Hechos 13:11 - Nuevo Testamento Tzeltal de Amatenango

¹¹ Te ora to ya me yaꞌbeyat kastigo te Kajwaltike. Ya me xchokubat jilel. Bayal kꞌaal ma xꞌawil te sakil kꞌinal yuꞌun te kꞌajkꞌale —xyut. Te jꞌElimase ora nax a ijkꞌub kꞌinal a yaꞌi, y la sle te ayuk te machꞌa ya xchechot bael yuꞌune porke chokube nix a.

Bible in Tzeltal Bachajón

¹¹ Yo'tic ya scontrahinat te sc'ab Cajwaltic, ts'o'sit ya xc'ohat, hal c'ahc'al ma ba yac awil c'ahc'al, la yut. Ora tal yihc'al q'uinal ta stojol, xjoyet ta slehel mach'a ya xnitot bahel ta sc'ab yu'un.

Bible in Tzeltal de Oxchuc y Tenejapa

¹¹ Ta ora to ya me yac'bat castigo te Cajwaltique. Ma'sit ya xc'oat soc bayal c'aal ma ba ya awilbey xojobil te c'aale —la yut. Ta ora nax ijc'al ajc'ubal bajt' te q'uinal la yile. Caj sle te mach'a ya xnitot ta sc'ab yu'une.

Hechos 13:11 ပူးပေါင်းရင်းမြစ်များ

San Juan 9:39

Te nax a la yal te Jesuse: —Joꞌon te talemonix liꞌ ba balmilal to yuꞌun jich me ya xchiknaj a te machꞌa leke sok te machꞌa ma lekuke. Yuꞌun jich te machꞌatik chokike ya me yilik kꞌinal; y te machꞌatik ya yilik kꞌinal ta skꞌopike, ya me xlaj sujt ta chok —xchi.

Hechos 9:17

Te jꞌAnaniase jicha bajt te ba na ba ay te Sauloe. Och bael kꞌo skajanbe skꞌab ta sjol y la yalbe: —Hermano Saulo, te Kajwaltik Jesus te la yakꞌ sba ta ilel ta atojol te ayat tal ta be ae, jaꞌ a stikonon tal yuꞌun jich me ya xjam a te asite y yame xnoj jil ta awoꞌtan te Chꞌul Espiritue —xchi.

Romanos 11:25

Kermanotak, ya jkꞌan te ya anaꞌik te tutꞌil ay te kꞌop to te ma akꞌot ta naꞌel ta nail toe, jaꞌ te tut snopoj ta yoꞌtan te Diose, skuenta yuꞌun makꞌ me ya atoy abaik a te tutꞌil ay apꞌijil ta akꞌopike. Te israeletike ay tulanejem yoꞌtanik olil, jaꞌ to teme tsꞌakay ta spisil te jich yipal ya xchꞌuunik Dios te machꞌatik ma stsꞌumbaluk Israele.

Hebreos 10:31

¡Xiꞌeltik sba teme yalotik ta skꞌab te kuxul Diose!

2 Pedro 2:17

Te machꞌatik jich ya spasike, jachik kꞌoemik te tutꞌil slokꞌib jaꞌ te maꞌyuk yaꞌlele. Jachik kꞌoem tutꞌil tokaletik te ya xꞌikꞌayot bael yuꞌun te ikꞌe. Chapal skꞌoplalik te ya xkꞌot te ba mas lom ijkꞌ te kꞌinal ta sbajtel kꞌinale.