Hechos 13:3 - Nuevo Testamento Tzeltal de Amatenango

³ Jich ta patil, kꞌalal laj yoꞌtanik ta skꞌoponel Dios sok ta skomel sweꞌelik, la skajanbe skꞌabik y la stikonik bael.

Bible in Tzeltal Bachajón

³ Hich, te c'alal laj scombel swe'elic soc sc'opombelic Dios yu'un, la scajambe sc'abic ta sjolic soc la sticonic bahel.

Bible in Tzeltal de Oxchuc y Tenejapa

³ Jich la spasic ayuno ta sc'oponel te Diose. La scajanbey sc'abic ta sjolic soc la sticunic bael.

Hechos 13:3 ပူးပေါင်းရင်းမြစ်များ

San Lucas 2:37

Ayix 84 jaꞌbil yaꞌbilal a te jil ta biudae. Sil tiempo ay ta templo. Kꞌajkꞌal ajkꞌubal ay ta abatinel yuꞌun te Kajwaltike y ya skomilan sweꞌel ta skꞌoponel te Diose.

Hechos 1:24

Jich a skꞌoponik Dios yuꞌun: —Kajwal, te jaꞌate awilojlanojbe yoꞌtanik spisil te genteetike. Aꞌbotik kiltik machꞌa a te ta xchebalik te atꞌujoje,

Hechos 13:2

Ay jun kꞌaal te stsoboj sbaik ta kulto yuꞌun te Kajwaltike y skomoj sweꞌelik a, te Chꞌul Espiritue altalanbot yuꞌun: —Pitbikon te jBernabee sok te Sauloe yuꞌun tsabilix kuꞌun te ya spas te aꞌtele —xꞌutalanot.

Hechos 13:4

Te jBernabe sok te Sauloe tikonlanot bael yuꞌun te Chꞌul Espiritue. Jicha laj bajt ta jtejklum Selucia. Teꞌ moik bael ta barko a, bajtik ta slum Chipre.

Hechos 14:23

Sok la sleik jilel ansianoetik te ba ay juju-tijkꞌ te hermanoetike. La skꞌoponik Dios y la skom sweꞌelik, sok la yakꞌik jilel te skꞌab te Kajwaltik te jaꞌ xchꞌuunejike.

Hechos 14:26

Teꞌ moik bael ta barko a, laj bajt ta Antioquia, te mukꞌul jtejklum te ba kꞌanbot bendision te yauk sjoyin bael ta beel te Diose te aꞌtel te ya xba spasike, ja te juꞌix ta pasel yuꞌunike.

Hechos 15:40

Yan te jPabloe jaꞌ a stꞌuj te ya sjoyin bael te Silase. Jich te hermanoetike la skꞌanbeyik bendision te ya sjoyinik bael te Kajwaltike. Jicha laj bajtik.

Hechos 6:6

Te nax a la yikꞌik bael te ba ay te apostoletike, la skꞌoponbeyik Dios y la skajanbe skꞌabik ta sjolik.

Hechos 9:17

Te jꞌAnaniase jicha bajt te ba na ba ay te Sauloe. Och bael kꞌo skajanbe skꞌab ta sjol y la yalbe: —Hermano Saulo, te Kajwaltik Jesus te la yakꞌ sba ta ilel ta atojol te ayat tal ta be ae, jaꞌ a stikonon tal yuꞌun jich me ya xjam a te asite y yame xnoj jil ta awoꞌtan te Chꞌul Espiritue —xchi.

Romanos 10:15

¿Y machꞌa kꞌan ba yal te skꞌop Diose, teme maꞌyuk machꞌa tikonbile? Jich tut ya yal te Sjun Diose: “Ben tsaꞌam a julik tal te machꞌa yichꞌoj tal te lek achꞌ kꞌope”, xchi me.

1 Timoteo 4:14

Ayuk me skꞌoplal awuꞌun te majtaniletik te Dios a yaꞌbeyate, te kꞌalal kꞌopoj ta atojol te jꞌalwanejetik yuꞌun Dios sok te kꞌalal la skajan skꞌabik ta ajol te ansianoetik yuꞌun te hermanoetike.

1 Timoteo 5:22

Ma me ayuk machꞌa ya awaꞌbe yaꞌtel ta ora nax teme ma to la yichꞌ nopel ta leke. Yuꞌun jich me makꞌ ya amulinbe smul ekꞌa te yane. Ila me aba yuꞌun spisil te tut ma lekuke.

2 Timoteo 1:6

Jaꞌ yuꞌun ya kalbeyat te junuk awoꞌtan ta stuuntesel te amajtan yuꞌun te Diose, jaꞌ te Dios a yaꞌbeyat te kꞌalal la jkajanbeyat jkꞌab ta ajole.

2 Timoteo 2:2

Te tut kalojbeyat awaꞌiy ta sit te bayal testigoetike, jaꞌ me xꞌawaꞌbe snop te winketik te ay spuersa yoꞌtanik sok te ay spꞌijilik yuꞌun ta snojpesel ekꞌa te yanetike.

3 Juan 1:6

Jaꞌ a yalikix ta stojol te jtijkꞌ hermanoetik te tutꞌil la akꞌuxutaye. Awokoluk, koltaylana me te tut puersa yuꞌun te sigue ya xbeenik baele, jich tutꞌil lek ya yil te Diose.

3 Juan 1:8

Jaꞌ yuꞌun te joꞌotike ya skꞌan ya jkuentaintik skoltayel, yuꞌun ya jkoltatik ta yalel te tut batsꞌi jiche.