Hechos 10:7 - Nuevo Testamento Tzeltal de Amatenango

⁷ Kꞌalal bajt te chꞌul ángel te yipal ta kꞌop soke, te jCornelioe la yikꞌ tal chaꞌtul te yaj-mantale y sok jtul soltaro te ben jun yoꞌtan xchꞌuunej te Diose sok te ya xchꞌuun mantal sil tiempoe.

Bible in Tzeltal Bachajón

⁷ C'alal baht te ch'ul a'bat te c'oponot yu'un, te Cornelio la yic' tal cheb a'batetic yu'un soc jtuhl soldado te jun yo'tan sch'uhunej Dios;

Bible in Tzeltal de Oxchuc y Tenejapa

⁷ Te c'alal bajt' te ch'ul abat te yac ta c'op soque, la yic' tel cheb te abatetic yu'un soc jtul soldado te spisil ora ya yabatin soc te jun yo'tan xch'uunej te Diose.

Hechos 10:7 ပူးပေါင်းရင်းမြစ်များ

San Mateo 2:13

Te kꞌalal sujtikix bael a te pꞌijil winketike, te Josee la yil ta xwayuch jtul chꞌul ángel yuꞌun te Kajwaltike. Jich a albot yuꞌun: —Jajchan, ikꞌa bael te alale sok te smeꞌe. Anan bael ta Egipto. Teꞌ me xꞌanat a jaꞌto teme la kalbeyat xane, yuꞌun te Herodese ya xba sle yuꞌun ya smil te alale —xchi.

San Lucas 2:25

Ay jtul mamal te ay ta Jerusalen te Simeon sbiile. Toj ta mamalil, sok lek xchꞌuunej te Diose. Jun yoꞌtan yipal ta smaliyel te tut ora ya xkoltayot te jꞌisraeletike. Te Simeone joyimbil yuꞌun te Chꞌul Espiritue.

San Lucas 3:14

Ay a laj tal soltaroetik. Tal sjojkꞌoyik euk: —Jal tsꞌin joꞌotik, ¿tut ya skꞌan jpastik? —xchiik. La sjakꞌtalanbe: —Ma me machꞌa xꞌapojbeyik stutik yuꞌun ta akꞌajkꞌalik. Sok ma me xꞌalebeyik smul te machꞌa maꞌyuk tut spasoje. Teyukex me a te atojolik te ya yaꞌbelexe —xyut.

Hechos 10:6

Jaꞌ smajanejbe sna te jtul xan Simon te jkꞌaꞌutesej-nujkule te ay sna ta tiꞌmare. Stukel me ya yalbeyat te tut ya skꞌan ya apase —xchi te chꞌul ángele.

Hechos 10:8

La yaꞌbiyanbe spisil te tutiꞌ albote, sok la stikonlan bael ta jtejklum Jope.

1 Timoteo 6:2

Teme ay te abatetik te xchꞌuunej Dios te yajwale, ma me xyijkitayik ta yakꞌel ta jkuenta te yajwale yuꞌun te yermano sba ta xchꞌuunel te Diose. Jaꞌ ya skꞌan te kꞌax jich ya yakꞌ sbaik ta mantaltesele. Porke te machꞌa ya xꞌabatinotik yuꞌune, jaꞌ xchꞌuunej Dios sok yermano sbaik te kꞌux ya yaꞌiy sbaike. Jich me xꞌawakꞌ ta nopel, sok jich me xꞌawalbey yaꞌiyik.

Filemón 1:16

Ma me jichukix tutꞌil amoso, yuꞌun kꞌax lek ayix tutꞌil jtul mosoe: jichix tutꞌil awijtsꞌin te ben kꞌux ta awoꞌtane. Te joꞌone ben jkꞌanoj, pero te jaꞌate ya skꞌan te mas ben lek ya akꞌane, ma me jaꞌuk nax jich tutꞌil jtul gente, sino ke jich tutꞌil awijtsꞌin ta skuenta te Kajwaltike.