Hechos 2:17 - Nuevo Testamento Tzeltal de Amatenango

¹⁷ “Jich ya yal te skꞌop Diose: Ta nopol slajibal kꞌaal ya me jpuk te Espíritu ta stojol spisil te gentee. Te akeremik y te awachꞌixik ay me tut ya yalik ta jkuenta. Te solteroetike ay me tut ya xꞌaꞌbot yilik ta stekꞌlejal yilel, y te machꞌa mamalikixe ay me tut ya xwayuchinik.

Bible in Tzeltal Bachajón

¹⁷ Ta nopol slajibal c'ahc'al, xchi te Diose, ya jmal te Espíritu cu'un ta stojol spisil ants-winiquetic; te ach'ix queremetic awu'unic ya me yalic sc'op-jalwanej; te queremetic awu'unic ay bin ya yilic ta snahalsitic; te mamaletic awu'unic ay bin ya swayichtayic;

Bible in Tzeltal de Oxchuc y Tenejapa

¹⁷ “Jich ya yal te Diose: Ta nopol slajibal c'aal ya me jmal te Espíritu cu'un ta stojol spisil ch'ich'-baq'uet. Te aquerem-nich'anic soc awantsil-nich'anic, ya me yalic te sc'op Diose. Te jch'ieletic awu'unique ay me bi ya x'ac'bot yilic ta stelemal, Soc te mamaletique, ay me bi ya swaichinic.

Hechos 2:17 ပူးပေါင်းရင်းမြစ်များ

San Lucas 3:6

“Spisil genteetik ya me yil ta sitik te tutꞌil ay kolel yuꞌun te Diose,’ xchi me ta kꞌop”, xchi te jꞌIsaiase.

San Juan 17:2

Yuꞌun la awaꞌbonix kaꞌtel ta stojol spisil te genteetike, yuꞌun jich me ya kakꞌ kuxuyinuk sbajtel kꞌinal spisil te machꞌa la awaꞌbon ta jkꞌabe.

San Juan 7:39

Te tutꞌil jich a yal te Jesuse, jaꞌ a yalbe skꞌoplal te Chꞌul Espíritu te ya xꞌakꞌtalanbot ta yoꞌtan te machꞌatik ya xchꞌuunike. Porke ma to xtal a te Chꞌul Espiritue, yuꞌun ma to xꞌakꞌot ta ilel slekil a te Jesuse.

Hechos 10:45

Y te hermanoetik juriyoetik te sjoyinejik tal te jPedroe lom yan a yilik te majtan nax a pujk ta skuentaik te Chꞌul Espíritu te machꞌatik ma juriyouke,

Hechos 11:27

Te tiempo abi ay jꞌalwanejetik yuꞌun Dios lijkik tal ta Jerusalen y laj bajt ta Antioquia.

Hechos 11:28

Ay jtul te Agabo sbiile, la stejkꞌan sba ta skuenta te Chꞌul Espíritu, sok la yal te ya xtal bayal wiꞌnal ta spisil te balmilale. Jaꞌ kꞌot ta pasel a te kꞌalal ochem ta mukꞌul rey a te jClaudioe.

Hechos 2:16

Jal to jaꞌ ya xkꞌotix ta pasel te tut yaloj te jꞌalwanej Joel te kꞌalal jich a yale:

Hechos 2:18

Jich me ya jpukbey euk te Espíritu kuꞌun ta stojol te kaj-aꞌtel chikan me winik o ants, y ya me xkꞌopojik ta jkuentae.

Hechos 2:33

Y ikꞌotix bael yuꞌun ba naklukix ta sbatsꞌil skꞌab te Diose, y aꞌbot ta skuenta te Chꞌul Espíritu te tut albil yuꞌun te Tatile. Jaꞌ yuꞌun te tut yipalex ta yilele sok te yipalex ta yaꞌiyele, jaꞌ a yakꞌix kꞌotuk ta pasel te Jesuse.

Hechos 21:9

Te Felipee ay chantul soltera aꞌchetik yuꞌun te ya yalik euk te skꞌop Diose.

Romanos 5:5

Sok makꞌ ya jtatik kꞌexlal yuꞌun te tutꞌil ya jmaliytike, porke Dios aꞌ snojesbotik ta koꞌtantik te slekil yoꞌtan ta skuenta te Chꞌul Espíritu te yakꞌojbotike.

1 Corintios 12:10

Sok ay yan yichꞌojik spoder ta spasel milagroetik, y ay xan yan yuꞌun ya yalik skꞌop Dios. Y ay yan te ya xꞌaꞌbot snaꞌ yuꞌun Dios teme ta skuenta lekil Espíritu o ta skuenta pukuj te ya xkꞌopojike. Y ay xan yan te ya snaꞌ xkꞌopojik ta yanetik kꞌope, y ay yan xan te ya xꞌaꞌbot te ya snaꞌik skꞌasesel te yan kꞌopetik te tutꞌ ya xꞌalote.

1 Corintios 12:28

Dios jicha skꞌan ta juju-tijkꞌ hermanoetik te jaꞌ nail ay te apostoletike; y ta xchebal, jꞌalwanejetik; y ta yoxebal, maestroetik. Teꞌ nax ay ekꞌa te machꞌatik ya xꞌaꞌbot spas milagroetik, y ay yan te ya slekutes jchameletik, o ya xkoltawanik, o ya stsobawanik, o ya xkꞌopojik ta yanetik kꞌop.

Hebreos 1:2

Te ora to, jaꞌ te slajibal kꞌaal, la skꞌoponotik ta skuenta te Xnichꞌane. Ta skuenta te Xnichꞌane, Dios la spas chꞌulchan balmilal, y jaꞌ a yaꞌbe yuꞌunin spisil te tutik aye.

Santiago 5:3

Te oro awuꞌunike y sok te aplata takꞌine laj tsaꞌanix. Y te tsaꞌanixe jaꞌ me ya yakꞌex ta kꞌabal, y ya me slajinbeyex atiꞌbalulik jachik tutꞌil kꞌajkꞌ. La atsobikix te akꞌulejalik te jayebix tal kꞌaale, te jaꞌix te slajibal kꞌaal ayotike.

2 Pedro 3:3

Naꞌaik me nailuk te tutꞌil ay sluwaril to: Ta slajibal kꞌaal ya me xtal genteetik te jaꞌ nax ya spasik te tut ma lekuke te ya skꞌan yoꞌtan ya spasike, y te ya yiktinik te tut yaloj te Diose.