Hechos 17:2 - Nuevo Testamento Tzeltal de Amatenango

² Te jPalboe bajt ta sinagoga jich tutꞌil kꞌayem a ta pasele. Ta jujun kꞌaal ta skꞌaalel te kuxo-oꞌtane, teꞌ yalulan sok a te tut ya yal te Sjun Diose. Jich a spasulan oxeb semana.

Bible in Tzeltal Bachajón

² Och tey a te Pablo, hich te bin ut'il c'ahyem ta spasel. Oxeb semana ta sc'ahc'alel cux-o'tan c'opoj soc,

Bible in Tzeltal de Oxchuc y Tenejapa

² Te Pablo bajt' ta sinagoga ta sc'aalelal cux-o'tan, jich bit'il te c'aem ta spasele. Jich la spasulay oxeb semana ta sc'aalelal te cux-o'tane. Tey la yaan soc a te bila ts'ibubil ta Sjun te Diose.

Hechos 17:2 ပူးပေါင်းရင်းမြစ်များ

San Mateo 26:24

Jich te Nichꞌanile puersa me jich ya xkꞌot ta skuenta te tutꞌil tsꞌibabil jilel ta Sjun Diose. Pero oꞌol me sba te winik te ya xꞌakꞌot entregal yuꞌune. Jaꞌ lek te jichuk maꞌ pꞌejkaj ta balmilale —xchi te Jesuse.

San Lucas 4:16

Te Jesuse bajt ta jtejklum Nazaret te ba chꞌie. Ta skꞌaalel kuxo-oꞌtan bajt ta sinagoga jich te tutꞌil kꞌayem ta spasele, y la stejkꞌan sba ta yilel te Sjun Diose.

San Juan 18:20

Te Jesuse la yalbe: —Jamal a kal ta sitil komon ta stojol spisil te genteetike, bayal buelta a nojpeswanon te ta sinagogaetik sok ta templo te ba ya stsobilan sbaik spisil te juriyoetike. Ma mukuluk a nojpeswanon.

Hechos 13:14

Yan te jPabloe sok te Bernabee la sjilesik te jtejklum Pergee, kꞌaxik bael ta Antioquia te ay ta slum Pisidiae. Ta skꞌaalel te kuxo-oꞌtane ochik bael ta sinagoga y la snajkan sbaik.

Hechos 13:5

Te kꞌalal koik ta barko ta jtejklum Salaminae, lijk yalik teꞌa te skꞌop Diose te ba sinagogaetik yuꞌun te juriyoetike. Te Juane sjoyinejik kꞌal euk yuꞌun ya smantaltesik.

Hechos 14:1

Te kꞌalal ayikix ta jtejklum Iconio ae, te jPablo sok te jBernabee ochik bael te ba sinagoga yuꞌun te juriyoetike. Ay bayal yip te skꞌop Dios te la yalike, jich bayal a xchꞌuunik te juriyoetike sok te machꞌatik ma juriyouke.

Hechos 17:10

Ajkꞌubalix a te hermanoetike ora stikonik bael kꞌalal ta jtejklum Berea te jPablo sok te Silase. Te kꞌalal laj kꞌot teꞌae, toj a laj bajt ta sinagoga yuꞌun te juriyoetike.

Hechos 17:17

Jaꞌ yuꞌun ba yaꞌbiyanik sok te juriyoetik sok te yan te xiꞌojik te Diose te ba sinagoga yuꞌunike. Y jujun kꞌaal la yaꞌbiyan sok te machꞌa ya stsob sba sok ta parkee.

Hechos 18:4

Ta jujuchoj skꞌaalel te kuxo-oꞌtane, te jPabloe bajtulan ta sinagoga. Teꞌ yalulanbe a y asta la yaꞌbe xchꞌuun te lek achꞌ kꞌop te juriyoetike sok griegoetike.

Hechos 19:8

Oxeb u a been ta sinagoga te jPabloe. Ma xiꞌ ta yalel teꞌa te skꞌop Diose, y la yalulan jaꞌ to te la xchꞌuun yuꞌun te gente te tutꞌil ay ta ajwalinel te Diose.

Hechos 24:25

Pero kꞌalal la yaꞌbiyanbe te jPablo tutꞌil ya skꞌan te toj ya xkuxuyinotik ta balmilale, sok te tutꞌil ya skꞌan ya jnaꞌtik skomel juju-tulotik te jtiꞌbalultike, sok te tutꞌil ya yilbotik kaꞌteltik ta patil te Diose, te Felixe la yakꞌ yajtal yoꞌtan yuꞌun. Jaꞌ yuꞌun la yalbe: —Lek ay, baanix. Ya jtikonat xan ta ikꞌel te kꞌalal ay tiempo kuꞌune —xchi.

Hechos 28:23

Jich a xchapik jun kꞌaal te ya xtalik bayal ta jtul gente te ba smajanej na te jPabloe. Pajtajel nax a lijk y asta smalel kꞌaal a yal te jPablo tut ay ta ajwalinel te Diose. Yuꞌun yoꞌtanuk te ya yaꞌbe xchꞌuun te Jesuse, jich tutꞌil te tsꞌibabil ta mantaliletik yuꞌun te jMoises sok te tsꞌibabil yuꞌun te jꞌalwanejetike.

Hechos 8:35

Jich te Felipee jaꞌ mismo a lijk yalbe tut ay sluwar te Sjun Dios te yipal ta yilel te etiope-winike, jaꞌ lijk yalbe sluwar te lekil achꞌ kꞌop yuꞌun te Jesuse.

Hechos 9:20

Te nax a te Sauloe lijk ta yalel te ba sinagogaetik te jaꞌ Xnichꞌan Dios te Jesuse.

1 Corintios 15:3

Te tut nail a kaꞌbeyex anaꞌike, jaꞌ te tutiꞌ yaꞌbelon jnope. Jaꞌ a kakꞌ anoptalanik te Cristoe cham ta skaj jmultik, jich tutꞌil ya yal te Sjun Diose.