Hechos 17:1 - Nuevo Testamento Tzeltal de Amatenango

¹ Te jPablo sok te Silase laj bajt ta jtejklum Anfípolis sok ta jtejklum Apolonia, y te nax a laj kꞌot ta jtejklum Tesalónica te ba ay jun sinagoga yuꞌun te juriyoetike.

Bible in Tzeltal Bachajón

¹ Te Pablo soc Silas c'axic ta Anfípolis soc ta Apolonia, c'ohtic ta Tesalónica ta banti ay sinagoga yu'un te judíohetique.

Bible in Tzeltal de Oxchuc y Tenejapa

¹ Te Pablo soc te Silase c'axic bael ta lum Anfípolis soc ta lum Apolonia. Jich c'otic ta lum Tesalónica ta banti ay sinagoga yu'un te judioetique.

Hechos 17:1 ပူးပေါင်းရင်းမြစ်များ

Hechos 14:1

Te kꞌalal ayikix ta jtejklum Iconio ae, te jPablo sok te jBernabee ochik bael te ba sinagoga yuꞌun te juriyoetike. Ay bayal yip te skꞌop Dios te la yalike, jich bayal a xchꞌuunik te juriyoetike sok te machꞌatik ma juriyouke.

Hechos 15:21

Porke nameyix ta jujun jtejklum te ya xꞌalot te mantaliletik yuꞌun te jMoisese, y ya yichꞌ kꞌoponel sjunal ta sinagogaetik ta jujun skꞌaalel te kuxo-oꞌtane —xchi te Jacobe.

Hechos 16:13

Ta jun skꞌaalel kuxo-oꞌtan lokꞌotik bael ta tiꞌ jtejklum te ay ta tiꞌjae, te ba kꞌayemik te ya stsob sbaik ta skꞌoponel Diose. Teꞌ jnakan bajtik a, y la kalbeytik yaꞌiy te lekil achꞌ kꞌop te antstik te teꞌ ya stsob sbaik ae.

Hechos 17:10

Ajkꞌubalix a te hermanoetike ora stikonik bael kꞌalal ta jtejklum Berea te jPablo sok te Silase. Te kꞌalal laj kꞌot teꞌae, toj a laj bajt ta sinagoga yuꞌun te juriyoetike.

Hechos 17:11

Te juriyoetik te ayik ta jtejklum Bereae ay srazonik, ma pajaluk sok te machꞌatik ay ta jtejklum Tesalónicae. Ben jun yoꞌtanik la yaꞌiybeyik sluwar te tuti altalanbot yuꞌun te jPabloe. Jujun kꞌaal ya yilik ta Sjun Dios teme jich te tut ya xꞌaltalanbote.

Hechos 17:13

Pero te kꞌalal la yaꞌiyik te juriyoetik te ay ta Tesalónicae te yipal ta yalel skꞌop Dios ta Berea te jPabloe, laj bajtik ta Berea kꞌo xchebal-kꞌoptayik te gente teꞌae.

Hechos 20:4

Jaꞌ a sjoyinlan bael te Sópater te xnichꞌan jPirroe te lijkem tal ta jtejklum Berea, y sok Aristarco sok Segundo te talemik ta Tesalónicae, sok Gayo te talem ta Derbe, sok jTimoteo, y sok jTiquico, y sok jTrofimo te talemik ta estado Asiae.

Hechos 27:2

Jicha mootik bael ta jun barko te talem ta jtejklum Adramitio te ya xbajtix ta jtejklumetik te aylan ta tiꞌtiꞌ mar yuꞌun slum Asiae. Joyinejtik kꞌael ekꞌa te jAristarco te talem ta Tesalónica te ay ta estado Macedoniae.

Filipenses 4:16

Yuꞌun te kꞌalal ayon ta Tesalónica ae, ma junuk nax buelta te jaꞌex la atikonbikon bael te majtanil te tuun kuꞌune.

1 Tesalonicenses 1:1

Joꞌon jPabloon, joy jba sok te Silvano y sok jTimoteo la jtsꞌibayex te karta to, jaꞌex te hermanoetik te ayex ta mukꞌul jtejklum Tesalónicae, te jun nax ayex ta skuenta te Jtatik Diose y sok te Kajwaltik Jesucristoe. Te Jtatik Dios aꞌ yaꞌbeyex te slekil yoꞌtane y sok te bujtsꞌan kꞌinal ta akuentaike.

1 Tesalonicenses 2:2

Anaꞌojikix te nail to la jtatik utel y ilbajinel ta jtejklum Filipose. Pero Dios a skoltayotik ta yalel te ba ayex te skꞌoplal te kolel ta spisil jpuersa, aunke la kichꞌtik bayal kontrainel yuꞌun.

2 Tesalonicenses 1:1

Joꞌon jPabloon sok te Silvano y sok jTimoteo, la jtsꞌibayex te karta to, jaꞌex hermanoetik te ayex ta mukꞌul jtejklum Tesalónicae, te jun nax ayex ta skuenta te Jtatik Diose y sok te Kajwaltik Jesucristoe.

2 Timoteo 4:10

Yuꞌun te jDemase, jaꞌ bikꞌtajix yoꞌtan yuꞌun te tutik skuenta te balmilal to. La sjilesonix y bajtix ta Tesalónica. Te Crescentee bajtix ta estado yuꞌun Galacia, y te jTitoe bajt ta Dalmacia.