Hechos 2:20 - Nuevo Testamento Tzeltal de Amatenango

²⁰ Te kꞌajkꞌale ya me sujt ta ijkꞌal kꞌinal, y te ue jich me ya xkꞌot tut chꞌichꞌ. Jich me ya xkꞌot ta pasel te kꞌalal nopolix skꞌaalel a te Kajwaltike, te lom tulan aalel y lom tsaꞌam.

Bible in Tzeltal Bachajón

²⁰ ya x'ihc'ub te c'ahc'ale soc ya xc'ataj ta ch'ich' te u, te ma to xc'oht sc'ahc'alel a te Cajwaltic, te ha muc' soc bayel yutsilal.

Bible in Tzeltal de Oxchuc y Tenejapa

²⁰ Te c'aale ya me xc'atp'uj ta ijc' q'uinal; in te ue ya me xtsajub jichuc ch'ich'. Jich me ya xc'ot ta pasel te c'alal ma to sta sc'aalelal a te xtal te Cajwaltique, muc' me sc'oplal te bila ya xchicnaje, soc ay me bayal yutsilal.

Hechos 2:20 ပူးပေါင်းရင်းမြစ်များ

San Mateo 24:29

“Teme kꞌaxix skꞌaalel a te wokole sok te ikꞌtinele, ya xꞌijkꞌub te kꞌajkꞌale, sok te ue makꞌ xtilix a. Sok ya me xtꞌuxaj ta koel te ekꞌetik ta chꞌulchane, sok ya me xtijtalanot te tutik ay ta yolil te chꞌulchane.

San Mateo 27:45

Ol kꞌaal a ijkꞌub spisil te balmilale, jaꞌ to kꞌalal ta las tres mal kꞌaale.

San Marcos 13:24

“Te tut ora kꞌalal kꞌaxix a te wokolajele, te kꞌajkꞌale ya me xꞌikꞌub, te ue makꞌ me yakꞌix sakilel a,

San Lucas 21:25

Ay me señailetik ya xchiknaj ta kꞌajkꞌal, sok ta u, sok ta ekꞌetik; y te genteetik ta balmilale ya me xlijkik ta wokol yuꞌun xiꞌel. Ya me xiꞌik yuꞌun te ya xkꞌopoj tulan te mare y te xwilawete.

Hechos 2:19

Ta chꞌulchan ya me kakꞌ ta ilel te tut lom yanike, y ta balmilal ay me señaetik: ay me chꞌichꞌ sok kꞌajkꞌ sok pimil chꞌail.

Hechos 2:21

Pero spisilik te machꞌatik xwokoletik ta stojol te Kajwaltike ya me sta skolelik”, xchi me.

1 Corintios 5:5

Jich te winik me to ya me awakꞌik entregal ta skꞌab pukuj, yuꞌun te stiꞌbalule ya me xlaj y te xchꞌulele ya me xkol te kꞌalal ya xtal te Kajwaltik Jesuse.

1 Tesalonicenses 5:2

Te jaꞌexe anaꞌojikix lek te tut kꞌaalil ya sujt tal te Kajwaltike, jich ya xtal tutꞌil jꞌelekꞌ te ya xtal ta ajkꞌubale.

2 Pedro 3:10

Pero te tut kꞌaalil ya xtal te Kajwaltike, ya xtal jichuk jꞌelekꞌ ta ajkꞌubal. Jich ora ya xlaj te chꞌulchane, te xiꞌxiꞌtik ta aꞌiyele. Te tutik pasbile ya me xlaj ta kꞌajkꞌ, y te balmilale sok spisil te tutik ay ae ya me xlaj ta chikꞌel.

2 Pedro 3:7

Pero te chꞌulchane y sok te balmilal te chikan ora to, chapalix yuꞌun ya xlaj ta kꞌajkꞌ, yuꞌun jaꞌ mismo smantal te Diose. Jaꞌ ya xlaj ta kꞌajkꞌ te tut ora ya sta skꞌaalel te ya yichꞌ chapel te machꞌatik ma lekikuke sok te ya xꞌakꞌtalanot bael ta chꞌayele.

Apocalipsis 16:8

Te xchanebal ángele la smal te sbaso ta sba te kꞌajkꞌale, y la yaꞌbe spuersa te kꞌajkꞌale yuꞌun ya xchꞌikꞌ sok kꞌajkꞌ te gentee.

Apocalipsis 6:12

Te kꞌalal la xchꞌiꞌ te swakebal seyo te Chꞌin Karnerae, la kil tal jun tulan jikichab. Te kꞌajkꞌale ijkꞌ a sujt jachik tutꞌil kꞌuꞌul-pakꞌal te skuenta ajtal-oꞌtane; te ue spisil tsaj a sujt jachik tutꞌil chꞌichꞌ;