Hechos 13:16 - Nuevo Testamento Tzeltal de Amatenango

¹⁶ Jich te jPabloe la stejkꞌan sba jajchel, la xbech-kꞌabtay te yauk xkomik ta kꞌope, y la yal: —Jaꞌex israeletik y sok jaꞌex jyanlumetik te axiꞌojik te Diose, aꞌibeyaik awaꞌi sluwar te tut ya kalbeyexe:

Bible in Tzeltal Bachajón

¹⁶ Hich tehc'aj hahchel te Pablo, la ya'be yil seña ta sc'ab yu'un ya xch'abic, hich la yal: Winiquetic yu'un Israel soc te mach'atic yich'ojic ta muc' te Diose, a'iya me awa'iyic:

Bible in Tzeltal de Oxchuc y Tenejapa

¹⁶ Jich tejc'aj jajch'el te Pabloe. La yac'bey yil seña ta sc'ab te ya slaman sba te mach'atic stsoboj sbaique, jajch' sc'opon: —Israel-winiquetic soc ja'ex te awich'ojic ta muc' te Diose, aiya awaiyic stojol:

Hechos 13:16 ပူးပေါင်းရင်းမြစ်များ

San Mateo 11:15

Te machꞌa ay xchikine, aꞌ me yaꞌibeyik sluwaril ta lek.

San Lucas 1:22

Kꞌalal lokꞌ tal tsꞌin te Zacariase, ma lokꞌix skꞌop ta skꞌoponel a te jtejklume. Jich a snaꞌbeyik sluwar te yuꞌun ay tuti yil ta yutil te temploe. La xanix xbechulan skꞌab ta seña ya yil te jtejklume, jich a spasulan yuꞌun ma xlokꞌix skꞌop a.

San Lucas 1:50

Ya me skꞌuxutay spisil ta jkaj te genteetik teme ya xꞌakꞌot ta jkuenta yuꞌune.

San Lucas 23:40

Pero te jtul xane la skom te sjoye, sok la yalbe: —¿Meꞌn makꞌ xiꞌat yuꞌun te Diose te tutꞌil pajal ayat ta kastigo sok te Jesuse?

Hechos 10:2

Ben jun yoꞌtan xchꞌuunej te Diose sok spisil te machꞌa ay yuꞌun ta snae. Sok bayal ya skꞌeben stakꞌin ta skoltayel te juriyoetike, y sil tiempo ya skꞌopon te Diose.

Hechos 10:35

Ta bayal nasionil lek ya yil te machꞌa ya xchꞌuunot yuꞌune sok te machꞌa lek te tut ya spase.

Hechos 12:17

Pero te jPedroe la yaꞌbe seña ta skꞌab te yauk xchꞌenlinike, y la yaltalanbe te tutꞌil a lokꞌesot tal ta prexo yuꞌun te Kajwaltike. Sok la yalbe xan: —Albeyaik te Jacobo y sok te hermanoetike te tuti kꞌot ta pasele —xchi. Te nax a lokꞌ bael y bajt ta yan luwar.

Hechos 13:26

“Kermanotak, te stsꞌumbalex euk te jꞌAbrahame, y jaꞌex te jyanlumexe te axiꞌojik te Diose, jaꞌex awuꞌunik te skꞌoplal kolel to.

Hechos 13:46

Jich te jPablo sok te jBernabee lijk yalbeyik ta jamal: —Te puersa nail ya kalbetikex te skꞌop Dios jaꞌex te juriyoexe. Pero te jaꞌexe ya apꞌajik, ma xꞌakꞌanik te ya awichꞌik akuxlejalik sbajtel kꞌinale. Te ora to ya sujtotik bael te ba ay te machꞌatik ma juriyouke.

Hechos 19:33

Pero te juriyoetike la swetꞌik ochel ta kꞌop te jꞌAlejandroe, yuꞌun ya yalbe sluwar tut yuꞌun te kꞌope. Te jꞌAlejandroe la xbech-kꞌabtay te gentee te yauk xkomik ta kꞌope, yuꞌun ya yalbe ta lekil kꞌop ta sit te jtejklume.

Hechos 2:14

Jich te jPedroe la stejkꞌan sba jajchel sok te bulucheb apostoletike y tulan a lijk yal: —Jaꞌex juriyoetik, y apisilik euk te ayex ta Jerusalene, aꞌibeya awaꞌiyik sluwaril te tut ya kalbeyexe, y kꞌotuk me ta awoꞌtanik tutꞌil ay.

Hechos 2:22

“Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

Hechos 21:40

Te statal soltaroe la yaꞌbe permiso, y te jPabloe la stejkꞌan sba te ba kajomtik moibale. La xbech-kꞌabtay ta skomel te gentee. Te kꞌalal chꞌabajik ta kꞌope, la skꞌoponlan ta hebreo-kꞌop. Jich a yal:

Hechos 22:22

La yaꞌiyik te jich a yal te jPabloe. Jicha lijkik ta yawutayel: —¡Te winik to makꞌ skꞌan xkuxuyin! ¡Aꞌ chꞌayuk skꞌoplal liꞌ ba balmilale! —xchiik ta yawutayel.

Hechos 3:12

Kꞌalal jich a yil te jPedroe, lijk yaltalanbe: —Jaꞌex israeletik, ¿tuꞌun te toj cham la awaꞌiyike? ¿Tuꞌun te lek ya akꞌelubotik jsitike? ¿Meꞌn ya akuyik te joꞌotik aꞌ jlekutestik te winik to, o ya akuyik te la kakꞌtik benuk ta jpodertike, o jaꞌ ta skuenta te lek jchꞌuunejtik te Diose?

Apocalipsis 2:11

“Te machꞌa ay xchikine a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe makꞌ me yil swokolik xchꞌinuk yuꞌun te xchꞌamelal lajele”, uta me —xchi.

Apocalipsis 2:17

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe ya me kakꞌtalanbe sweꞌ te mana waj te nakꞌal aye. Y ya me kakꞌtalanbe euk te jun sakil ton te teꞌ tsꞌibabil jun achꞌ biilil te maꞌyuk machꞌa ya snaꞌe, jaꞌ nax te machꞌa ya yichꞌe”, uta me —xchi.

Apocalipsis 2:29

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike.

Apocalipsis 2:7

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe, ya me kꞌabe sweꞌ te sit teꞌ yuꞌun te kuxuyinele te teꞌey ba ay te lekilal yuꞌun te Diose”, uta me —xchi.