Hechos 13:52 - Nuevo Testamento Tzeltal de Amatenango

⁵² Pero te hermanoetike ben jun yoꞌtanik yuꞌun te xchꞌuunejikixe, y nojel ta yoꞌtanik te Chꞌul Espiritue.

Bible in Tzeltal Bachajón

⁵² Te jnopojeletic mero tse'el yo'tanic soc nojel ta yo'tanic te Ch'ul Espíritu.

Bible in Tzeltal de Oxchuc y Tenejapa

⁵² Yan te jnopojeletique, bayal sbujts' yo'tanic yu'un te xch'uunejiquixe soc nojel ta yo'tanic te Ch'ul Espiritue.

Hechos 13:52 ပူးပေါင်းရင်းမြစ်များ

San Mateo 5:12

Junuk me awoꞌtanik, kontentoukex me, yuꞌun ya me awichꞌ amajtanik ta chꞌulchan. Jich me a kꞌax swokolik te jꞌalwanejetik yuꞌun Dios te nail a kꞌax ta balmilal awuꞌunike.

Hechos 11:29

Jich te hermanoetik te ayik ta Antioquiae la snopik te ya stikonbeyik koltayel te hermanoetik te ayik ta slum Judea, chikan te tutꞌil ya xjuꞌ yuꞌunik yakꞌel ta juju-tule.

Hechos 2:4

Ta spisilik a noj ta yoꞌtanik te Chꞌul Espiritue, y lijk kꞌopojikuk ta yanetik kꞌop chikan te tutꞌil a akꞌot kꞌopojuk yuꞌun te Espiritue.

Hechos 2:46

Jujun kꞌaal ya stsobilan sbaik ta templo y la sjoyin sbaik ta weꞌel ta skuenta Dios te ba snaike. Ben jun yoꞌtanik a weꞌik, y ben kontentoik.

Hechos 4:31

Te kꞌalal laj yoꞌtanik ta skꞌoponel te Diose, nijkꞌ te luwar ba stsoboj sbaike. Y spisil a noj ta yoꞌtanik te Chꞌul Espiritue, y jamal a lijk yalik te skꞌop Diose.

Hechos 5:41

Te apostoletike lokꞌik bael te ba stsoboj sbaik te machꞌaik ay yaꞌtele. Ben kontentoik yuꞌun, porke Dios jich a skꞌan te kꞌax swokolik ta ilbajinel ta skaj te Jesuse.

Romanos 14:17

Porke te tut ay ta ajwalinel te Diose ma ta skuentauk weꞌel o uchꞌajel. Jaꞌ nax teme toj ya xkuxuyinotike sok teme jun koꞌtantike y sok te bujtsꞌan kꞌinal ta skuenta nax te Chꞌul Espiritue.

Romanos 15:13

Te Diose jaꞌ te ya yakꞌ spuersa koꞌtantike, aꞌ yaꞌbeyex bayal sbujts awoꞌtanik y sok junuk awoꞌtanik te ay xchꞌuunel awoꞌtanik ta stojole. Y ya me yaꞌbeyex xan bayal spuersa awoꞌtanik ta spoder te Chꞌul Espiritue.

Romanos 5:3

Y ma jaꞌuk nax to. Jun koꞌtantik yuꞌun euk te ayotik ta wokole, porke jnaꞌojtik te wokole mas ya yaꞌbotik spuersa koꞌtantik a.

2 Corintios 8:2

Aunke lom bayal swokolik yuꞌun ilel yoꞌtanik, pero kaꞌxikix a ben junix yoꞌtanik. Y manchuk me ben meꞌbaꞌik. Pero bayal a stsobik te koltayele, jich kꞌoem te lom jkꞌulejike.

Gálatas 5:22

Yan te tut ya yakꞌ te Espiritue jaꞌ te skꞌuxul koꞌtantike y sok ay goso ta koꞌtantik, sok bujtsꞌan kꞌinal, sok spisil ya stsꞌijk kuꞌuntik. Sok lek ya kil jbajtik, y ay slekil koꞌtantik, sok jun koꞌtantik,

1 Tesalonicenses 1:6

Te jaꞌexe jaꞌ la anopik te tutꞌil ayotike y sok te tutꞌil ay te Kajwaltike. Y la awichꞌik ta jkuenta te skꞌop Diose sok te sbujtsꞌ awoꞌtanik te la yaꞌbeyex te Chꞌul Espiritue, aunke la ataik bayal awokolik ta ilbajinel yuꞌun.

Santiago 1:2

Kermanotak, te jaꞌexe ya skꞌan te ben jun awoꞌtanik te kꞌalal ya xtal te skajal skaj prewaetik ta atojolike.

1 Pedro 4:13

Junuk me awoꞌtanik teme pajal ay awokolik te tutꞌil a kꞌax swokol te Cristoe. Yuꞌun jich me ya ata bayal sbujtsꞌ awoꞌtanik a te kꞌalal ya xchiknaj tal te slekilale.