Hechos 16:1 - Nuevo Testamento Tzeltal de Amatenango

¹ Te jPablo sok te Silase laj kꞌot ta jtejklum Derbe sok ta jtejklum Listra. Teꞌ la staik jtul hermano te jTimoteo sbiile, yal jtul juriyo-ants te hermanae. Te state griego-winik stukel.

Bible in Tzeltal Bachajón

¹ Patil c'oht ta Derbe soc ta Listra te Pablo. Ay jtuhl jnopojel tey a, Timoteo sbihil, yal jtuhl judia-ants te sch'uhunej Jesús, pero griego-winic te state.

Bible in Tzeltal de Oxchuc y Tenejapa

¹ Jich te Pablo soc te Silas c'otic ta lum Derbe soc lum Listra te banti la staic jtul jnopojel te Timoteo sbiil te yal jtul judia-ants te xch'uunej te Jesuse. Yan te state griego-winic stuquel.

Hechos 16:1 ပူးပေါင်းရင်းမြစ်များ

Hechos 14:1

Te kꞌalal ayikix ta jtejklum Iconio ae, te jPablo sok te jBernabee ochik bael te ba sinagoga yuꞌun te juriyoetike. Ay bayal yip te skꞌop Dios te la yalike, jich bayal a xchꞌuunik te juriyoetike sok te machꞌatik ma juriyouke.

Hechos 14:21

Patil la yalik te lek achꞌ kꞌop te ba jtejklum Derbee, te ba bayal a yaꞌbeyik xchꞌuun Jesus te genteetike. Ta patil sujtik xan bael ta jtejklum Listra, sok ta Iconio, sok ta jtejklum Antioquia.

Hechos 14:6

Pero te jPablo sok te jBernabee la yaꞌibeyik sluwar te tut snopojike. Jicha laj bajt ta anel ta jtejklum Listra sok ta Derbe te ay ta estado Licaonia. Jich a yokliyik spisil te estadoe,

Hechos 17:14

Pero te hermanoetike ora a stikonik bael kꞌalal ta tiꞌmar te jPabloe. Yan te Silas sok te jTimoteoe jil ta Berea stukelik.

Hechos 18:5

Kꞌalal lijkik tal ta Macedonia te Silas sok te jTimoteoe, te jPabloe jaꞌ nax a yaꞌtelin yalel te skꞌop Diose, y jamal a yaltalanbe te juriyoetik te jaꞌix Cristo te Jesuse.

Hechos 19:22

Jich a stikon bael ta Macedonia chaꞌtul jꞌayudante yuꞌun, jaꞌ te jTimoteo sok te jꞌErastoe. Yan te jPabloe jaloj to xan jilel ta estado Asia stukel.

Romanos 16:21

Ya yalbeyex xkoltanuk te jTimoteoe te joy jba sok ta aꞌtele. Y jich euk te jLucioe te Jasone y sok te Sosipatere te jaꞌ jlumaltake.

1 Corintios 16:10

Teme kꞌot te jTimoteoe, ikꞌaik me ta lek te ba ayexe, yuꞌun jich ya xꞌaꞌtej ta yaꞌtel Kajwaltik jich tutꞌil joꞌone.

1 Corintios 4:17

Jaꞌ sluwaril te la jtikonbeyex tal te jTimoteoe. Jich kꞌoem ta koꞌtan tutꞌi jnichꞌan te jun yoꞌtan ta skuenta te Kajwaltike. Jaꞌ me ya yaꞌbeyex xan anaꞌik te tutꞌil ya xꞌaꞌtejon sok te tutꞌ jchꞌuunej te Cristoe Jesuse. Yuꞌun yiloj spisil te tutꞌil la jnojpeslan te juju-tijkꞌ hermanotetik te ba kꞌaxone.

1 Corintios 7:14

Yuꞌun te mamlalil teme ma xchꞌuunejuk Diose, lekutesbilix kꞌoem ekꞌa ta skꞌaj te jun nax ay sok yinam te xchꞌuunej Diose. Y jich euk te ants teme ma xchꞌuunejuk Diose, lekutesbilix kꞌoem ekꞌa ta skaj te jun nax ay sok smamlal te xchꞌuunej Diose. Te manchuk jichuke, te awuntikilik te jaꞌexe, jich aylan te tutꞌil ma xchꞌuunejuk Diose. Pero to uꞌuninbilikix yuꞌun te Diose.

2 Corintios 1:1

Joꞌon jPabloon. Skꞌanojel yoꞌtan Dios te apostolon yuꞌun te Jesucristoe, sok te hermano jTimoteoe. Ya jtsꞌibay te karta to ta akuentaik te jayebex te achꞌuunejik Dios te ayex ta jtejklum Corintoe y sok te jtejklum yuꞌun Dios ta spisil te estado yuꞌun Acayae.

2 Corintios 1:19

Porke te Cristo Jesuse makꞌ yal “Jich” sok “Ma jichuk” te mismo tiempo ae. Jaꞌ nax te Xnichꞌan Diose te jaꞌ ya kalbeytikex skꞌoplale, joꞌon sok te Silvanoe sok te jTimoteoe. Te Cristoe stukel batsꞌi jich ta stojol Dios,

Filipenses 1:1

Joꞌon te jPabloon sok te jTimoteoe, te jꞌaꞌtelotik yuꞌun te Jesucristoe, la jtsꞌibatik te karta to yuꞌun te jayebex te ayex ta mukꞌul jtejklum Filipos te ayex ta skuenta Dios sok te jun nax ayex sok te Cristoe, ta apisilik sok te ansianoetik y sok te diakonetike.

Filipenses 2:19

Teme jich ya skꞌan te Kajwaltik Jesuse, jnopoj te ya jtikonbeyex tal ta ora te jTimoteoe, yuꞌun jich me ya xjunub koꞌtan te ya kaꞌiy akꞌoplalik te jaꞌexe.

Colosenses 1:1

Joꞌon jPabloon, apostolon yuꞌun te Jesucristoe, te jich a skꞌan yoꞌtan te Diose, sok te jTimoteoe,

1 Tesalonicenses 1:1

Joꞌon jPabloon, joy jba sok te Silvano y sok jTimoteo la jtsꞌibayex te karta to, jaꞌex te hermanoetik te ayex ta mukꞌul jtejklum Tesalónicae, te jun nax ayex ta skuenta te Jtatik Diose y sok te Kajwaltik Jesucristoe. Te Jtatik Dios aꞌ yaꞌbeyex te slekil yoꞌtane y sok te bujtsꞌan kꞌinal ta akuentaike.

1 Tesalonicenses 3:2

y jaꞌ a jtikon te kermanotik jTimoteo, te jaꞌ jtul jꞌaꞌtel yuꞌun Dios te ay ta yalel te lek achꞌ kꞌop yuꞌun te Cristoe. La jtikon tal yuꞌun ya xtal yilex, y ya xtal yalbeyex xan lek te skꞌop Diose, y ya yaꞌbeyex spuersa te xchꞌuunel awoꞌtanike.

1 Tesalonicenses 3:6

Pero te ora to te jTimoteoe sujtix tal kꞌalal Tesalónica, y yichꞌojbotik tal lek akꞌoplalik yuꞌun te xchꞌuunel awoꞌtanike y sok te slekil awoꞌtanike. La yalbotik te sil tiempo ya anaꞌotik sok slekil awoꞌtanik, y sok te awoꞌtanikuk ya akꞌan ya awilotik, jich tutꞌil te joꞌotik te ya jkꞌan kiltikexe.

2 Tesalonicenses 1:1

Joꞌon jPabloon sok te Silvano y sok jTimoteo, la jtsꞌibayex te karta to, jaꞌex hermanoetik te ayex ta mukꞌul jtejklum Tesalónicae, te jun nax ayex ta skuenta te Jtatik Diose y sok te Kajwaltik Jesucristoe.

1 Timoteo 1:18

Jaꞌat jTimoteo, te jnichꞌanat ta koꞌtane, ya kaꞌbeyat ta akuenta te aꞌtel to, yuꞌun jich me ya xjuꞌ awuꞌun tsalaw ta skuenta te xchꞌuunel awoꞌtane y ta skuenta te toj awoꞌtane. Jich tutꞌil te nail yaloj te hermanoetik te la yalik te akꞌoplale ta skuenta te Diose.

1 Timoteo 1:2

Ya jtsꞌibabeyat te karta to, jTimoteo, te batsꞌi jnichꞌanat kꞌoem, te pajal nax jchꞌuunejtik te Diose. A me yaꞌbat te slekil yoꞌtan, te xkꞌuxul yoꞌtan y te bujtsꞌan kꞌinal te Dios Tatile y sok te Cristo Jesuse te jaꞌ Kajwaltike.

2 Timoteo 1:2

La jtsꞌibabeyat te karta to, Timoteo, te kꞌuxat ta koꞌtane sok te jich kꞌoemat tutꞌil jnichꞌane. Aꞌ me yaꞌbeyat te slekil yoꞌtan y te bujtsꞌan kꞌinal yuꞌun te Dios Tatile y sok te Kajwaltik Jesucristoe.

2 Timoteo 1:5

Porke ya jnaꞌ te jun awoꞌtan achꞌuunej te Diose, jich tutꞌil nail xchꞌuunejik Dios te ameꞌchich xLoidae y sok te ameꞌ xꞌEunice. Seguro ayon te jich awoꞌtan ekꞌa te jaꞌate.

2 Timoteo 3:11

sok te ikꞌtinele y sok te wokoletike. Anaꞌoj spisil te tutiꞌ spasbelon ta Antioquia, ta Iconio y ta Listra sok te ikꞌtinel te kꞌax jwokol yuꞌune. Pero te Kajwaltike la yakꞌon ta libre ta spisil.

Filemón 1:1

Joꞌon jPabloon, te ayon ta prexo ta skaj te Cristo Jesuse, jun nax sok te hermano jTimoteoe, ya jtsꞌibabeyat te karta to, jaꞌat Filemon, te kꞌuxat ta koꞌtan sok te joy jbajtik ta aꞌtele,

Hebreos 13:23

Ay tut ya kalbeyex: Kolemix te kermanotik jTimoteoe. Teme ya xjul ta orae, ya me joyin tal te kꞌalal ya xtal kilexe.