Hechos 13:2 - Nuevo Testamento Tzeltal de Amatenango

² Ay jun kꞌaal te stsoboj sbaik ta kulto yuꞌun te Kajwaltike y skomoj sweꞌelik a, te Chꞌul Espiritue altalanbot yuꞌun: —Pitbikon te jBernabee sok te Sauloe yuꞌun tsabilix kuꞌun te ya spas te aꞌtele —xꞌutalanot.

Bible in Tzeltal Bachajón

² Te c'alal ayic ta yich'el ta muc' Cajwaltic soc scomoj swe'elic a, hich halbotic yu'un te Ch'ul Espíritu: A'bonic ta jcuenta te Bernabé soc Saulo yu'un spasel te a'tel te ha tsahbilic cu'un ta spasel, xchi.

Bible in Tzeltal de Oxchuc y Tenejapa

² Jun c'aal, c'alal la stsob sbaic ta yalel wocol ta stojol te Cajwaltique soc spasojic ayuno a, jich albotic yu'un te Ch'ul Espiritue: —Ac'bonic ta jwenta te Bernabé soc te Saulo te tsabiliquix cu'un ta spasel te at'ele —utotic yu'un.

Hechos 13:2 ပူးပေါင်းရင်းမြစ်များ

San Mateo 17:21

Pero ma xjuꞌ ta lokꞌesel pukujetik tem pajal sok tutꞌil to jaꞌ to teme ya akom aweꞌelik ta skꞌoponel Dios yuꞌune —xchi te Jesuse.

San Mateo 6:16

“Te tut ora ya akom aweꞌelike, ma me xꞌawakꞌ chiknajuk te triste ay te asite, jich tutꞌil ya spasik te machꞌa chaꞌlam yoꞌtanike. Jich ya yakꞌik ta ilel ta stojol genteetik te triste ay sitik yuꞌun skꞌomoj sweꞌelike. Jamal ya kalbeyex, jip me smajtan la staik abi.

San Mateo 9:38

Jaꞌ yuꞌun kꞌanbeyaik te yajwal kꞌajoje aꞌ stikon ta aꞌtel te jkꞌajojetike —xchi te Jesuse.

San Lucas 10:1

Ta patil te Kajwaltike la stuj xan setenta ta jtul winketik. Ta cheb cheb a stikonlan bael ta spisil te jtejklum te ba luwaretik te ba puersa ya xkax ae.

San Lucas 2:37

Ayix 84 jaꞌbil yaꞌbilal a te jil ta biudae. Sil tiempo ay ta templo. Kꞌajkꞌal ajkꞌubal ay ta abatinel yuꞌun te Kajwaltike y ya skomilan sweꞌel ta skꞌoponel te Diose.

Hechos 10:19

Te jPedroe yipal to ta snopel a te tut xyal te tuti aꞌbot yile, te albot yuꞌun te Chꞌul Espiritue: —Ila awil, oxtul winketik ya sleat.

Hechos 10:30

Te jCornelioe la sjakꞌ: —Ayix ta chanebal kꞌaal jich wan ora to, liꞌiyon a ba jnae, jkomoj jweꞌel y yipalon ta skꞌoponel Dios a las tres mal kꞌaal a, kꞌalal la kil a chiknaj jtul winik te xlemet nax skꞌuꞌ-spakꞌe.

Hechos 13:3

Jich ta patil, kꞌalal laj yoꞌtanik ta skꞌoponel Dios sok ta skomel sweꞌelik, la skajanbe skꞌabik y la stikonik bael.

Hechos 13:4

Te jBernabe sok te Sauloe tikonlanot bael yuꞌun te Chꞌul Espiritue. Jicha laj bajt ta jtejklum Selucia. Teꞌ moik bael ta barko a, bajtik ta slum Chipre.

Hechos 14:26

Teꞌ moik bael ta barko a, laj bajt ta Antioquia, te mukꞌul jtejklum te ba kꞌanbot bendision te yauk sjoyin bael ta beel te Diose te aꞌtel te ya xba spasike, ja te juꞌix ta pasel yuꞌunike.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

Hechos 22:21

Pero te Kajwaltike la yalbon: “Baan me, porke joꞌon ya jtikonat bael ta jakal ta yanetik nasion”, la yuton —xchi te jPabloe.

Hechos 4:36

Jich tutꞌil te jtul levita winik te Jose sbiil, te ay slumal ta Chipre te joybil ta mare, jaꞌ te machꞌa aꞌbot sbiilin Bernabe yuꞌun te apostoletike (ja te “ya sjunutesbotik koꞌtantik” xchi kꞌoem te sbiile).

Hechos 6:4

Yan te joꞌotike sigue me ya jkꞌopontik Dios y ta yalel te skꞌop Diose —xchiik.

Hechos 8:29

Te Felipee albot yuꞌun te Chꞌul Espiritue: —Tijilajan bael te ba karretae y joyina bael —xchi.

Hechos 9:15

Pero te Kajwaltike la yalbe: —Baan, porke jtsaojix tal te winik me to. Yuꞌun ya me yalbon jkꞌoplal ta stojol te genteetik ta yanetik nasione, y sok euk te reyetik yuꞌune, y sok te israeletike.

Romanos 1:1

Joꞌon jPabloon, te yaj-aꞌtelon te Jesucristoe, ya jtsꞌibabeyex te karta to. Dios la yikꞌon sok spitojon te apostol ya xkꞌoon yuꞌune, yuꞌun ya kalbe skꞌoplal te kolele.

Romanos 10:15

¿Y machꞌa kꞌan ba yal te skꞌop Diose, teme maꞌyuk machꞌa tikonbile? Jich tut ya yal te Sjun Diose: “Ben tsaꞌam a julik tal te machꞌa yichꞌoj tal te lek achꞌ kꞌope”, xchi me.

Romanos 15:16

Jaꞌ kaꞌtel te ya xtuunon yuꞌun te Jesucristoe yuꞌun slekil a te machꞌatik ma juriyouke. Jich yabatinejon ta yalel skꞌoplal te kolel ya sjapbotik te Diose, yuꞌun jich me ya kikꞌ tal ochel ta stojol Dios te machꞌatik ma juriyouke. Jaꞌ smajtan Dios te ben tsaꞌam ya yil te lekutesbilix yuꞌun te Chꞌul Espiritue.

1 Corintios 12:11

Pero ta spisil te jich ay ta pasele, jtul nax Espíritu ya yaꞌbe ta juju-tul te tut la skꞌan yoꞌtan stukele.

1 Corintios 7:5

Jaꞌ yuꞌun ma me talel-baeluk te maꞌ ba ya akꞌopon abaike. Jaꞌ nax teme ya achap akꞌopik te makꞌ ata abaik ipal kꞌaal, yuꞌun te ya akꞌoponik Diose. Ta patil ya xjuꞌ ya sujt ata abaik. Yuꞌun ma me teyuk ya sloꞌlayelex yuꞌun a te pukuje te ya yaꞌbelex ale amul yuꞌune.

2 Corintios 11:27

Sok lubel ta aꞌtel, y bayal buelta maꞌ wayon. Beno kꞌax jwokol ta wiꞌnal y takin-tiꞌil. Bayal buelta la jkom jweꞌel. Kꞌax jwokol yuꞌun sik yuꞌun maꞌyuk lek jkꞌuꞌ-jpakꞌ.

2 Corintios 6:5

sok te aresial, o prexo, o skontrainelotik, o ta tulan aꞌtel, sok ma wayotik, o ma weꞌotik.

Gálatas 1:15

Pero Dios a stꞌujon ta nail to te ma to xꞌayinon ae, y ta skuenta skꞌuxul yoꞌtan te la yikꞌone.

Efesios 3:7

Jaꞌ jmajtan yuꞌun Dios te jich ayon te aꞌtel ta yalel skꞌoplal te kꞌop to ta skuenta spoder te Diose.

Colosenses 4:17

Albeyaik te Arquipoe te a me sjuꞌutes ta lek te yaꞌtel te jich aꞌbil yuꞌun te Kajwaltike.

1 Timoteo 2:7

Jich yuꞌun joꞌon aꞌbilon kaꞌtel ta apostolil ta yalel te tutꞌil aye, y la yaꞌbelon kaꞌtel te ya jnopes te machꞌatik ma juriyouke tutꞌ ay ta chꞌuunel sok te tut batsꞌi jiche. Te tut ya kale batsꞌi jich, ma jlotuk.

2 Timoteo 1:11

Dios a yaꞌbon kaꞌtel ta yalel te skꞌoplal te lek achꞌ kꞌope, y la stikonon ta spukbeyel skꞌoplal y sok ta spꞌijutesel te machꞌatik ma juriyouke.

2 Timoteo 2:2

Te tut kalojbeyat awaꞌiy ta sit te bayal testigoetike, jaꞌ me xꞌawaꞌbe snop te winketik te ay spuersa yoꞌtanik sok te ay spꞌijilik yuꞌun ta snojpesel ekꞌa te yanetike.

2 Timoteo 4:11

Jaꞌ xanix te jLucas te liꞌ sjoyinejone. Lea tal te jMarcose sok ikꞌa tal, porke ya xjuꞌ ya skoltayon yuꞌun te aꞌtele.

2 Timoteo 4:5

Pero te jaꞌate, pꞌij me xꞌanat sil tiempo. Kujchuk me awuꞌun te wokoletike. Aꞌtelina me yalel te skꞌoplal kolele. Juꞌutesa me lek te awꞌatele.

Hebreos 5:4

Ni jtuluk ya xjuꞌ te stukel ya yakꞌ sba ta statal saserdotee, sino ke jaꞌ te Dios te machꞌa ya yikꞌ y te ya yakꞌ ta aꞌtele, jich tutꞌil tꞌujot te jꞌAarone.