Hechos 18:4 - Nuevo Testamento Tzeltal de Amatenango

⁴ Ta jujuchoj skꞌaalel te kuxo-oꞌtane, te jPabloe bajtulan ta sinagoga. Teꞌ yalulanbe a y asta la yaꞌbe xchꞌuun te lek achꞌ kꞌop te juriyoetike sok griegoetike.

Bible in Tzeltal Bachajón

⁴ Ta jujun sc'ahc'alel cux-o'tan c'opoj te Pablo ta sinagoga, te yacuc sch'uhunic te judíohetic soc te griegohetique.

Bible in Tzeltal de Oxchuc y Tenejapa

⁴ Ta jujun sc'aalelal te cux-o'tane, te Pablo bajt' ta sinagoga te banti la yaanbey yaiyic te lec yach'il c'op te judioetique soc te griegoetique.

Hechos 18:4 ပူးပေါင်းရင်းမြစ်များ

San Lucas 16:31

“Pero te jꞌAbrahame la yalbe: “Teme ma skꞌan yakꞌ ta jkuenta te tut ya yal te jMoisese sok te jꞌalwanejetik yuꞌun te Diose, ni ma jaꞌuk ya xchꞌuunik a, manchuk me ay anima ya xchaꞌkux tal”, xchi te jꞌAbrahame —xchi ta yalel te Jesuse.

San Lucas 4:16

Te Jesuse bajt ta jtejklum Nazaret te ba chꞌie. Ta skꞌaalel kuxo-oꞌtan bajt ta sinagoga jich te tutꞌil kꞌayem ta spasele, y la stejkꞌan sba ta yilel te Sjun Diose.

San Juan 7:35

Te juriyoetike jich a lijk sjojkꞌobe sbaik ta juju-tul: —¿Ba ya xbajt te winik to te ma jtatik ta leel te ya yale? ¿Me yuꞌun wan ya xbajt te ba lokꞌemik bael te jlumaltik te ba griegoetike? ¿Me yuꞌun wan jaꞌ xba spꞌijutes te griegoetike?

Hechos 13:14

Yan te jPabloe sok te Bernabee la sjilesik te jtejklum Pergee, kꞌaxik bael ta Antioquia te ay ta slum Pisidiae. Ta skꞌaalel te kuxo-oꞌtane ochik bael ta sinagoga y la snajkan sbaik.

Hechos 14:1

Te kꞌalal ayikix ta jtejklum Iconio ae, te jPablo sok te jBernabee ochik bael te ba sinagoga yuꞌun te juriyoetike. Ay bayal yip te skꞌop Dios te la yalike, jich bayal a xchꞌuunik te juriyoetike sok te machꞌatik ma juriyouke.

Hechos 17:11

Te juriyoetik te ayik ta jtejklum Bereae ay srazonik, ma pajaluk sok te machꞌatik ay ta jtejklum Tesalónicae. Ben jun yoꞌtanik la yaꞌiybeyik sluwar te tuti altalanbot yuꞌun te jPabloe. Jujun kꞌaal ya yilik ta Sjun Dios teme jich te tut ya xꞌaltalanbote.

Hechos 17:17

Jaꞌ yuꞌun ba yaꞌbiyanik sok te juriyoetik sok te yan te xiꞌojik te Diose te ba sinagoga yuꞌunike. Y jujun kꞌaal la yaꞌbiyan sok te machꞌa ya stsob sba sok ta parkee.

Hechos 18:13

La yalbeyix te gobiernoe: —Te winik to yipal ta yaꞌbeyel xchꞌuun Dios te gentee, ma jichuk te tut ya yal te mantaliletike —xchiik.

Hechos 18:19

Te kꞌalal laj kꞌot ta jtejklum Efesoe, te jPabloe la sjiles te jꞌAquila sok te sPriscilae. Te Pabloe bajt ta sinagoga, teꞌ yaꞌbiyan sok a te juriyoetik te tey ya stsob sbaik ae.

Hechos 19:26

Pero te jaꞌexe awilojikix y awaꞌiyejikix te jPablo xꞌalbote yipal ta yalel te ma jaꞌuk diosetik te pasbil ta skꞌab winketike. Y jich a yakꞌ kꞌotukix ta yoꞌtanik bayal te gentee, ma jaꞌuk nax liꞌ ba Efesoe, kasi jich euk ta spisil te estado Asiae.

Hechos 19:8

Oxeb u a been ta sinagoga te jPabloe. Ma xiꞌ ta yalel teꞌa te skꞌop Diose, y la yalulan jaꞌ to te la xchꞌuun yuꞌun te gente te tutꞌil ay ta ajwalinel te Diose.

Hechos 26:28

Te jꞌAgripae la sjakꞌ: —¿Me yuꞌun ora ya awaꞌbon jchꞌuun te Jesuse? —xchi.

Hechos 28:23

Jich a xchapik jun kꞌaal te ya xtalik bayal ta jtul gente te ba smajanej na te jPabloe. Pajtajel nax a lijk y asta smalel kꞌaal a yal te jPablo tut ay ta ajwalinel te Diose. Yuꞌun yoꞌtanuk te ya yaꞌbe xchꞌuun te Jesuse, jich tutꞌil te tsꞌibabil ta mantaliletik yuꞌun te jMoises sok te tsꞌibabil yuꞌun te jꞌalwanejetike.

Hechos 9:20

Te nax a te Sauloe lijk ta yalel te ba sinagogaetik te jaꞌ Xnichꞌan Dios te Jesuse.

2 Corintios 5:11

Yuꞌun ya jnaꞌtik te ya skꞌan ya kakꞌtik ta jkuenta te Kajwaltike, ya kaꞌtelin te ya kaꞌbe kꞌouk ta yoꞌtanik te winketike. Te Diose snaꞌoj tutꞌil ayotik, y ya jkꞌan te jichuk ya anaꞌbikon te titꞌil ay te koꞌtane.