Hechos 13:1 - Nuevo Testamento Tzeltal de Amatenango

¹ Te hermanoetik te ayik ta jtejklum Antioquiae ay jꞌalwanejetik sok maestroetik yuꞌun te skꞌop Diose, jaꞌ te jBernabe, sok Simon te jNegro te jun xan sbiile, sok te jLucio te talem ta jtejklum Cirenee, sok jManaen te pajal a chꞌi sok te jHerodes te och ta gobierno ta Galileae, sok te Sauloe.

Bible in Tzeltal Bachajón

¹ Ta iglesia ta Antioquía ay jalwanejetic soc maestrohetic, ha te Bernabé, Simón te a'bot sbihil Níger, Lucio te talem ta Cirene, Manaén te pajal coltesbil soc te ajwalil Herodes, soc te Saulo.

Bible in Tzeltal de Oxchuc y Tenejapa

¹ Te jch'uunjeletic ta lum Antioquia ay j'alwanejetic yu'un Dios soc maestroetic yu'un te sc'op Diose: ja' te Bernabé, soc Simón te Negro yan sbiile, soc Lucio te talem ta lum Cirene, soc Manaén te pajal la yich' ch'ijtesel soc te Herodes te ajwalil yu'un te Galileae, soc te Sauloe.

Hechos 13:1 ပူးပေါင်းရင်းမြစ်များ

San Mateo 27:32

Ya to nax xlokꞌik bael a te ba tiꞌil jtejklume, la staik jtul winik te Simon sbiil te Cirene sbiil te slumale. Sujot yuꞌun te soltaroetike yuꞌun ya xkuchbe bael skrus te Jesuse.

San Lucas 3:1

Ayix kinse jaꞌbil ochem ta mukꞌ rey a te jTiberio Cesare, te Poncio Pilatoe jaꞌ ay ta gobiernoil ta estado Judea a, te jHerodese ay ta gobierno ta estado Galilea a, sok ay ta gobiernoil ta estado Iturea sok ta estado Traconite te Felipe, yitsꞌin te jꞌHerodese. Sok jaꞌ ay ta gobiernoil ta estado Abilinia te Lisaniase.

Hechos 11:30

Jich a spasik, sok la stikonik bael ta stojol te ansianoetik te ayik ta Jerusalen. Jaꞌ a yaꞌbeyik bael te jBernabe sok te Saulo te takꞌine.

Hechos 12:25

Te jBernabee sok te Sauloe, te kꞌalal laj yoꞌtanik ta mantal ta Jerusalene, sujtik bael ta Antioquia. La yikꞌik bael te Juan te jMarcos te jun xan sbiile.

Hechos 13:9

Jich te Saulo, te jPablo xꞌalbote, nojel ta yoꞌtan te Chꞌul Espiritue, la skꞌelube lek sit te jꞌElimase,

Hechos 15:32

Te Judas sok te Silase ay smajtanik yuꞌun yalel skꞌop Dios. Jich a sjunutesbe yoꞌtanik y la yaꞌbe spuersa yoꞌtan te hermanoetik yuꞌun te tutiꞌ yalike.

Hechos 15:35

sok jicha te jPablo sok te jBernabee, teꞌ to jilik euk a. La sjoyin sbaik sok xan bayal te machꞌatik la snojpeslane, y sok la yalbe te skꞌop Kajwaltike.

Hechos 19:6

Y te kꞌalal la skajanbe skꞌab ta sjolik te jPabloe, tal ta stojolik te Chꞌul Espiritue. Y jicha lijk kꞌopojuk ta yanetik kꞌop sok ta yalel skꞌop Dios.

Hechos 21:9

Te Felipee ay chantul soltera aꞌchetik yuꞌun te ya yalik euk te skꞌop Diose.

Hechos 4:36

Jich tutꞌil te jtul levita winik te Jose sbiil, te ay slumal ta Chipre te joybil ta mare, jaꞌ te machꞌa aꞌbot sbiilin Bernabe yuꞌun te apostoletike (ja te “ya sjunutesbotik koꞌtantik” xchi kꞌoem te sbiile).

Hechos 9:1

Te Sauloe ma xlaj yoꞌtan ta yalbeyel skꞌoplal ta milel te hermanoetik ta stojol te Kajwaltike. Jaꞌ yuꞌun ba skꞌopon te statal saserdotee

Romanos 16:21

Ya yalbeyex xkoltanuk te jTimoteoe te joy jba sok ta aꞌtele. Y jich euk te jLucioe te Jasone y sok te Sosipatere te jaꞌ jlumaltake.

1 Corintios 11:4

Teme ay jtul winik teme ya smuk sjol te kꞌalal ya skꞌopon Dios, o te kꞌalal ya yal skꞌop Diose, jaꞌ ya yakꞌ ta kꞌexlal a te jolol yuꞌune.

1 Corintios 13:2

Y manchuk me ya xkꞌopojon ta yalel tut skuenta Dios, o ya jnaꞌ yaꞌiyel te tut mukul aye, o ya jnaꞌ spisil te tutik aye, y manchuk me puersa ay xchꞌuunel koꞌtan yuꞌun ya snik te witstikile, pero teme maꞌyuk xkꞌuxul koꞌtane, jowilon nax me abi.

1 Corintios 13:8

Te xkuxul-oꞌtanile maꞌyuk tut ora ya xlaj stukel. Pero ya me xlaj skꞌoplal stukel te tutꞌil ya xkꞌopojik jꞌalwanejetik, sok te ya xkꞌopojik ta yanetik kꞌop a, sok te ya xkꞌopojik te machꞌatik ya snaꞌik tut ay ta balmilale.

1 Corintios 14:29

Jich euk, teme jaꞌ ya awalik te skꞌop Diose, jaꞌ lek teme ay cheb-oxeb naxe. Y te yanetike a me yaꞌiyik ta lek te tut ya xꞌalote.

1 Corintios 14:32

Te machꞌa ya yal te skꞌop Diose, ya xjuꞌ yuꞌun te ya skom sba ta kꞌop sok te yoꞌtane.

1 Corintios 9:6

¿Me yuꞌun akuyojik te joꞌon nax sok te jBernabe te ma xjuꞌ te ya kichꞌtik makꞌlinel te ba ay ya xkꞌaxotik ta aꞌtele?

Gálatas 2:13

Y te yan xan hermanoetik juriyoetike jich a lijk snopik te tutꞌil ma tsaꞌamuk snopoj te jPedroe. Y asta te jBernabee jich a kꞌan snopbey euk.

Gálatas 2:9

Jaꞌ yuꞌun te Jacobe, te jPedroe sok te Juane, te jaꞌlan yiptajib te hermanoetike, la snaꞌik te Dios a yaꞌbon ta jkuenta te aꞌtel to. Jaꞌ yuꞌun la xchechbotik jkꞌabtik joꞌon sok te jBernabe, jaꞌ seña te joyinej jbajtik ta aꞌtel. Sok la yalik te joꞌotik ya jkuentaintik te aꞌtel te ba ma juriyouke, y te stukelik ya me xba aꞌtejikuk te ba ay te juriyoetike.

Efesios 4:11

Y stukel mismo la yakꞌ te majtaniletik te ay apostoletike y machꞌatik ya yalik te skꞌop Diose, y yan ya yalbe skꞌoplal te kolele y ay yan pastoretik y maestroetik.

Filipenses 4:22

Sok la stikonbeyex spajtil awoꞌtanik ta spisil te machꞌatik jtejklum yuꞌun te Diose. Jaꞌ bayal ya spatbeyex awoꞌtanik te machꞌatik jꞌaꞌteletik yuꞌun te César ta Romae.

1 Tesalonicenses 5:20

Ma me xꞌapꞌajbeyik te skꞌopik te machꞌatik ya yalik te tut ya xꞌalbot yuꞌun te Diose.