Hechos 2:30 - Nuevo Testamento Tzeltal de Amatenango

³⁰ Pero te jDavide jꞌalwanej yuꞌun te Diose. Jich snaꞌoj te tut yaloj Dios ta skuenta te jaꞌ ta stsꞌumbal te ya xchiknaj yuꞌun Dios te Cristoe, te jaꞌ sjelol ya xkꞌot ta reyile.

Bible in Tzeltal Bachajón

³⁰ Pero te bin ut'il ha jalwanej, sna'oj te halbil ta jamal yu'un Dios te ay sts'umbal te ya xhuhcaj ta shuctajib.

Bible in Tzeltal de Oxchuc y Tenejapa

³⁰ Te Davide, j'alwanej yu'un te Diose. Jich sna'oj te bila yaloj Dios ta stojol te ja' ta swenta sts'umbal ya yich' chicnantesel yu'un Dios te Cristoe, te ja' sjelol ta smuc'ul nactijib ya xc'ote.

Hechos 2:30 ပူးပေါင်းရင်းမြစ်များ

San Mateo 22:43

Te Jesuse la yaltalanbe: —¿Tutꞌil ay te la yal te Davide: “Kajwal” xchi me, te jicha albot yuꞌun te Chꞌul Espiritue? Yuꞌun jich a yal te jDavide:

San Mateo 27:35

Te kꞌalal jokꞌolix ta krus yuꞌunik ae, te soltaroetike lijk stsal sbaik ta tajmal yuꞌun ya yilik machꞌa ya xkꞌot ta suerte te skꞌuꞌ-spakꞌ te Jesuse.

San Marcos 12:36

Jaꞌ mismo David te la yal ta skuenta te Chꞌul Espiritue: “Te Kajwaltik Dios la yalbey te Kajwale: ‘Naklan ta jbatsꞌi kꞌab, jaꞌ to teme ya kaꞌbeyat apechꞌ ta tekꞌel te akontrae’, xchi te Diose”, te xchie.

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

Hechos 1:16

—Kermanotak, puersa me ya xkꞌot ta pasel te tut tsꞌibabil jilel ta skuenta te Chꞌul Espíritu te tut la yal te jDavide. Jaꞌ te la yalbe skꞌoplal te Judas te la yikꞌ tal te machꞌatik a xchuk bael te Jesuse.

Romanos 1:3

Jaꞌ skꞌoplal te xnichꞌane te Kajwaltik Jesucristoe, te jachik tut winik a kꞌot, te stsꞌumbal rey Davide.

Romanos 15:12

Te jꞌIsaiase jich a stsꞌibay jilel euk: “Ya me xchiknaj stsꞌumbal te Isai te ya xkꞌot ta gobiernoil yuꞌun te nasionetike. Jich me ya staik spuersa yoꞌtanik yuꞌun”, xchi me.

2 Timoteo 2:8

Naꞌame te Jesucristoe te chaꞌkux tal te ba ay te animaetike, y te jaꞌ stsꞌumbal te rey Davide, jaꞌ to jaꞌ te skꞌoplal te kolele te yipalon ta yalele.

Hebreos 1:1

Te nameye, bayal buelta Dios la skꞌopon te antibo jmeꞌ-jtatike ta skuenta te jꞌalwanejetike. Bayal buelta la skꞌopone sok lebot yuꞌun tutꞌil ya xkꞌot ta yoꞌtanik.

Hebreos 3:7

Jaꞌ yuꞌun, jich tutꞌil te ya yal te Chꞌul Espíritu ta Sjun Diose: “Te ora to teme ya awaꞌiyik te jaꞌex te tut ya yal te Diose,

Hebreos 4:7

Jaꞌ yuꞌun, te Diose la slebe xan jun skꞌaalel, jaꞌ te ora to. Bayal kꞌaal ta patil, Dios la yalbe xan skꞌoplal te jun skꞌaalel te ora to. Jaꞌ la yal ta skuenta David ta Sjun Dios te la kaltikixe: “Te ora to teme ya awaꞌiyik te jaꞌex te tut ya yal te Diose, ma me atulantes te awoꞌtanike”, xchi me.

Hebreos 6:17

Jaꞌ yuꞌun, Dios la yalbe ta jamal te machꞌatik ya yichꞌik te tut yaloje, te ma xchꞌay ta yoꞌtan te tut yaloj ya yakꞌe. Jaꞌ yuꞌun la stejkꞌan sba ta yalel te tut ya yakꞌe.

Hebreos 7:21

Pero te tutꞌ ay te Kajwaltike, ay a albot skꞌoplal stukel, yuꞌun ta Sjun Dios ya xꞌalbot skꞌoplal: “Te Kajwaltike la yal ta jamal y ma yuꞌunuk ya xchaꞌnaulan: ‘Jaꞌat saserdoteat yuꞌun sbajtel kꞌinal, te jaꞌat stsꞌumbalat te jMelquisedeke’, xchi”, xchi me.

2 Pedro 1:21

Porke te jꞌalwanejetike maꞌyuk a yalik ta skꞌanojel nax yoꞌtanik. Sino ke jaꞌik winketik te kꞌopojik ta skuenta Dios te tojuteslanbil yuꞌun te Chꞌul Espiritue.

Apocalipsis 17:14

Ya me yaꞌbe sbaik sok ta skontrainel te Chꞌin Karnerae, pero te Chin Karnerae ya me stsaltalan. Porke jaꞌ stukel Ajwalil yuꞌun te ajwaliletike y Rey yuꞌun te reyetike. Y te machꞌatik ay ta skuentae jaꞌ ikꞌtalanbil y tꞌujtalanbil yuꞌun Dios y jun yoꞌtanik ta stojol —xchi.

Apocalipsis 19:16

Te ba spalala kamixe y sok te ba yaꞌ tsꞌibabil a te jich ya yale: “Mukꞌul Rey yuꞌun reyetike, y Mukꞌul Ajwalil yuꞌun ajwaliletike”, xchi te sbiile.