Hechos 13:6 - Nuevo Testamento Tzeltal de Amatenango

⁶ La yokliyik spisil te slum Chipre te joybil ta mare, asta laj kꞌot ta jtejklum Pafos. Teꞌ staik jtul jꞌakꞌ-chamel te jBarJesus xꞌalbote, te jaꞌ jloꞌlawanej te ya yal te jꞌalwanej yuꞌun Dios ta skꞌope.

Bible in Tzeltal Bachajón

⁶ La sbehentayic spisil sq'uinal Chipre ha to c'alal c'ohtic ta Pafos, tey la stahic jtuhl judío-winic a, Barjesús sbihil, ha jlotil jalwanej soc jna'ojel,

Bible in Tzeltal de Oxchuc y Tenejapa

⁶ La yoclinic spisil te sq'uinal Chipre te joytaybil ta mare. Jich c'otic ta lum Pafos te banti la staic jtul mago te Barjesús sbiile. Judio-winic stuquel soc lotil j'alwanej.

Hechos 13:6 ပူးပေါင်းရင်းမြစ်များ

San Mateo 16:17

La yal te Jesuse: —Ben me tsaꞌam alekil jaꞌat Simon te xnichꞌanat te Jonase. Porke ni jtuluk winik te la yaꞌbeyat anaꞌbe sluwar. Jaꞌ a yaꞌbeyat anaꞌ sluwar te jTat te ay ta chꞌulchane.

San Mateo 24:24

Ay me ya xtal lotil Cristoetik sok lotil jꞌalwanejetik. Ya me yakꞌ ta ilel mukꞌ señaetik sok milagroetik. Ya me sloꞌlayik euk te machꞌatik tꞌujbilik yuꞌun Dios te yauk xjuꞌ yuꞌunike.

San Mateo 7:15

“Ila me abaik yuꞌun te machꞌatik lotil jꞌalwanejetike. Skuyoj sbaik ta karneraetik yilel, pero pajal yoꞌtanik sok te weꞌawal teꞌtikil tsꞌiꞌ.

San Marcos 10:46

Kꞌotik ta jtejklum Jerico. Te kalal lokꞌ bael ta jtejklum te Jesuse, sjoyinej te jnopojeletik yuꞌune sok te bayal genteetike. Ay jtul chok winik, Bartimeo sbiil xnichꞌan Timeo, nakal ta tiꞌ be.

Hechos 13:13

Te jPablo sok te sjoꞌtak ochik bael ta barko ta jtejklum Pafos y bajtik ta jtejklum Perge ta estado yuꞌun Panfilia. Pero teꞌ chꞌojtalanot jil yuꞌun a te Juane, sujt bael ta Jerusalen stukel.

Hechos 13:8

Pero te jꞌakꞌchamele, te jꞌElimas sbiil ta griego-kꞌope, la skontrain te jBernabe sok te Sauloe. La xchebal-kꞌoptay te gobiernoe te manchuk ya xchꞌuune.

2 Corintios 11:13

Porke najka palso apostoletik ske me to y jloꞌlawanejetik yuꞌun skuyoj sbaik te jaꞌ apostoletik yuꞌun te Cristoe.

2 Timoteo 3:8

Y jich tutꞌil te Janes y Jambres te la spaj sba sok te jMoisese, jich ekꞌa te genteetik abi skontrainejik te tut batsꞌi jiche. Jaꞌ te winketik te ma tsaꞌamuk spensarike te ma snaꞌik tutꞌil ay ta chꞌuunel te Diose.

1 Juan 4:1

Kermanotak te kꞌuxex ta koꞌtane, ma me achꞌuunik ta spisil te machꞌatik ya yalik te yikꞌojik te Espíritu yuꞌun te Diose. Aꞌiya awaꞌiyik nailuk teme jaꞌ te Espíritu yuꞌun Dios te ay ta stojolike o ma jaꞌuk. Porke nojel te balmilale te jloꞌlawanejetik te ya yalik te jaꞌ ta skuenta Dios te tut ya yalike.

Apocalipsis 19:20

Te chanbalam te xiꞌbentik sbae la yichꞌ tsakel, jun nax sok te palso alwanejetik te la yakꞌik ta ilel seña milagroetik ta stojole. Ta skuenta te señailetik abi, te palso jꞌalwanejetik juꞌ yuꞌun sloꞌlayel te machꞌatik la skꞌan a yichꞌbeyik te smarka te chanbalam te xiꞌbentik sbae y te la yichꞌbeyik ta mukꞌ te slokꞌole. Jich te chanbalam te xiꞌbentik sbae y sok te palso alwanejetike kuxul a chꞌojtalanot ochel ta kꞌajkꞌ te yipal ta tilel sok asufree.