Hechos 18:8 - Nuevo Testamento Tzeltal de Amatenango

⁸ Te Crispo te statal yuꞌun te sinagogae la xchꞌuun euk te Kajwaltike sok spisil te machꞌa ay yuꞌun ta snae. Ay bayal corintioetik te kꞌalal la yaꞌiyik te skꞌop Diose la xchꞌuunik euk, y la yichꞌtalan jaꞌ.

Bible in Tzeltal Bachajón

⁸ Te Crispo, te principal yu'un te sinagoga, la sch'uhun te Cajwaltic soc sjunal sna; soc bayel te corintohetic, c'alal la ya'iyic, la sch'uhunic soc la yich'ic ha'.

Bible in Tzeltal de Oxchuc y Tenejapa

⁸ Te Crispo te jwolwanej yu'un te sinagogae, la xch'uun Cajwaltic soc spisil te mach'a ay yu'un ta snae. Soc ay tsobol corintoetic te la xch'uunic, soc la yac' sbaic ta ich'ja'.

Hechos 18:8 ပူးပေါင်းရင်းမြစ်များ

San Mateo 28:19

Jich yuꞌun baanik, benanik ta bayuk. Albeyaik te ya xꞌochik ta jnopojel kuꞌune spisil ta jkaj te genteetik ta balmilale. Aꞌbeyaik yichꞌ jaꞌ ta sbiil te jTate sok ta jkuenta euk te Nichꞌanilone, sok ta skuenta te Chꞌul Espiritue.

San Marcos 5:22

Te jtul winik te ay yaꞌtel ta sinagoga te sbiile Jairo, te kꞌalal la yilbe sit te Jesuse, la skejan sba ta yok.

San Marcos 5:35

Yipal to ta kꞌop a te Jesuse, kꞌotik chaꞌoxtul te ba ay sna te statal yuꞌun te sinagogae. Jich a yalbeyik te stat te achꞌixe: —Te awantsil-nichꞌane chamix. ¿Tuꞌun xan ya awulilan a te Maestroe? —xchiik.

Hechos 10:2

Ben jun yoꞌtan xchꞌuunej te Diose sok spisil te machꞌa ay yuꞌun ta snae. Sok bayal ya skꞌeben stakꞌin ta skoltayel te juriyoetike, y sil tiempo ya skꞌopon te Diose.

Hechos 11:14

Jaꞌ me ya yalbeyat te tutꞌil ya xjuꞌ xkolat sok spisil te machꞌa ay awuꞌune”, xꞌutot.

Hechos 13:15

Patil te la yichꞌix ilel a te sjunal te mantaletik yuꞌun te Diose sok te sjun alwanejetike, te stataletik yuꞌun te sinagogae la stikonik ta albeyel te jPablo sok te jBernabee: —Kermanotak, teme ay tut ya akꞌan ya awalik ta stojol te genteetik te ya awaꞌbe spuersa yoꞌtane, ya xjuꞌ xkꞌopojex —xchiik.

Hechos 16:34

Patil la yikꞌtalan bael ta sna y la yakꞌtalanbe sweꞌel. Stukel sok te machꞌatik ay yuꞌune ben kontentoik yuꞌun te la xchꞌuunikix te Diose.

Hechos 18:1

Ta patil te jPabloe lokꞌ bael ta jtejklum Atenas y bajt ta jtejklum Corinto.

Hechos 18:17

Jicha ba skomon-tsakonik te Sóstenes, te jtul statal yuꞌun te sinagogae, y la smajik teꞌ mismo a te ba ya smeltsaꞌanwan te jGalione. Pero te jGalione ni ma yocheluk.

Hechos 19:1

Te kꞌalal ay to ta jtejklum Corinto a te jꞌApolose, te jPabloe kꞌax tal ta puru witstikil y kꞌot ta Efeso. Teꞌ kꞌo sta bayal hermanoetik a.

Hechos 8:12

Pero te kꞌalal la xchꞌuunik te lekil achꞌ kꞌop te albot yuꞌun te Felipee te tutꞌil ay ta ajwalinel te Diose y sok te Jesucristoe, ta winketik sok ta antstik la yichꞌtalan jaꞌ.

1 Corintios 1:2

ya jtsꞌibabeyex te karta to jaꞌex te hermanoetik tsobilex yuꞌun Dios te ayex ta jtejklum Corintoe, te ikꞌtalanbilex yuꞌun te Diose ta skuenta Cristo Jesus. Dios la yikꞌex te lek ya xꞌanex te jtejklum yuꞌunex sok spisil ta bayuk te machꞌatik ya yalbeyikix kola yal te Kajwaltik Jesucristoe. Jaꞌ Kajwaltikix te joꞌotike y sok euk te yanetike.

2 Corintios 1:1

Joꞌon jPabloon. Skꞌanojel yoꞌtan Dios te apostolon yuꞌun te Jesucristoe, sok te hermano jTimoteoe. Ya jtsꞌibay te karta to ta akuentaik te jayebex te achꞌuunejik Dios te ayex ta jtejklum Corintoe y sok te jtejklum yuꞌun Dios ta spisil te estado yuꞌun Acayae.

2 Corintios 1:23

Pero ma to kꞌaxemukon ta Corinto, jich tutꞌil jnopoje. Ya kalbe ta skuenta Dios te jaꞌ yuꞌun te ma la skꞌan koꞌtan te ya kaꞌbeyex awokolike.

2 Corintios 6:11

Kermanotak jcorintoetik, jamal yipalotik ta yalel ta akuentaik, jamal ya kaltik te tut ay ta koꞌtantike.

2 Timoteo 4:20

Te jꞌErastoe jil ta Corinto y te jTrofimoe la jiles ta Mileto yuꞌun tabil ta chamel.