Hechos 16:9 - Nuevo Testamento Tzeltal de Amatenango

⁹ Teꞌ ay tut aꞌbot yil ta xwayuch ta ajkꞌubal a te jPabloe. La yil jtul winik ta estado yuꞌun Macedonia te tekꞌel ta skꞌanel pawore. Jicha albot yuꞌun: “Kꞌaxan me bael ta Macedonia, yuꞌun ya xtal akoltayotik”, xꞌutot.

Bible in Tzeltal Bachajón

⁹ Ta jun ahc'abal te Pablo a'bot yil ta snahalsit te teq'uel jtuhl macedonia-winic te hich halbot wocol yu'un: C'axan tal ta Macedonia, coltayawotcotic, xchi.

Bible in Tzeltal de Oxchuc y Tenejapa

⁹ Te Pabloe tey ac'bot yil ta ajc'ubal ta stelemal yilel jtul Macedonia-winic te teq'uel ta yalel wocol ta stojole. Jich albot yu'un: —C'axan bael ta Macedonia. Ya me acoltayotic —utot yu'un.

Hechos 16:9 ပူးပေါင်းရင်းမြစ်များ

Hechos 10:3

Jun kꞌaal, las tres mal kꞌaal wan a, aꞌbot yil ta stekꞌlejal yilel jtul chꞌul ángel yuꞌun Dios te tal te ba aye, y albot yuꞌun: —Cornelio —xchi a yaꞌiy.

Hechos 10:30

Te jCornelioe la sjakꞌ: —Ayix ta chanebal kꞌaal jich wan ora to, liꞌiyon a ba jnae, jkomoj jweꞌel y yipalon ta skꞌoponel Dios a las tres mal kꞌaal a, kꞌalal la kil a chiknaj jtul winik te xlemet nax skꞌuꞌ-spakꞌe.

Hechos 16:10

Te tutꞌil jich a yil ta xwayuch te jPabloe, jich a jchap jbajtik ta ora y bootik ta estado Macedonia, yuꞌun batsꞌi jaꞌ a yalbotik te Diose te ya yikꞌotik ta yalel teꞌa te lek achꞌ kꞌope.

Hechos 16:12

Teꞌ lijkotik bael a y bootik ta jtejklum Filipos, te jaꞌ kolonia yuꞌun te Romae y jaꞌ ben aꞌbil ta jkuenta ta estado Macedonia. Teꞌ jalajotik cheꞌoxeb kꞌaal a.

Hechos 18:5

Kꞌalal lijkik tal ta Macedonia te Silas sok te jTimoteoe, te jPabloe jaꞌ nax a yaꞌtelin yalel te skꞌop Diose, y jamal a yaltalanbe te juriyoetik te jaꞌix Cristo te Jesuse.

Hechos 19:21

Ta patil te kꞌotix ta pasel a to, te jPabloe la snop te ya xkꞌa yil te hermanoetik te ayik ta estado Macedonia sok ta estado Acaya, sok ta patil ya xbajt ta Jerusalen. Sok la yal: —Ta patil teme kꞌaxon ta Jerusalene, puersa ya xboon ta Roma —xchi.

Hechos 19:22

Jich a stikon bael ta Macedonia chaꞌtul jꞌayudante yuꞌun, jaꞌ te jTimoteo sok te jꞌErastoe. Yan te jPabloe jaloj to xan jilel ta estado Asia stukel.

Hechos 19:29

Jicha lijkik ta kꞌop spisil te jtejklume. Te genteetike la stsakik te jGayo sok te jꞌAristarco te cheb winketik te talemik ta Macedonia te sjoyinejik te jPabloe, y la xjochik ochel kꞌalal ba ya stsob sbaik te jtejklume.

Hechos 20:1

Te kꞌalal komix a te kꞌope, te jPabloe la yakꞌ tal ta ikꞌel te hermanoetike, yuꞌun ya stsitstalan jilel. Te nax a laj skꞌoponlan jilel y stukel bajt ta slum Macedonia.

Hechos 20:3

Teꞌ jalaj oxeb u a te jPabloe. Skꞌan xmoix bael ta barko a, yuꞌun ya xbajt ta estado Siria, kꞌalal la yaꞌi te chapbil skꞌoplal ta milel yuꞌun te juriyoetike. Jich a snop te ya xchaꞌsujt bael ta yok te ya xkꞌax xan ta estado Macedoniae.

Hechos 27:2

Jicha mootik bael ta jun barko te talem ta jtejklum Adramitio te ya xbajtix ta jtejklumetik te aylan ta tiꞌtiꞌ mar yuꞌun slum Asiae. Joyinejtik kꞌael ekꞌa te jAristarco te talem ta Tesalónica te ay ta estado Macedoniae.

Hechos 9:38

Te jtejklum Jopee nopol ay sok te jtejklum Lidae te ba ay te jPedroe, y te hermanoetike la yaꞌiyik te teꞌey a te jPedroe. La stikonik bael cheb winketik, ba yalbeyik tal: —Awokoluk, laꞌ me ta ora liꞌ ba aytike —xchiik.

Romanos 15:26

Porke te machꞌatik ayik ta Macedoniae y sok te ayik ta Acayae la snopik te gusto a stsob stakꞌinik te ya stikonbeyik te hermanoetik te ayik ta Jerusalen te ay swokolike.

2 Corintios 11:9

Y te kꞌalal ayon ta awolilik, teme ay nesesidad a kaꞌiye, ni maꞌyuk machꞌa kaꞌbe swokol yuꞌun. Yuꞌun te hermanoetik te talemik ta Macedoniae la yaꞌbikon te tut ya xtuun kuꞌune. Jich a jpas yuꞌun ma me ayuk awijkatsik ya kaꞌbeyex, y jich sigue ya jpas bael.

2 Corintios 12:7

Para ke makꞌ jtoy jba a yuꞌun te tut lom mukꞌ a yaꞌbelon jnaꞌe, la yaꞌbelon jun wokole, pajal sok jun chꞌix te tsꞌapal ta jtiꞌbalule, te jachik tutꞌil jun yaꞌtajib pukuj te tal yilbajinone.

2 Corintios 7:5

Jaꞌ to te julotik ta Macedoniae, maꞌyuk ba jtajtik te ya jkux koꞌtantike, yuꞌun bayukix a jtajtik jwokoltik. Bayuk nax a jtajtik kꞌop y sok xiꞌel ta koꞌtantik.

2 Corintios 8:1

Te ora to kermanotak, ya jkꞌan kalbeytikex te tutꞌil chiknajix slekil yoꞌtan Dios te ba ay juju-tijkꞌ hermanoetik ta Macedoniae.

2 Corintios 9:2

Porke jnaꞌojix te tutꞌil ben jun awoꞌtan ya awakꞌike. Sil tiempo ben jun koꞌtan ya kalbey te machꞌatik ayik ta Macedoniae te jaꞌ to te jaꞌbil a kꞌax te ben jun awoꞌtanik ya awakꞌik te koltayele te jaꞌex te ayex ta Acayae. Jaꞌ yuꞌun te machꞌatik ayik ta Macedonia la snopikix te jun yoꞌtanik ya yakꞌik ekꞌae.

1 Tesalonicenses 4:10

Yuꞌun jich ya apasik te jaꞌexe sok spisil hermanoetik te aylan ta spisil Macedoniae. Pero awokolikuk, kermanotak, a me bayalejuk ta mas te skꞌuxul awoꞌtanike.