Hechos 2:23 - Nuevo Testamento Tzeltal de Amatenango

²³ Pero te kꞌalal akꞌot entregal ta akꞌabik te Jesuse, te tutꞌil jich snopoj ta primero te Diose, te jaꞌexe la atsakik y la amilik, yuꞌun la awaꞌbey ta skꞌabik te machꞌatik ma snaꞌbeyik sba te Diose te la sjojkꞌanik ta krus.

Bible in Tzeltal Bachajón

²³ Te winic ini ac'ot ta c'abal ta scuenta te bin schapoj Dios soc te hich nahil sna'oj, te ta scuenta chopol winiquetic la atsaquic soc la amilic ta cruz.

Bible in Tzeltal de Oxchuc y Tenejapa

²³ Ja'uc me to, ta xjajch'ibal to tel ay ta yo'tan Dios te bit'il jich snopoj stuquele, la yac'beyex ta ac'abic te Jesús te la awac'beyic smilic ta cruz te mach'atic ma sna'beyic sba te Diose.

Hechos 2:23 ပူးပေါင်းရင်းမြစ်များ

San Mateo 20:19

Ya me xꞌakꞌot ta skꞌab te jyanlumetike y ya me xꞌikꞌtinot. Sok ya me yichꞌ aresial ta nujkul sok ya me xꞌakꞌot ta milel ta krus. Pero ta yoxebal kꞌaal ya me kichꞌ chaꞌkusesel —xchi te Jesuse.

San Mateo 26:24

Jich te Nichꞌanile puersa me jich ya xkꞌot ta skuenta te tutꞌil tsꞌibabil jilel ta Sjun Diose. Pero oꞌol me sba te winik te ya xꞌakꞌot entregal yuꞌune. Jaꞌ lek te jichuk maꞌ pꞌejkaj ta balmilale —xchi te Jesuse.

San Mateo 27:35

Te kꞌalal jokꞌolix ta krus yuꞌunik ae, te soltaroetike lijk stsal sbaik ta tajmal yuꞌun ya yilik machꞌa ya xkꞌot ta suerte te skꞌuꞌ-spakꞌ te Jesuse.

San Marcos 15:24

Yo la sjojkꞌanik ta krus. Te soltaroetik lijk yakꞌik ta suerte tajmal yuꞌun ya yilik machꞌa ya xkꞌot ta skuenta jujutul yuꞌun te skꞌuꞌ spakꞌe.

San Lucas 22:22

Yuꞌun te Nichꞌanile puersa me ya xnel bael yuꞌun te tut albil jilel skꞌoplale. Pero oꞌol me sba te winik te machꞌa ya yakon entregale —xchi te Jesuse.

San Lucas 22:37

Porke ya kalbeyex te puersa ya xkꞌot ta pasel ta jkuenta te tut tsꞌibabil ta Sjun Diose te ya joyin ta ajtayel te jkꞌaxintayej-mantaletike. Yuꞌun spisil ya xkꞌot ta pasel te tut tsꞌibabil jilel jkꞌoplale —xchi te Jesuse.

San Lucas 23:33

Kꞌalal a kꞌot te ba chꞌin stunle te Bakeljolol sbiile, teꞌ sjojkꞌanik ta krus a te Jesuse sok xchebal te winketik te bayal tut ma tsaꞌamuk spasojike, jtul ta sbatsꞌil kꞌab y jtul ta xkꞌexom kꞌab.

San Lucas 24:20

Te stataletik yuꞌun te saserdoteetike y sok te kaj-juꞌeltike la yakꞌik entregal ta milel. Jaꞌ yuꞌun la yichꞌ jojkꞌanel ta krus.

San Juan 19:18

Teꞌ sjojkꞌanik ta krus a. Sok ay chaꞌtul te jojkꞌanot ta krus soke, juju-tul ta juju-jejch.

San Juan 19:24

Te soltaroetik la yalbe sbaik: —Makꞌ ya jchꞌiꞌtik. Ya kiltik machꞌa ay suerte ya sta bael —xchiik. Jicha kꞌot ta pasel te tut tsꞌibabil jilel ta Sjun te Diose: “La spuk sbaik a te jkꞌuꞌ-jpakꞌe, y la yilik machꞌa ay suerte yuꞌun te ya sta bael te jman najtꞌil kamixe”, te xchie. Jich a spasik te soltaroetike.

Hechos 13:27

Yuꞌun te machꞌatik ayik ta Jerusalene y te statal yuꞌunike maꞌ snaꞌik machꞌa a te Jesuse. Ni maꞌ yaꞌibeyik sluwar te tuti yal te jꞌalwanejetik yuꞌun Dios te la yichꞌ ilel ta sinagogaetik te jujun kꞌaal ta skꞌaalel kuxo-oꞌtane. Jicha kꞌot ta pasel ta skuentaik te tut yaloj Dios ta skuenta te jꞌalwanejetik yuꞌun, te tutꞌil la yakꞌik ta milel te Jesuse.

Hechos 15:18

Jich yalojix te Kajwaltike, te yakꞌojix ta naꞌel spisil te nameye”, xchi me.

Hechos 2:36

Naꞌaik me te jaꞌexe jtejklum israel te tut batsꞌi jiche, te jaꞌ mismo ya kalbeyex skꞌoplal te Jesuse te la ajojkꞌanik ta kruse. Te Diose la yakꞌix ta ilel te jaꞌ te Cristoe sok te jaꞌ Kajwaltik stukele —xchi te jPedroe.

Hechos 3:18

Pero jaꞌ a spas kumplir te tut yaloj te Dios ta skuenta spisil te jꞌalwanejetik yuꞌune, te puersa ya xkꞌax swokol te Cristo yuꞌune.

Hechos 4:28

Jich a spasik spisil te tut chapal awuꞌun ta primeroe te puersa jich ya xkꞌot ta pasele.

Hechos 5:28

—Te joꞌotike jkomojtikix te ma xjuꞌix te ya snojpeswanex tutꞌil ay skꞌoplal te winik abi. ¿Y tut a te ya apasike? Pujkejix awuꞌunik ta spisil ta Jerusalen te tut ya awakꞌik ta nopele. Y ya akꞌan ya awaꞌbotik jkuchtik te tutꞌil a cham te winik abi —xchi.

Hechos 5:30

Te Dios yuꞌun te antibo jmeꞌ-jtatike jaꞌ a xchaꞌkuses tal te Jesuse. Jaꞌ mismo te la amilik te la ajojkꞌanik ta kruse.

Hechos 7:52

¿Me ay wan jtul jꞌalwanej yuꞌun te Diose te maꞌ skontrainike? Te stukelike la smilik te jꞌalwanejetik te albot yaꞌiyik yuꞌun te ya xtal te machꞌa ben toj yoꞌtane. Pero te ora to xtalukix te machꞌa ben toj yoꞌtane, te jaꞌexe la awakꞌik entregal y milot.

Romanos 2:12

Spisil te machꞌatik ya xmulaw te maꞌyuk yichꞌojbey te mantaliletik yuꞌun te jMoisese, ya xchamik manchuk me maꞌ yaꞌiyejbeyik sluwar te mantaliletike. Y te machꞌatik ya xmulaw te yaꞌiyejbeyik sluwar te smantaliletik yuꞌun te jMoisese, jaꞌ mismo ya xꞌakꞌot bael ta kastigo yuꞌun te mantaliletike.

Romanos 4:17

jich tut ya yal te Sjun Diose: “Te jaꞌ kakꞌojat ta tatil yuꞌun bayal nasionetik”, xchi me. Jaꞌ to jaꞌ te Dios te la xchꞌuun te jAbraham te ya yaꞌbe xkuxlejal te machꞌatik chamenike. Y sok ya yakꞌ chiknajuk te tut ma chikanuk ta nail toe.

1 Tesalonicenses 2:15

Te juriyoetik to jaꞌ a smilik te Kajwaltik Jesuse, jich tutꞌil te nail to te la smilik te jꞌalwanejetike, y la stenotik lokꞌel ekꞌa te joꞌotike. Ma lekuk ya xꞌilot yuꞌun te Diose, y skontrainejik spisil te gentee.

1 Pedro 1:2

Jaꞌex te tsabilex yuꞌun te Jtatik Diose te nameyix jich snopoj ta yoꞌtane, sok te chꞌulutesbilexix ta skuenta te Espiritue. Yuꞌun me ya achꞌuunik y ya me awichꞌik sakutesel ta skuenta xchꞌichꞌel te Jesucristoe. Ichꞌaik te bayal slekil yoꞌtan te Jesucristoe y sok te bujtsꞌan kꞌinal yuꞌune.

1 Pedro 1:20

Jich chapalix a te kꞌalal ma to spas a te balmilale te ya xkꞌax swokol te Cristoe. Pero te tiempo to te slajibalixe, jicha chiknajix yuꞌun alekilik a te jaꞌexe.

1 Pedro 2:8

Y jich ay skꞌoplal xan ta Sjun Dios: “Jun mukꞌul ton, te jun ton te ya xkꞌojchin-okol te ya syaleswane”, te xchie. Yuꞌun ya xkꞌojchin yokik a te machꞌatik ma xyakꞌik ta jkuenta te tutꞌil ay skꞌoplal te Jesucristoe. Yuꞌun jich chapal skꞌoplalik a.

Judas 1:4

Yuꞌun ay mukul la yochintayex jtul cheb genteetik te ya sloꞌlayexe. Jaꞌ te machꞌatik namey ay jilel skꞌoplal ta Sjun Dios yuꞌun te chꞌayel ya xlaj bajte. Jaꞌ genteetik te ma lekikuke. Syanutesejik te tutꞌil ay slekil yoꞌtan te Kajwaltik Dios, yuꞌun ya yalik te jich ay ta pasel spisil te tut ma tsaꞌamuke. Sok ma xyakꞌik ta jkuenta te úniko Ajwalil kuꞌuntik, ja te Kajwaltik Jesucristoe.

Apocalipsis 13:8

Te chanbalam to te xiꞌbentik sbae ichꞌot ta jkuenta yuꞌun spisil te machꞌatik ayik ta balmilale. Jaꞌ te machꞌatik ma tsꞌibabiluk sbiilik ta sjunal kuxlejal yuꞌun te Chꞌin Karnera te la yichꞌ milele. Te sjunal kuxlejale, jaꞌ te jun te la yichꞌ tsꞌibayel desde pas te balmilale.