Hechos 17:34 - Nuevo Testamento Tzeltal de Amatenango

³⁴ Pero ay yan la stsꞌakliyik bael te jPabloe y la xchꞌuunik. Jich tutꞌil te jDionisio te ay yaꞌtel ta junta yuꞌun te Areópagoe, y sok jtul ants Dámaris sbiil, sok xan yanetik.

Bible in Tzeltal Bachajón

³⁴ Pero ay mach'atic te stsoboj sbahic tey a te la sch'uhunic, la st'unic bahel te Pablo; ha'ic te Dionisio te ochem ta Areópago, soc jtuhl ants, Dámaris sbihil, soc ay to yantic.

Bible in Tzeltal de Oxchuc y Tenejapa

³⁴ Ja'uc me to, ay la sts'aclinic bael te Pablo soc la xch'uunic te bi la yaiyiquix stojole, jich bit'il te Dionisio te yich'oj yat'el yu'un te Areópago, soc ay jtul ants Dámaris sbiil, soc xan yantic.

Hechos 17:34 ပူးပေါင်းရင်းမြစ်များ

San Mateo 20:16

“Jaꞌ yuꞌun te machꞌatik patil a laj tale, nail ya xlaj kꞌot stukel. Yan te machꞌatik nail a laj tale, patil me ya xlaj kꞌot stukel. Porke bayal machꞌatik ya xꞌikꞌtalanot. Pero ma bayaluk te machꞌa tsajtalanbile —xchi te Jesuse.

Hechos 13:48

Te kꞌalal la yaꞌiybeyik sluwaril to, te machꞌatik ma juriyouke ben jun yoꞌtanik a la sujt yuꞌun, y lijk yalik te ben tsaꞌam te skꞌop Kajwaltike. Spisil a xchꞌuunik te machꞌatik tsabilik yuꞌun te ya xkuxuyinik sbajtel kꞌinale.

Hechos 17:19

Jich a yikꞌik bael ta stojol te junta Areópago sbiil te kꞌayemik te ya stsob sbaik ta yaꞌiyel te kꞌope. Y la sjojkꞌobeyik teꞌa: —¿Me ya xjuꞌ te ya kaꞌibetik sluwar te achꞌ pꞌijutesel te awichꞌojbotik tale?

Hechos 17:22

Te jPabloe la stejkꞌan sba ta yolilik te junta Areópagoe y la yal: —Jaꞌex atenasetik, te jaꞌexe ay bayal sbujts awoꞌtanik ta xchꞌuunel te diosetike,

Hechos 17:33

Jich te jPabloe la xchꞌojtalan jilel te ba tsobajtike.

Hechos 17:4

Ay juriyoetik te la xchꞌuunike, y la sjoyin sbaik sok te jPablo sok te Silase. Jich a xchꞌuunik bayal griegoetik te xiꞌojik te Diose. Y ben bayal antstik te lom jkꞌulejike.

Filipenses 4:22

Sok la stikonbeyex spajtil awoꞌtanik ta spisil te machꞌatik jtejklum yuꞌun te Diose. Jaꞌ bayal ya spatbeyex awoꞌtanik te machꞌatik jꞌaꞌteletik yuꞌun te César ta Romae.