Hechos 15:6 - Nuevo Testamento Tzeltal de Amatenango

⁶ Jich a stsob sbaik te apostoletike y sok te ansianoetike yuꞌun ya snopik te tutꞌ ya xchapik te kꞌop to.

Bible in Tzeltal Bachajón

⁶ Ha yu'un la stsob sbahic te jpuc-c'opetic soc te ancianohetic ta schahpanel te c'ope.

Bible in Tzeltal de Oxchuc y Tenejapa

⁶ Jich la stsob sbaic te jpuc-c'opetic soc te ancianoetic ta snopel in aiyej to.

Hechos 15:6 ပူးပေါင်းရင်းမြစ်များ

San Mateo 18:20

Jich te ba ya atsob abaik ta cheb-oxeb teme joꞌon ta jkuentae, ayon me ta awolilik —xchi te Jesuse.

Hechos 11:30

Jich a spasik, sok la stikonik bael ta stojol te ansianoetik te ayik ta Jerusalen. Jaꞌ a yaꞌbeyik bael te jBernabe sok te Saulo te takꞌine.

Hechos 15:2

Te jPablo sok te jBernabee jicha lijk bayal kꞌop yuꞌunik sok. Jich a yichꞌik tꞌujel te jPablo sok te jBernabee sok xan yanetik yuꞌun ya xbajtik ta Jerusalen ta xchapel te kꞌop sok te apostoletike y sok te ansianoetik yuꞌun te hermanoetik te ba Jerusalene.

Hechos 15:22

Te apostoletike sok te ansianoetike y sok spisil te hermanoetike la snopik te ay machꞌa stꞌujik ta yolilik te ya stikonik bael ta jtejklum Antioquia sok te jPablo y sok te jBernabee. Jaꞌa biiltesot te Judas te Barsabas xꞌalbote, sok te Silas, te akꞌtalanbil ta jkuenta yuꞌun te hermanoetike.

Hechos 15:25

Jaꞌ yuꞌun la jnoptik ta komon te jaꞌ lek la jbiiltestik cheb kermanotaktik ta koliltik te ya xtal yilexe. Jaꞌ jun nax ya xtal sok te kermanotaktik Bernabe sok te jPabloe, te ben kꞌux ta koꞌtantike,

Hechos 15:4

Te kꞌalal kꞌot ta Jerusalen te jPablo sok te jBernabee, te hermanoetik te stsoboj sbaik, sok te apostoletike y sok te ansianoetike ben jun yoꞌtanik a yikꞌik ta stojolik. Y te jPablo sok te jBernabee lijk yaltalanbe spisil te tutik a spas Dios ta stojolike.

Hechos 16:4

Ta spisil te jtejklum te ba ya xkꞌaxike, jaꞌ a yalbeyik te hermanoetik te tut mantal a xchap te apostoletik sok ansianoetik yuꞌun te hermanoetik ta Jerusalene.

Hechos 21:18

Ta xchebal kꞌaal la joyintik bael te jPabloe, yuꞌun ba yulutay tal te Jacobo, y teꞌeyik spisil a te ansianoetike.

Hechos 6:2

Te lajchaytul apostoletike la stsob sbaik sok te hermanoetike, y la yaltalanbe: —Ma lekuk teme ya jkom jbatik ta yalel skꞌop Dios ta skaj spukel te weꞌelile.

Hebreos 13:17

Chꞌuunbeyaik me smantal te machꞌatik ya xꞌaꞌtejik ta atojolike y akꞌaik me ta jkuenta. Porke te stukelike jaꞌ ya skanantaybeyex te achꞌulelike, sok snaꞌojik te puersa ya xkꞌo yakꞌik jkuenta ta stojol te Diose. Aꞌbeya sbujtsꞌ yoꞌtanik ta spasel te aꞌtele, y ma me awaꞌbeyik yajtal yoꞌtanik. Yuꞌun teme ya awaꞌbe yajtal yoꞌtanike, ni maꞌyuk tut ya xlokꞌ awuꞌunik a.

Hebreos 13:7

Naꞌaik me te machꞌatik a aꞌtejik ta atojolik sok te la yalbeyex te skꞌop Diose. Naꞌaik te tutꞌil juꞌ yuꞌunik sok te xkuxlejalike, sok jich me xꞌanopik te tutꞌil la yakꞌ xchꞌuunel yoꞌtanike.