Hechos 17:3 - Nuevo Testamento Tzeltal de Amatenango

³ Jaꞌ a yalbe yaꞌilan te tutꞌil puersa kꞌax swokol ta milel te Cristoe, y ta patil chame, sok puersa chaꞌkux tal te ba ay animaetike. Sok la yaltalanbe: —Jaꞌ mismo te Jesus te ya kalbeyexe, jaꞌix te Cristoe —xchi.

Bible in Tzeltal Bachajón

³ la yalbe ya'iyic soc la ya'be sna'ic ta scuenta te Shun Dios te la sc'an te c'ax swocol te Cristo soc te ya xcha'cuxaj tal ta lajel. Soc hich la yal xan: Te Jesús te la jcalbeyex awa'iyic sc'oblal, ha nix te Cristo, xchi.

Bible in Tzeltal de Oxchuc y Tenejapa

³ Jamal la xcholbey yaiyic te bit'il puersa c'ax swocol te Cristoe, soc te bit'il laje, soc te bit'il cha'cux tele. Soc jich la yalbey yaiyic: —Te Jesús te ya calbeyex sc'oplale, ja'ix te Cristoe —xi' ta yalel.

Hechos 17:3 ပူးပေါင်းရင်းမြစ်များ

San Lucas 24:32

Jaꞌ yuꞌun lijk yalbe sbaik: —Jaꞌ mejtik sluwar ben tsꞌaam a kaꞌitik ta koꞌtantik te kꞌalal yipalotik tal ta aꞌabiyej ta bee, sok te ya yalbotik tal sluwaril te skꞌop Diose —xchiik.

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

San Lucas 24:46

Y la yaltalanbe: —Jich tsꞌibabil jilel te puersa ya xkꞌax jwokol joꞌon te Cristoone, y ya xchaꞌkuxon tal ta yoxebal kꞌaal.

San Juan 20:9

Yuꞌun ma to kꞌoemuk ta yoꞌtanik a te tut tsꞌibabil jilel ta Sjun te Dios te puersa ya xchaꞌkux tal te Jesuse.

Hechos 1:4

Te kꞌalal sjoyinej to a te apostoletike, te Jesuse la yaltalanbe te ma to xlokꞌik bael te ba Jerusalene. La yaltalanbe: —Maliyaik te tut yaloj te Jtat te tut ya yaꞌbeyexe, jich te tuti kalbeyexe.

Hechos 18:28

Yuꞌun te jꞌApolose ben toj te skꞌope, jich ma juꞌ te ya stsalot ta kꞌop yuꞌun te juriyoetike. Yuꞌun jamal ya yakꞌ ta naꞌel ta Sjun Dios ta stojol te genteetik te jaꞌ Cristo te Jesuse.

Hechos 18:5

Kꞌalal lijkik tal ta Macedonia te Silas sok te jTimoteoe, te jPabloe jaꞌ nax a yaꞌtelin yalel te skꞌop Diose, y jamal a yaltalanbe te juriyoetik te jaꞌix Cristo te Jesuse.

Hechos 3:18

Pero jaꞌ a spas kumplir te tut yaloj te Dios ta skuenta spisil te jꞌalwanejetik yuꞌune, te puersa ya xkꞌax swokol te Cristo yuꞌune.

Hechos 9:22

Pero te Sauloe mas a yakꞌ xan puersa ta yalel te jaꞌ Cristo te Jesuse. Te juriyoetik te aylan ta Damascoe maꞌ snaꞌ tuti yalik yuꞌun.

Gálatas 3:1

Jaꞌex Galataetik, te ma pꞌijukexixe, ¿Machꞌa a yaꞌbeyex chamel? Te tut la kalbetikexe, la kakꞌtik ta ilel ta asitik te Jesucristo te jojkꞌanot ta kruse.