Hechos 12:3 - Nuevo Testamento Tzeltal de Amatenango

³ y yuꞌun la yil te ben sniꞌ xyaꞌi te juriyoetike, la yakꞌ ta tsakel euk te jPedroe. Ja akꞌot ta pasel a te skꞌaalel kꞌin te ya sweꞌik waj te ma yichꞌojuk lebadurae.

Bible in Tzeltal Bachajón

³ C'alal la yil te lec yo'tanic yu'un te judíohetic, la yac' ta tsaquel te Pedro. Ha yorahil Q'uin yu'un Pan te ma ba yich'oj levadura.

Bible in Tzeltal de Oxchuc y Tenejapa

³ C'alal la yil te bin nax yo'tan yu'un te judioetique, la stsac bael ta chuquel uuc te Pedroe. Ja' c'ot ta pasel ta yorail q'uin te ya swe'ic waj te ma'yuc levadura yich'oje.

Hechos 12:3 ပူးပေါင်းရင်းမြစ်များ

San Mateo 26:17

Te primero kꞌaal yuꞌun te kꞌin te ya sweꞌik waj te maꞌyuk yichꞌoj lebadurae, te jnopojeletike tijilajik tal ta stojol te Jesuse y la sjojkꞌobeyik: —¿Ba ya akꞌan te ya xba jchaptik weꞌelil yuꞌun te kꞌin Pascua te ya xba jweꞌtike? —xchiik.

San Juan 12:43

Yuꞌun jaꞌ bayal skꞌoplal ta yoꞌtanik te jaꞌuk lek ya xꞌilot yuꞌun te genteetike, ma jaꞌuk tulan skꞌoplal ta yoꞌtanik teme lek ya xꞌilot yuꞌun te Diose.

San Juan 19:11

Jich te Jesuse la sjakꞌbe: —Maꞌyuk awaꞌtel kuꞌun te manchuk yakꞌojbeyat awaꞌtel te Diose. Jaꞌ yuꞌun te machꞌa la yakꞌon entregale, jaꞌ mas ay smul stukel ke te jaꞌate —xchi.

San Juan 21:18

Jamal me ya kalbeyat te kꞌalal bikꞌit winikat to ae, jaꞌat ya alap te akꞌuꞌ-apakꞌe yuꞌun ya xbaat te ba ya akꞌan ya xbaate. Pero te kꞌalal ya xmamalubate, jaꞌ xanix ya awakꞌ te akꞌabe, yan machꞌa ya slapbeyatix a te akꞌuꞌ-apakꞌe y ya yikꞌat bael te ba ma xꞌakꞌan ya xbaate —xyut.

Hechos 12:4

Ta patil te tsajkemix ae, te jHerodese la yotses ta prexo te jPedroe. La yakꞌ ta kanantayel yuꞌun chantijk soltaroetik te chanchan tul staoj sbaik te juju-tijkꞌe. Yuꞌun snopoj te jHerodese te ya stejkꞌan ta sitil komon ta patil teme laj te kꞌin Pascuae.

Hechos 2:14

Jich te jPedroe la stejkꞌan sba jajchel sok te bulucheb apostoletike y tulan a lijk yal: —Jaꞌex juriyoetik, y apisilik euk te ayex ta Jerusalene, aꞌibeya awaꞌiyik sluwaril te tut ya kalbeyexe, y kꞌotuk me ta awoꞌtanik tutꞌil ay.

Hechos 20:6

Yan te joꞌotike la jmalitik a kꞌax te kꞌin te ya sweꞌik waj te ma yichꞌojuk levadurae. Lokꞌotik bael te ba jtejklum Filipose. Mootik ta barko. Ta yoꞌebal kꞌaal la jta bajtik sok ta jtejklum Troas te machꞌatik nalajemik baele. Teꞌ jalajotik jukeb kꞌaal a.

Hechos 24:27

Cheb jaꞌbil te jicha kꞌax yuꞌune. Te nax a lokꞌ ta gobiernoil te Felixe. Jaꞌ sjelol a jil te Porcio Festoe. Te Felixe jaꞌ ya skꞌan te lek xꞌalbot skꞌoplal yuꞌun te juriyoetike, jich a yakꞌ jilel ta prexo te jPabloe.

Hechos 25:9

Pero te Festoe jaꞌ ya skꞌan te lek skꞌoplal yuꞌun te juriyoetike. Jaꞌ yuꞌun la sjojkꞌobe te jPabloe: —¿Me ya akꞌan xbaat ta Jerusalen yuꞌun teꞌ ya xba jmeltsaanat a te tutiꞌ amulineje? —xchi te Festoe.

Hechos 4:13

Kꞌalal ya yil te jꞌuꞌeletik te makꞌ ya xiꞌ te jPedro sok te Juane, y la snaꞌik te maꞌyuk estudio yuꞌunike sok te maꞌyuk tut ya snaꞌike, lom yan a yaꞌiyik yuꞌun, y la snaꞌik te jaꞌ te la sjoyinik te Jesuse.

Gálatas 1:10

Te joꞌone ma jaꞌuk ya jle te lek jkꞌoplal yuꞌun te winketike, yuꞌun jaꞌ ya jle te lek jkꞌoplal yuꞌun te Diose. Teme jaꞌ ya jkꞌan te lek ayon sok te winketike, ma joꞌukonix a te yaj-aꞌtelon te Cristoe.

1 Tesalonicenses 2:4

Dios lek a yilotik y la yaꞌbotik ta jkuentatik ta yalel te skꞌoplal kolele, jich tutꞌil te ya kaltike. Ma jaꞌuk ya jkꞌantik te lek ya yilotik te gentee; jaꞌ ya jkꞌantik te lek ya yilotik te Diose te jaꞌ ya snaꞌbotik tutꞌil ay te koꞌtantike.