Hechos 15:4 - Nuevo Testamento Tzeltal de Amatenango

⁴ Te kꞌalal kꞌot ta Jerusalen te jPablo sok te jBernabee, te hermanoetik te stsoboj sbaik, sok te apostoletike y sok te ansianoetike ben jun yoꞌtanik a yikꞌik ta stojolik. Y te jPablo sok te jBernabee lijk yaltalanbe spisil te tutik a spas Dios ta stojolike.

Bible in Tzeltal Bachajón

⁴ C'alal c'ohtic ta Jerusalén ic'otic yu'un te iglesia soc te jpuc-c'opetic soc te ancianohetique; la yalbe ya'iyic spisil bintic la spasticlan Dios ta scuentahic.

Bible in Tzeltal de Oxchuc y Tenejapa

⁴ Te c'alal c'otic ta Jerusalén te Pablo soc te Bernabee, spisil te jch'uunjeletic soc te jpuc-c'opetic soc te ancianoetique bin nax yo'tanic la yiq'uic ta stojolic. Jich jajch' yalbey yaiyic spisil te bila spasoj Dios ta swentaique.

Hechos 15:4 ပူးပေါင်းရင်းမြစ်များ

San Mateo 10:40

“Te machꞌa ya yikꞌex ta snae, joꞌon a yikꞌonix ta sna euk. Sok te machꞌa ya yikꞌon ta snae, jaꞌ la yikꞌix ta sna euk te machꞌa stikonejon tale.

Hechos 11:30

Jich a spasik, sok la stikonik bael ta stojol te ansianoetik te ayik ta Jerusalen. Jaꞌ a yaꞌbeyik bael te jBernabe sok te Saulo te takꞌine.

Hechos 14:27

Te kꞌalal laj kꞌot ta Antioquiae, la stsobik tal te hermanotike, y la yaltalanbe spisil te tutik a spas Dios ta skuentaike, sok te tutꞌil te Kajwaltik la yaꞌbe xchꞌuunik euk te machꞌatik ma juriyouke.

Hechos 15:12

Jich ma machꞌa kꞌopojix a, y la yaꞌiybeyik sluwar skꞌop te jBernabe sok te jPabloe te la yalik te seña milagroetik te Dios a pasbot ta stojolik ta yolil te machꞌa ma juriyouke.

Hechos 15:2

Te jPablo sok te jBernabee jicha lijk bayal kꞌop yuꞌunik sok. Jich a yichꞌik tꞌujel te jPablo sok te jBernabee sok xan yanetik yuꞌun ya xbajtik ta Jerusalen ta xchapel te kꞌop sok te apostoletike y sok te ansianoetik yuꞌun te hermanoetik te ba Jerusalene.

Hechos 15:22

Te apostoletike sok te ansianoetike y sok spisil te hermanoetike la snopik te ay machꞌa stꞌujik ta yolilik te ya stikonik bael ta jtejklum Antioquia sok te jPablo y sok te jBernabee. Jaꞌa biiltesot te Judas te Barsabas xꞌalbote, sok te Silas, te akꞌtalanbil ta jkuenta yuꞌun te hermanoetike.

Hechos 15:3

Jicha tikonlanot bael yuꞌun te jtijkꞌ hermanoetik te ayik ta Antioquiae. Teꞌ kꞌaxik ta estado yuꞌun Fenicia sok ta estado Samariae. Kꞌa yaltalanbe yaꞌiy te hermanoetik te tutꞌil ay bayal machꞌa ma juriyouk te la sjilesix te tut antibo xchꞌuuneje, y la sujtesix yoꞌtanik ta stojol Dios. Spisil te hermanoetike ben jun yoꞌtanik yuꞌun te jich a yaꞌiyike.

Hechos 15:6

Jich a stsob sbaik te apostoletike y sok te ansianoetike yuꞌun ya snopik te tutꞌ ya xchapik te kꞌop to.

Hechos 16:4

Ta spisil te jtejklum te ba ya xkꞌaxike, jaꞌ a yalbeyik te hermanoetik te tut mantal a xchap te apostoletik sok ansianoetik yuꞌun te hermanoetik ta Jerusalene.

Hechos 18:27

Te kꞌalal la snop te ya xkꞌax bael ta estado yuꞌun Acaya te jꞌApolose, te hermanoetike la yaꞌbeyik bael spuersa yoꞌtan. Y la stsꞌibabeyik bael jun karta te hermanoetik te ay ta estado Acayae, te yauk yikꞌik y yauk xkꞌuxutayike. Te kꞌalal kꞌot ta estado Acaya te jꞌApolose, bayal a skoltay te machꞌatik xchꞌuunejix ta skuenta slekil yoꞌtan te Diose.

Hechos 21:17

Kꞌalal kꞌootik ta mukꞌul jtejklum Jerusalene, te hermanoetik ben jun yoꞌtanik a yikꞌotik.

Hechos 21:19

Te jPablo la spatalanbe yoꞌtan, y te nax a la yaltalanbe te tutik a spas Dios ta stojol sok te machꞌatik ma juriyouke.

Romanos 15:18

Porke ma jaꞌuk ya jtabe ta alel yaꞌtel yan; jaꞌ nax ya kal te tut spasojbon Cristo ta jtojole, skuenta jich ya xchꞌuunik Dios te machꞌatik ma juriyouke. Aꞌtej Cristo ta skuenta te kꞌop la kal, sok ta skuenta te tut la jpase,

Romanos 15:7

Jich yuꞌun, junuk me awoꞌtan abaik ta juju-tul, jich tutꞌil te jun yoꞌtan ta atojolik te Cristoe, yuꞌun jich me ben tsaꞌam slekil skꞌoplal awuꞌunik a te Diose.

1 Corintios 15:10

Pero ta slekil yoꞌtan Dios te jich ayon te tutꞌil ayone, y te slekil yoꞌtan kuꞌune ma lomuk nax, yuꞌun atꞌejemonix bayal ke ta spisil te yanetike. Aunke ma joꞌukon kaꞌtel jtukel, yuꞌun jaꞌ aꞌtej ta jkuenta te Diose ta skuenta slekil yoꞌtan te la skoltayone.

2 Corintios 5:19

Jaꞌ bi, ta skuenta Cristo, Dios yipal ta yakꞌel te ya xjunaj yoꞌtan sok te machꞌatik ayik ta balmilale. Ni ma jaꞌuk ya snaꞌbe smulik te genteetike. Y joꞌotik a yaꞌbotik kaꞌteltik te ya kakꞌtalanbetik snaꞌ te skꞌoplal to.

2 Corintios 6:1

Yuꞌun jich ayotik ta aꞌtel sok te Diose, ya kaltik ta atojolik: Ma me apꞌajik te slekil yoꞌtan Dios te ya yakꞌ ta akuentaik.

Colosenses 4:10

Xkoltanukex laj me yuꞌun euk te Aristarco, te joy jba sok ta prexoe. Y jich euk te jMarcose te yal xwix te jBernabee. Te jaꞌexe la kalbeyexix mantal te tut ya skꞌan ya apasik sok te jMarcose; teme tal yulutayexe, lek me xꞌawikꞌik.

2 Juan 1:10

Teme ay machꞌa ya xba yulutayex tal te jaꞌexe y teme ma jaꞌuk yichꞌoj te nojpesel to, ma me awikꞌ ta ana ni ma me apatbe yoꞌtan.