta skuenta spoder te Chꞌul Espiritue te tikonbil tal ta chꞌulchane. Spisil to yoꞌtanik euk te chꞌul angeletik te ya skꞌan xꞌaꞌbot yilik ekꞌae.

2 Pedro 1:21

Porke te jꞌalwanejetike maꞌyuk a yalik ta skꞌanojel nax yoꞌtanik. Sino ke jaꞌik winketik te kꞌopojik ta skuenta Dios te tojuteslanbil yuꞌun te Chꞌul Espiritue.