Hechos 14:3 - Nuevo Testamento Tzeltal de Amatenango

³ Pero te apostoletike bayal kꞌaal a jalajik teꞌa. Jaꞌ yip yoꞌtanik te Kajwaltike, jicha juꞌ yuꞌunik yalel te tutꞌil ayotik ta kꞌuxutayel yuꞌun te Kajwaltike. Jaꞌ a yakꞌ ta ilel te tut batsꞌi jich te tut ya yalike yuꞌun te Kajwaltike la yaꞌbe spoderik ta spasel señaetik y sok milagroetik.

Bible in Tzeltal Bachajón

³ Pero bayel c'ahc'al halajic tey a te Pablo soc Bernabé, soc yip yo'tanic c'opojic ta scuenta te Cajwaltic, te ha la ya'be yip te bin ay ta halel sc'oblal te yutsil yo'tan, ta scuenta spasel jchahp a'teliletic soc señahiletic ta scuentahic.

Bible in Tzeltal de Oxchuc y Tenejapa

³ Ja'uc me to, ay bayal c'aal jalajic tey a. Ay yip yo'tanic yu'un te Cajwaltique, jich ju' yu'unic yalel te bit'il ayotic ta c'uxtayel ta jpisiltic yu'un te Cajwaltique. Ja' la yac' ta ilel te bit'il melel te bila la yalic ta swenta bit'il la yac'bey yu'elic ta spasel te jchajp at'eliletique soc te señailetique.

Hechos 14:3 ပူးပေါင်းရင်းမြစ်များ

San Marcos 16:20

Te jnopojeletike lokꞌik bael ta yalel te lek yachꞌil kꞌope ta bayuk nax. Jaꞌ koltalanot ta aꞌtel yuꞌun te Kajwaltike. Sok te tut la yalike ay bayal spuersa ta skuenta te señailetik te chiknaj ta skuentaike. Jichuk.

San Juan 4:48

Te Jesuse la sjakꞌbe: —Te jaꞌexe ma xꞌachꞌuunuk te jichuk makꞌ ya awilik te señaetik sok te milagroetike —xyut.

Hechos 13:46

Jich te jPablo sok te jBernabee lijk yalbeyik ta jamal: —Te puersa nail ya kalbetikex te skꞌop Dios jaꞌex te juriyoexe. Pero te jaꞌexe ya apꞌajik, ma xꞌakꞌanik te ya awichꞌik akuxlejalik sbajtel kꞌinale. Te ora to ya sujtotik bael te ba ay te machꞌatik ma juriyouke.

Hechos 2:22

“Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

Hechos 20:24

Pero makꞌ yakꞌ yajtal koꞌtan yuꞌun. Ma kocheluk te tutꞌ ay te jkuxlejale. Jaꞌ nax tulan skꞌoplal ta koꞌtan te ben jun koꞌtan ya jlokꞌes te jayeb kꞌaal ay ta jkuentae, jaꞌ to te ya xkꞌot koraile. Sok te ya juꞌutes kaꞌtel te yakꞌojbon te Kajwaltik Jesuse te jamal ya kal te tutꞌil ay te lekil achꞌ kꞌop yuꞌun te slekil yoꞌtan te Diose.

Hechos 20:32

“Te ora to, kermanotak, ya kakꞌex ta kanantayel yuꞌun te Diose sok yuꞌun te skꞌop te kꞌuxutaybilotik yuꞌune. Ay spoder stukel te ya yakꞌ xchꞌiex ta skuenta Espíritu sok ya me yaꞌbeyex spisil te tut yaloj ta stojol te jtejklum tꞌujbil yuꞌune.

Hechos 4:31

Te kꞌalal laj yoꞌtanik ta skꞌoponel te Diose, nijkꞌ te luwar ba stsoboj sbaike. Y spisil a noj ta yoꞌtanik te Chꞌul Espiritue, y jamal a lijk yalik te skꞌop Diose.

Hechos 5:32

Joꞌotik testigootik yuꞌun tsꞌin to, y jich euk te Chꞌul Espiritue te Dios a akꞌtalanbot yuꞌun te machꞌatik ya xchꞌuunike —xchi te Pedroe.

Romanos 1:16

Makꞌ xkꞌexawon yuꞌun te lek achꞌ kꞌope. Porke jaꞌ spoder Dios yuꞌun ya staik te kolele spisil te machꞌatik ya xchꞌuune. Jaꞌ nail te juriyoetike, y sok te machꞌatik ma juriyouke.

1 Tesalonicenses 2:2

Anaꞌojikix te nail to la jtatik utel y ilbajinel ta jtejklum Filipose. Pero Dios a skoltayotik ta yalel te ba ayex te skꞌoplal te kolel ta spisil jpuersa, aunke la kichꞌtik bayal kontrainel yuꞌun.

Hebreos 2:4

Sok jaꞌ snujpꞌ kꞌot te skꞌopik te señailetik te ben tsaꞌam y bayal milagroetik te Dios a yakꞌ ta pasel. Sok ta skuenta te Chꞌul Espiritue te la yaꞌbotik jmajtꞌantik ta skajal skaje, chikan te tutꞌil ya skꞌan yoꞌtane.