Hechos 15:8 - Nuevo Testamento Tzeltal de Amatenango

⁸ Jich te Diose, te snaꞌoj tutꞌ ay te oꞌtanile, la yakꞌ ta naꞌbeyel sluwar te ben tsaꞌam yoꞌtan ta stojol, yuꞌun la yakꞌtalanbe yikꞌ ta yoꞌtanik euk te Chꞌul Espíritu, jich tutꞌil te joꞌotike.

Bible in Tzeltal Bachajón

⁸ Te Dios te ya sna'be yo'tanic, la yac' ta ilel te lec yo'tan yu'unic te bin ut'il la ya'be te Ch'ul Espíritu hich te bin ut'il te ho'otique;

Bible in Tzeltal de Oxchuc y Tenejapa

⁸ Te Diose, te sna'oj stuquel te o'tanile, ja' testigo yu'un te bit'il la yac'bey yiq'uic ta yo'tanic uuc te Ch'ul Espíritu, jich bit'il te jo'otique.

Hechos 15:8 ပူးပေါင်းရင်းမြစ်များ

San Juan 21:17

La sjojkꞌobe xan ta yoxmelal: —Simon, te xnichꞌanat te Jonase, ¿me kꞌuxon ta awoꞌtan? —xchi. Te jPedroe la yakꞌ yajtal yoꞌtan yuꞌun; porke yoxmelalix a te jojkꞌobot teme kꞌux ya yaꞌi ta yoꞌtane. La sjakꞌ: —Kajwal, anaꞌoj spisil. Anaꞌoj te kꞌuxat ta koꞌtane —xchi. Te Jesuse la yalbe: —Kanantaybon me te jkarneraetik cheꞌe.

San Juan 5:37

Y jich te Tatil te la stikonon tale jaꞌ ya yakꞌon ta naꞌel stukel. Manchuk teme maꞌyuk awaꞌiyejbeyik te skꞌope, sok te ni maꞌyuk awilojike,

Hechos 1:24

Jich a skꞌoponik Dios yuꞌun: —Kajwal, te jaꞌate awilojlanojbe yoꞌtanik spisil te genteetike. Aꞌbotik kiltik machꞌa a te ta xchebalik te atꞌujoje,

Hechos 10:47

Te jPedroe jich a yal: —¿Machꞌa kꞌan skom teme ya xꞌaꞌbot yichꞌik jaꞌ te genteetik to te aꞌbotix yikꞌik te Chꞌul Espiritue, jich tutꞌil te joꞌotike? —xchi.

Hechos 14:3

Pero te apostoletike bayal kꞌaal a jalajik teꞌa. Jaꞌ yip yoꞌtanik te Kajwaltike, jicha juꞌ yuꞌunik yalel te tutꞌil ayotik ta kꞌuxutayel yuꞌun te Kajwaltike. Jaꞌ a yakꞌ ta ilel te tut batsꞌi jich te tut ya yalike yuꞌun te Kajwaltike la yaꞌbe spoderik ta spasel señaetik y sok milagroetik.

Hechos 15:28

Yuꞌun jaꞌ lek ya yaꞌi te Chꞌul Espiritue sok lek a kaꞌitik euk te maꞌyuk yan mantal te ya kakꞌtik achꞌuunike, jaꞌ nax te tut ben tulan skꞌoplale.

Hechos 2:4

Ta spisilik a noj ta yoꞌtanik te Chꞌul Espiritue, y lijk kꞌopojikuk ta yanetik kꞌop chikan te tutꞌil a akꞌot kꞌopojuk yuꞌun te Espiritue.

Hechos 4:31

Te kꞌalal laj yoꞌtanik ta skꞌoponel te Diose, nijkꞌ te luwar ba stsoboj sbaike. Y spisil a noj ta yoꞌtanik te Chꞌul Espiritue, y jamal a lijk yalik te skꞌop Diose.

Hebreos 2:4

Sok jaꞌ snujpꞌ kꞌot te skꞌopik te señailetik te ben tsaꞌam y bayal milagroetik te Dios a yakꞌ ta pasel. Sok ta skuenta te Chꞌul Espiritue te la yaꞌbotik jmajtꞌantik ta skajal skaje, chikan te tutꞌil ya skꞌan yoꞌtane.

Hebreos 4:13

Ni maꞌyuk tut a te spasoj Dios te ya xjuꞌ ya snakꞌ sba ta stojole; spisil jamal ta ilel ya yil ta sit stukel te machꞌa ya yichꞌbotik jkuenta te kaꞌteltike.

Apocalipsis 2:23

Y ya me kakꞌ lajuk te yuntikile. Jich me ya snaꞌik spisil te juju-tijkꞌ hermanoetik te joꞌon jnaꞌoj asta ta yutil pensar y ta oꞌtanil. Y ta juju-tul te jaꞌexe ya kaꞌbeyex chikan te tutiꞌ apasojike.