Hechos 19:9 - Nuevo Testamento Tzeltal de Amatenango

⁹ Pero ay machꞌa lom tulan a yakꞌ sbaik, ma skꞌan a xchꞌuunik. Ta sit te gentee lijk sbol-kꞌoptayik te lekil achꞌ be yuꞌun te Jesuse. Jich te jPabloe la spit sba bael te ba ayike, la yikꞌ bael te hermanoetik te ba eskuela yuꞌun te Tirano sbiile. Teꞌ yalulan jujun kꞌaal a te skꞌop Diose.

Bible in Tzeltal Bachajón

⁹ Pero ay mach'atic tulan la yac' sbahic, ma ba la sch'uhunic, soc la sbohlc'optayic te Be ta comonsitil; hich te Pablo la yihquitay hilel, q'uejel la yic' bahel te jnopojeletique. Jujun c'ahc'al la ya'iy p'ijubteswanej ta escuela yu'un te Tirano.

Bible in Tzeltal de Oxchuc y Tenejapa

⁹ Ja'uc me to, ay tulan la yac' sbaic te ma la sc'an te ya xch'uunique. Jich jajch' sbolc'optayic te yach'il be yu'un Jesús ta stojol spisil te ants-winiquetique. Jich te Pablo la yijq'uitay te sinagogae. La yic' bael te jnopojeletic ta bay te escuela yu'un Tirano sbiile. Tey la yaanbey yaiy sc'op Dios jujun c'aal a.

Hechos 19:9 ပူးပေါင်းရင်းမြစ်များ

San Mateo 15:14

Teꞌ yil sbaik a, te ya stojutesik ta be te choketike, pero pajal chok kꞌoem sok. Teme jtul chok ya stojutes ta be te jtul xan choke, pajal me ya xchꞌay sok koel ta chꞌen —xchi te Jesuse.

San Mateo 16:4

Te genteetik to te ma tsaꞌamuk yoꞌtanik sok te ma junuk yoꞌtanik ta stojol te Diose, ya skꞌan yilik seña. Pero ma xꞌaꞌbot yilik. Jaꞌ seña ta stojolik kꞌoem te Jonas te antibo jꞌalwanej yuꞌun te Diose —xchi. Te Jesus la sjileslan y bajt.

San Mateo 26:55

Jich a sjojkꞌolanbe te genteetik te talemik ta tsakawe: —¿Me yuꞌun jꞌelekꞌon te tal atsakikon sok apuñalik sok ateꞌike? Jujun kꞌaal ayon ta pꞌijuteswane ta templo y ma la atsakikon teꞌa.

San Juan 12:40

“Dios a xchokutesbe sitik sok la stulantesbe yoꞌtanik, yuꞌun jich ma xyilik a, ni ma xyaꞌibe sluwar a te tut ya xꞌaltalanbote. Jich ma sujtes yoꞌtanik ta jtojol, y te joꞌone makꞌ jlekutes”, xchi me.

Hechos 11:26

Kꞌalal la stae, la yikꞌ bael ta jtejklum Antioquia. Teꞌeyik jun jaꞌbil sok a te hermanoetike, la spꞌijuteslan bayal gente. Jaꞌ te Antioquiae te ba nail a aꞌbot sbiilinik Cristoetik te jnopojeletike.

Hechos 14:4

Pero te gente yuꞌun te jtejklume la xatꞌ sbaik yuꞌun. Ay machꞌatik jun yoꞌtan sba sok te juriyoetike y ay machꞌatik jun yoꞌtan sba sok te apostoletike.

Hechos 17:4

Ay juriyoetik te la xchꞌuunike, y la sjoyin sbaik sok te jPablo sok te Silase. Jich a xchꞌuunik bayal griegoetik te xiꞌojik te Diose. Y ben bayal antstik te lom jkꞌulejike.

Hechos 19:23

Te tiempo abi lijk bayal kꞌop ta jtejklum Efeso ta skꞌaj te lekil achꞌ be yuꞌun te Jesuse.

Hechos 19:30

Te jPabloe kꞌan ochuk bael teꞌa, kꞌan ba skꞌopon te gentee, pero te hermanoetik ma yakꞌik ochel.

Hechos 20:31

Jaꞌ yuꞌun, kuxa me awoꞌtanik. Naꞌulanaik me, sil tiempo te oxeb jabꞌil te kꞌajkꞌal y ajkꞌubal ma jkom jba te la jtsitsulanexe, sok la kokꞌetay jba te yauk xkꞌot ta awoꞌtanike.

Hechos 22:4

Te nameye jtsꞌakliyej ta milel te machꞌatik ya stamik te lekil achꞌ be yuꞌun te Jesuse. Ay a jchuk y la kotses ta prexo, sea me winik o antstik.

Hechos 24:21

O teme jaꞌ jmul a stabikon te kꞌalal tulan a kꞌopojon ta yalel te ba tsobolike, te la kale: “Te ora to jaꞌ ayon ta meltsaanel awuꞌunik te tutꞌil ay xchꞌuunel koꞌtan ta smaliyel te ya xchaꞌkux tal te animaetike”, te xoone —xchi te jPabloe.

Hechos 28:22

Ya jkꞌan kaꞌibetik sluwar te tutiꞌ anopoje, porke jnaꞌojtik te bayuk nax kontrainbil te achꞌ nopojibal to —xchiik.

Hechos 7:51

Pero te jaꞌexe sigue ma xꞌakꞌanik pꞌijutesel. Te awoꞌtanike sok te achikinike pajal kꞌoemex sok te machꞌa ma snaꞌbeyik sba te Diose. Sil tiempo a kontrainejik te Chꞌul Espiritue. Jaꞌ pajalex sok te antibo ameꞌ-atatike te jich a spasike.

Hechos 9:2

y la skꞌanbe junetik te ya xkꞌo yaꞌbe te machꞌatik ay ta skuenta te sinagogaetik te ay ta jtejklum Damascoe, yuꞌun ya xba sle te machꞌatik stamojik te achꞌ bee, winik o ants, y ya yikꞌtalan bael ta prexo ta Jerusalen.

Romanos 11:7

Jich ya jnaꞌtik te ma juꞌ yuꞌunik te israeletike te tut la sleike. Pero te machꞌatik tsabilik yuꞌun te Diose jich la staik ta leel stukelik. Te yane tulanej bael yoꞌtanik,

Romanos 9:18

Jaꞌ yuꞌun, te Diose jaꞌ chikan yoꞌtan stukel te machꞌa ay xkꞌuxul yoꞌtan ta stojol. Sok jaꞌ chikan yoꞌtan euk te machꞌa ya stulantes te yoꞌtane.

1 Corintios 16:9

Porke jtaoj to lek entrada ta aꞌtel ta yaꞌtel te Kajwaltike. Y ben lek yipal ta kꞌoel, aunke ben bayal te skontrainejon yuꞌune.

1 Timoteo 6:5

Ya sjajchesik te pleto te maꞌyuk slajibal sok te gente te ma tsaꞌamuk spensarik y ma snaꞌojuk te tut batsꞌi jiche. Ya skuyik ta snegosioik te tut xchꞌuunejike. Ma me ajoyin aba sok te machꞌatik jich ayike.

2 Timoteo 1:15

Anaꞌojix te spisil te machꞌatik aylan ta estado yuꞌun Asiae la sjilesikon, sok te Figelo sok te Hermogenes.

2 Timoteo 3:5

Batsꞌi xchꞌuunejik Dios yilel pero jaꞌ ya xchiknaj a ta skuenta te tut ya spasik te maꞌyuk spoder te sreligione. Ma me xꞌachꞌik aba a sok te genteetik te jich aye.

2 Timoteo 4:2

Jaꞌ ya kalbeyat te ya awal te skꞌop Diose ta bayuk sok ta tutikuk nax ora. Junuk awoꞌtan stsitsawanat, sok komaw, sok aꞌbeya spuersa yoꞌtanik.

Hebreos 3:13

Jaꞌ ya skꞌan yoꞌtik to talel bael xꞌatsits abaik ta jujun kꞌaale, skuenta yuꞌun ni jtuluk a te jaꞌex te ya ataik loꞌlayel yuꞌun te mulile te ya yakꞌ xtulanub te awoꞌtanike.

2 Pedro 2:12

Te genteetik to, jachik kꞌoemik te tutꞌil chanbalametik: maꞌyuk tut ya xkꞌot ta yoꞌtanike. Jaꞌ nax kuxulik ya xꞌayinik te ya yichꞌik tsakel y te ya xmiltalanote. Ya yalbeyik ma lekuk skꞌoplal te tutik ma xyaꞌibe sluware. Pero jich ya xlaj cham jich tutꞌil te chanbalametike.

2 Pedro 2:2

Bayal machꞌa ya stsꞌaklin te xkuxlejalik te ma tsaꞌamuke, y ta skaj stukelik te ya xꞌalbot ma lekuk skꞌoplal te tut batsꞌi jiche yuꞌun te Diose.

Judas 1:10

Pero te winketik to ma lekuk skꞌoplal ya yalbeyik te tutik ma snaꞌbe sluware. Y te tutik ya snaꞌik spasel ta skuenta stiꞌbalulike, jachik tutꞌil te chanbalametik te ma snaꞌ kꞌinale. Jich ya spasik yuꞌun chꞌayel ya xlaj bajt yuꞌun.