Hechos 2:22 - Nuevo Testamento Tzeltal de Amatenango

²² “Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

Bible in Tzeltal Bachajón

²² Winiquetic yu'un Israel, a'iya me awa'iyic te c'ope: Te Jesús talem ta Nazaret, ha te winic te Dios la yac' ta ilel ta atojolic te lec sc'oblal; hich la yac' ta ilel ta scuenta jchahp a'teliletic soc señahiletic te Dios la spas ta atojolic ta scuenta, hich te bin ut'il ana'ojique.

Bible in Tzeltal de Oxchuc y Tenejapa

²² “Te ja'exe, jlumal israeletic, aiya me awaiyic stojol te bila ya calbeyexe. Te Jesús te Nazarete, chican la awilic te lec sc'oplal yu'un te Diose, melel ja' ta swenta te la spas jchajp at'eliletic soc señailetic ta awolilic te Diose, jich bit'il te ana'ojic stojol ta mero melele.

Hechos 2:22 ပူးပေါင်းရင်းမြစ်များ

San Mateo 12:28

Pero te joꞌone ya jlokꞌes pukujetik ta skuenta te Espíritu yuꞌun te Diose. Teꞌ chikanix ta ilel ta jamal a te lijkix ta mantal ta awolilik te Diose.

San Mateo 2:23

Teꞌ kꞌo kuxuyinuk a te ba jtejklum Nazaret. Jich a kꞌot ta pasel te tut yalojlan te jꞌalwanej yuꞌun Dios te jaꞌ Jesus Nazaret ya xkꞌot te sbiile.

San Mateo 9:8

Kꞌalal la yilik te genteetike, xchiik yuꞌun. Lijk yalbeyik kola yal Dios yuꞌun te tutꞌil ay spoder aꞌbilik yuꞌun te genteetike.

San Lucas 11:20

Pero te ya jlokꞌes te pukujetike, jaꞌ nax ta skuenta spoder te Diose. Jich chikanix ta jamal a te ayix ta ajwalil ta awolilik te Diose.

San Lucas 18:37

La yalbeyik te jaꞌ te Jesus Nazaret te yipal ta kꞌaxel teꞌ ae.

San Lucas 24:18

La sjakꞌ te jtul te jCleofas sbiile: —¿Me yuꞌun jakal talemat ta Jerusalen te ma anaꞌojuk te tuti kꞌot ta pasel te ayix cheꞌoxeꞌ kꞌaale? —xchi.

San Juan 1:45

Te jFelipee ba slej tal te jNatanaele, y la yalbe: —La jtatikix te machꞌa stsꞌibayejbe jilel skꞌoplal te jMoisese te ba sjunal te mantaliletike, sok te tsꞌibabil jilel skꞌoplal yuꞌun te jꞌalwanejetike. Jaꞌix te Jesus te xnichꞌan Jose te talem ta jtejklum Nazarete —xchi.

San Juan 10:37

Teme ma pajaluk sok yaꞌtel jTat te tut ya jpase, ma xꞌachꞌuunbikon.

San Juan 11:47

Jich te fariseoetike sok te stataletik yuꞌun te saserdoteetike la stsob sbaik sok te machꞌa ay yaꞌtele. La yalik: —¿Tut ya skꞌan jpastik yuꞌun? Te winik to yipal ta spasel bayal señaetik smilagro.

San Juan 12:17

Te genteetik te teꞌeyik sok a te Jesus te kꞌalal la yikꞌ tal lokꞌel te jLazaroe te ba mukꞌul y te la xchaꞌkuses tal te ba animaetike, jaꞌ a ba yalik te tutiꞌ yilike.

San Juan 15:24

Te manchuk la jpasbe yilik te aꞌtel te maꞌyuk machꞌa juꞌem yuꞌun spasel, maꞌyuk smulik te jichuke. Pero la yilikix te tuti jpase, y jaꞌ a spꞌajikon yuꞌun, sok la spꞌajik euk te jTate.

San Juan 19:19

Te jPilato la yal mantal te ya xba kꞌojbek jilel jun letrero ta sjol te kruse te jich ya yale: “Jesus yuꞌun Nazaret, Rey yuꞌun te juriyoetike”, xchi te letreroe.

San Juan 3:2

tal skꞌopon ta ajkꞌubal te Jesuse. La yalbe: —Maestro, jnaꞌojtik te jaꞌ stikonejat tal ta pꞌijuteswanej te Diose, porke maꞌyuk machꞌa ya xjuꞌ yuꞌun spasel te milagroetik te yipalat ta spasele te jichuk ma soyinejuk te Diose —xchi.

San Juan 4:48

Te Jesuse la sjakꞌbe: —Te jaꞌexe ma xꞌachꞌuunuk te jichuk makꞌ ya awilik te señaetik sok te milagroetike —xyut.

San Juan 5:36

Pero ay testigo kuꞌun te mas tulan skꞌoplal ke te tutiꞌ yal te Juane. Jaꞌ testigo kuꞌun te tut ya jpase; jaꞌ mismo yakꞌojbon jpas te Tatile. Jaꞌ ya yakꞌ ta naꞌel a te batsꞌi jich te la stikonon tal te Tatile.

San Juan 6:14

Te kꞌalal la yilik te gente te seña milagro te la spas te Jesuse, la yalik: —Batsꞌi jaꞌix to te jꞌalwanej yuꞌun Dios te kaꞌiyejtik te ya xtal ta balmilale —xchiik.

San Juan 6:27

Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

San Juan 7:31

Bayal machꞌa chꞌuunot yuꞌun y la yalik: —Kꞌalal ya xtal te Cristoe, ¿me kꞌo jich wan ya yakꞌ ta ilel seña smilagro jich tutꞌil te winik to? —xchiik.

San Juan 9:33

Te jichuk ma talemuk ta stojol Dios te winike, ma tut xjuꞌ yuꞌun spasel —xchi.

Hechos 13:16

Jich te jPabloe la stejkꞌan sba jajchel, la xbech-kꞌabtay te yauk xkomik ta kꞌope, y la yal: —Jaꞌex israeletik y sok jaꞌex jyanlumetik te axiꞌojik te Diose, aꞌibeyaik awaꞌi sluwar te tut ya kalbeyexe:

Hechos 14:27

Te kꞌalal laj kꞌot ta Antioquiae, la stsobik tal te hermanotike, y la yaltalanbe spisil te tutik a spas Dios ta skuentaike, sok te tutꞌil te Kajwaltik la yaꞌbe xchꞌuunik euk te machꞌatik ma juriyouke.

Hechos 2:19

Ta chꞌulchan ya me kakꞌ ta ilel te tut lom yanike, y ta balmilal ay me señaetik: ay me chꞌichꞌ sok kꞌajkꞌ sok pimil chꞌail.

Hechos 2:43

Spisilik lom yan a yilik te tutꞌil ay bayal milagroetik y señaetik te la yichꞌ pasel ta skuenta te apostoletike.

Hechos 21:28

Lijk awunikuk: —Israeletik, laꞌ koltayaotik. Te winik to jaꞌ te ya xbeen ta bayuk ta snojpesel te gente te maꞌyuk ta akꞌel ta jkuenta te jlumaltike, sok te mantaliletik yuꞌun te jMoisese, y sok te templo kuꞌuntike. Sok ta ora to la yikꞌix ochel ta templo te jyanlumetik te ma spas ya xꞌochik bael teꞌae. Jich a ixtaꞌajix te chꞌul templo kuꞌuntike —xchiik ta kꞌop.

Hechos 22:8

La jojkꞌobe: “¿Machꞌaat a, Kajwal? xkut. Y te kꞌope la sjakꞌbon: “Joꞌon Jesuson ta Nazarete, mismo te yipalat ta yilbajinele”, xchi.

Hechos 24:5

Yuꞌun te winik to yipal ta boliteswane, y ta spisil te balmilale yipal kꞌael ta slijkesel kꞌop, y ta yakꞌel division ta yolil te juriyoetike. Sok jaꞌ statal yuꞌun te machꞌatik xchꞌuunejik te Jesus te talem ta Nazarete,

Hechos 26:26

Liꞌay te rey Agripae te ben lek snaꞌojbe sluwar spisil to, y jaꞌ yuꞌun te jamal yipalon ta kꞌop ta stojole. Porke jich ya kal te ben lek snaꞌbe sluwar spisil te jich aye, porke ma nakꞌaluk te jicha kꞌot ta pasele.

Hechos 26:9

“Joꞌon mismo nail a jnop te tutik bayal a jkontrain a te Jesus te talem ta Nazarete.

Hechos 3:12

Kꞌalal jich a yil te jPedroe, lijk yaltalanbe: —Jaꞌex israeletik, ¿tuꞌun te toj cham la awaꞌiyike? ¿Tuꞌun te lek ya akꞌelubotik jsitike? ¿Meꞌn ya akuyik te joꞌotik aꞌ jlekutestik te winik to, o ya akuyik te la kakꞌtik benuk ta jpodertike, o jaꞌ ta skuenta te lek jchꞌuunejtik te Diose?

Hechos 3:6

Pero te jPedroe la yalbey: —Maꞌyuk plata ni oro kuꞌun. Pero te tut ay kuꞌune ya kaꞌbeyat. Ta skuenta te Jesucristo ta Nazarete jajchan y benan —xchi te jPedroe.

Hechos 4:10

Lek ay, ya kaltik ta jamal ta atojolik, yuꞌun jich ya snaꞌik a spisil te jtejklum israele. Te winik te liꞌiyix ta atojolike, ta skuenta te Jesucristo te talem ta Nazarete jich lekubenix. Jaꞌ mismo te jaꞌex la ajojkꞌanik ta kruse, y te Dios a chaꞌkusesot tal yuꞌun te ba ay te animaetike.

Hechos 5:35

Te nax a la yalbe te machꞌatik ay yaꞌtele: —Jaꞌex israeletik, ila me abaik yuꞌun te tut ya apasik sok te winketik to.

Hechos 6:14

Sok la kaꞌitik te tut ya yale te jaꞌ ya xba sjim te templo te Jesus te talem ta Nazarete. Y ya xba sjeltay te kostumbreetik te la yaꞌbotik jilel te jMoisese —xchiik.

2 Corintios 12:12

Ta skuenta spisil te señailetik sok te milagroetik sok seña spoder Dios te la jpasulan ta atojolike, teꞌ chikan a te batsꞌi jich te apostolone.

Hebreos 2:4

Sok jaꞌ snujpꞌ kꞌot te skꞌopik te señailetik te ben tsaꞌam y bayal milagroetik te Dios a yakꞌ ta pasel. Sok ta skuenta te Chꞌul Espiritue te la yaꞌbotik jmajtꞌantik ta skajal skaje, chikan te tutꞌil ya skꞌan yoꞌtane.