Hechos 18:2 - Nuevo Testamento Tzeltal de Amatenango

² Teꞌ kꞌo sta jtul juriyo-winik a, te jꞌAquila sbiil, te ay slumal ta estado yuꞌun Ponto. Ma to nax jaluk kꞌaal a te jul ta Italia te jꞌAquila sok yinam, te sPriscila sbiile, yuꞌun la yal mantal te mukꞌul rey jClaudio te ya xlokꞌ tal spisil te juriyoetik te ay ta Romae. Te jPabloe ba yuluꞌtay tal.

Bible in Tzeltal Bachajón

² Tey la sta jtuhl judío-winic a, Aquila sbihil, ha slumal te Ponto, hulel to ta Italia soc Priscila te yihnam, como la spas mandar te Claudio te ya me xloq'uic ta Roma spisil te judíohetique. Te Pablo baht sjoquin.

Bible in Tzeltal de Oxchuc y Tenejapa

² Tey la sta jtul judio-winic te Aquila sbiil te ja' slumal te sq'uinal Ponto. Ach' to nax loc' tel ta sq'uinal Italia soc yinam te Priscila sbiile, ta scaj smandal te muc' ajwalil César te Claudio sbiile, yu'un ma la sc'anix te Claudio te ya x'ainic xan tey a ta lum Roma te judioetique. Jich te Pabloe ba yil.

Hechos 18:2 ပူးပေါင်းရင်းမြစ်များ

Hechos 11:28

Ay jtul te Agabo sbiile, la stejkꞌan sba ta skuenta te Chꞌul Espíritu, sok la yal te ya xtal bayal wiꞌnal ta spisil te balmilale. Jaꞌ kꞌot ta pasel a te kꞌalal ochem ta mukꞌul rey a te jClaudioe.

Hechos 18:18

Te jPabloe bayal xan kꞌaal a jalaj a te ba Corintoe. Ta patil la skꞌoponlan jilel te hermanoetike, y sok te jꞌAquila sok te sPriscila, moik bael ta barko yuꞌun laj bajt ta estado yuꞌun Siria. Te kꞌalal ma to xmoik ta barko a te Pabloe, la yakꞌ ta joxel sjol ta jtejklum Cencrea yuꞌun ay tut yaloj ta stojol te Diose.

Hechos 18:26

Te jꞌApolose ma xiꞌ ta kꞌop te ba singogae. Pero te kꞌalal la yaꞌiy te sPriscila sok te jꞌAquila, la yikꞌik bael ta parte y la yalbeyik lek te tutꞌil ay ta chꞌuunel te Diose.

Hechos 2:9

Yuꞌun ay talemotik ta Partia, sok ta Media, sok ta Elam, sok ta Mesopotamia, sok ta Judea, sok ta Capadocia, sok ta Ponto, y sok ta estado Asia,

Hechos 27:1

Te kꞌalal nojp yuꞌunik te ya stikonotik bael ta estado yuꞌun Italiae, te jPablo sok te yan jchukeletike akꞌot bael entregal ta skꞌab jtul statal soltaro te Julio sbiile te ay ta aꞌtel ta skuenta jtijkꞌ soltaroetik yuꞌun te César Augustoe.

Hechos 27:6

Te statal yuꞌun te soltaroetike teꞌ sta jun barko a te talem ta jtejklum Alejandria te ya xbajt kꞌalal ta Italiae. Teꞌ yikꞌotik moel a yuꞌun sigue ya xbeenotik bael a.

1 Corintios 16:19

Te hermanoetik te ayik ta estado yuꞌun Asia la stikonbeyex spajtil awoꞌtanik. Te Aquilae sok sPrisilae y sok te kongregasion te ya stsob sbaik sok ta snae, la stikonbeyex bayal spajtil awoꞌtanik ta skuenta te Kajwaltike.

2 Timoteo 4:19

Albon xkoltanuk te Prisca sok te Aquilae y sok te machꞌatik ay yuꞌun te Onesiforoe.

Hebreos 13:24

Albikon xkoltanuk ta spisil te machꞌatik yipalik ta aꞌtel ta atojolike y ta spisil te machꞌatik jtejklumix yuꞌun te Diose. Te machꞌatik ayik ta Italia ya yalbeyex xkoltanuk euk.

1 Pedro 1:1

Joꞌon jPedroon, apostolon yuꞌun te Jesucristoe, ya jtsꞌibay te karta to te jaꞌ yuꞌun te machꞌatik te pujkejemik bael te ba slumalike, te ayik ta estadoetik yuꞌun Ponto sok Galacia sok Capadocia sok Asia y sok Bitinia.