Hechos 12:4 - Nuevo Testamento Tzeltal de Amatenango

⁴ Ta patil te tsajkemix ae, te jHerodese la yotses ta prexo te jPedroe. La yakꞌ ta kanantayel yuꞌun chantijk soltaroetik te chanchan tul staoj sbaik te juju-tijkꞌe. Yuꞌun snopoj te jHerodese te ya stejkꞌan ta sitil komon ta patil teme laj te kꞌin Pascuae.

Bible in Tzeltal Bachajón

⁴ Hich la stsac te Pedro, la yotses ta cárcel, la yac' ta sc'ab chanchahp soldadohetic te ayic chantuhl ta jujuchahp yu'un ya scanantayic. Te Herodes ay ta yo'tan te ya yic' loq'uel stehc'ambe ta stojol te pueblo te c'alal ya xc'ax te Q'uin Pascua.

Bible in Tzeltal de Oxchuc y Tenejapa

⁴ Te Herodes la stsac te Pedroe soc la yac' ochel ta chucjibal. La yac' ta canantayel yu'un chantijc' soldadoetic, chantulic te juju-jtijq'ue. Tijq'uiltijc' la sjel sbaic ta scanantayel. Yu'un snopoj te Herodes te ya stejc'an ta comonsitil ta stojol te lume te c'alal lajix a te q'uin Pascuae.

Hechos 12:4 ပူးပေါင်းရင်းမြစ်များ

San Mateo 24:9

“Ya me yakꞌelex ta utel sok ya me yakꞌelex ta milel. Ya me awichꞌik pꞌajel yuꞌun spisil genteetik joꞌon ta jkaj.

San Mateo 26:5

Pero la yalik: —Ma me jaꞌuk ya jtsaktik a ta skꞌaalel te kꞌine, yuꞌun me jich makꞌ xlijk kꞌop yuꞌun a te jtejklume —xchiik.

San Marcos 14:1

Cheb xanix kꞌaal ya skꞌan xlijk a te kꞌin Pascua sok te ya sweꞌik te waj te maꞌyuk levadura yichꞌoje. Te statal-saserdoteetike sok te maestroetik yuꞌun te mantaliletike yipalik ta snopel tutꞌil ya stsakik te Jesuse yuꞌun ya smilik ta ora nax.

San Lucas 21:12

“Pero te kꞌalal ma to xkꞌot ta pasel a te tuti kale, te jaꞌexe ya me yakꞌelex ta kꞌabal y ya me yilbajinex. Ya me yikꞌelex bael ta ichꞌel ta kꞌop ta sinagogaetik. Sok ya me yotseselex ta prexo y ya me yikꞌelex bael ta stojol reyetik sok gobiernoetik ta joꞌon ta jkaj.

San Lucas 22:33

Te Simone la yalbe: —Kajwal, jun koꞌtan ya joyinat bael te ba prexoe y asta ya joyinat ta milel —xchi.

San Juan 19:23

Kꞌalal jokꞌolix ta kruz yuꞌunik te Jesuse, te soltaroetik la stambeyik te skꞌuꞌ-spakꞌe. Chantul yajwal a lokꞌ yuꞌunik a, juju-xejtꞌ te juju-tul soltaroe. Sok la yichꞌbeyik te smam najtꞌil kamixe te ma tsꞌisbiluk te jalbil ta spojkꞌol naxe.

San Juan 21:18

Jamal me ya kalbeyat te kꞌalal bikꞌit winikat to ae, jaꞌat ya alap te akꞌuꞌ-apakꞌe yuꞌun ya xbaat te ba ya akꞌan ya xbaate. Pero te kꞌalal ya xmamalubate, jaꞌ xanix ya awakꞌ te akꞌabe, yan machꞌa ya slapbeyatix a te akꞌuꞌ-apakꞌe y ya yikꞌat bael te ba ma xꞌakꞌan ya xbaate —xyut.

Hechos 12:3

y yuꞌun la yil te ben sniꞌ xyaꞌi te juriyoetike, la yakꞌ ta tsakel euk te jPedroe. Ja akꞌot ta pasel a te skꞌaalel kꞌin te ya sweꞌik waj te ma yichꞌojuk lebadurae.

Hechos 12:5

Jich ay ta prexo te jPedroe, lek kanantaybil. Pero te hermanoetike sigue ya skꞌoponbeyik Dios ta stojol ta spisilik.

Hechos 4:28

Jich a spasik spisil te tut chapal awuꞌun ta primeroe te puersa jich ya xkꞌot ta pasele.

Hechos 4:3

Malix kꞌaal a la stsakik bael y la yotsesik ta prexo, jaꞌ to ta xchebal kꞌaal a.

Hechos 5:18

La stsakik bael te apostoletike y la yotsesik ta prexo te ba jtejklume.

Hechos 8:3

Te Sauloe ma laj yoꞌtan ta yilbajinel te hermanoetike. Ya xꞌoch kꞌael ta nanatik y ya xochtalan lokꞌel te winketik sok te antstike, y spisil ya xba yakꞌtalan ta prexo.