Hechos 10:41 - Nuevo Testamento Tzeltal de Amatenango

⁴¹ Ma spisiluk a yaꞌbe yil te jtejklume; joꞌotik nax te namey stsaojotik te Diose te jaꞌ testigootik yuꞌune. Te joꞌotike weꞌotik sok y uchꞌaotik sok te kꞌalal chaꞌkuxemix tal a te ba animaetike.

Bible in Tzeltal Bachajón

⁴¹ ma ha'uc yu'un spisil te pueblo, ha nax te testigohetic te nahil tsahbilic yu'un Dios, ho'otcotic te la joquincotic ta we'el ta uch'el te c'alal cha'cuxajemix tal ta yohlil mach'atic chamenic.

Bible in Tzeltal de Oxchuc y Tenejapa

⁴¹ Ma spisiluc te jlumal te ac'bot yilique, jo'on nax soc te jo'taque, te namey tsabilotic yu'un Dios te ja' testigo ya xc'ootic yu'une. La join jbatic soc ta we'el-uch'ajel te c'alal cha'cuxix tel ta bay te animaetique.

Hechos 10:41 ပူးပေါင်းရင်းမြစ်များ

San Lucas 24:30

Te kꞌalal ayikix ta mexa ae la stsak ta skꞌab te waje y la yalbe kola yal Dios yuꞌun. La xetꞌ y la yaꞌbe.

San Lucas 24:48

Te jaꞌexe jaꞌ testigoex yuꞌun te tuti kꞌotix ta pasele.

San Juan 14:17

jaꞌ bi jaꞌ te Espíritu te ya yakꞌ ta naꞌbeyel sluwaril te tut batsꞌi jiche. Te machꞌatik ayik ta skuenta balmilale, ma xjuꞌ ya yikꞌik te Espiritue, porke ma xyilik y ni ma snaꞌbeyik sba. Pero te jaꞌexe ya anaꞌbeyik sba porke sjoyinejex, sok ya me xꞌayin ta awoꞌtanik sil tiempo.

San Juan 14:19

Liꞌ xanix ta jtsꞌine, te machꞌatik ayik ta skuenta balmilale makꞌ me yilbikonix jsit. Pero te jaꞌexe ya to awilikon; y ya xkuxuyinex porke kuxulon.

San Juan 14:22

Te Judas, (te ma jaꞌuk te Iscariotee) la sjojkꞌobe: —Kajwal, ¿Tuꞌun te ya awakꞌ aba ta ilel ta jtojoltike? ¿Tuꞌun ma jaꞌuk ya awakꞌ aba ta ilel yuꞌun te genteetik ta balmilale? —xchi.

San Juan 15:16

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

San Juan 15:27

Y te jaꞌexe jamal me ya awalbikon jkꞌoplal euk, porke ajoyinejikon kꞌalal ta slijkibal to tal —xchi te Jesuse.

San Juan 21:13

Te nax a te Jesuse tijilaj bael te ba kꞌajkꞌe, la stsak ta skꞌab te waje, y la yakꞌtalanbe te jnopojeletike, y jich mismo spas sok te chaye.

Hechos 1:22

jaꞌ to te kꞌalal aꞌbot yichꞌ jaꞌ yuꞌun te Juane asta jaꞌ to te mo bael ta chꞌulchane. Ja yuꞌun puersa ya skꞌan ya yichꞌ tꞌujel jtuluk te machꞌa joy bajtik soke, yuꞌun jun nax me ya kaltik te tutꞌil a chaꞌkux te Jesuse —xchi te jPedroe.

Hechos 1:4

Te kꞌalal sjoyinej to a te apostoletike, te Jesuse la yaltalanbe te ma to xlokꞌik bael te ba Jerusalene. La yaltalanbe: —Maliyaik te tut yaloj te Jtat te tut ya yaꞌbeyexe, jich te tuti kalbeyexe.

Hechos 10:39

Y joꞌotik testigootik yuꞌun spisil te tuti spas te Jesus te ba estado yuꞌun Judeae y sok ta Jerusalen. Ta patil la smilik, la sjojkꞌanik ta krus.

Hechos 13:31

Te Jesuse bayal kꞌaal a yakꞌulan sba ta ilel ta stojol te machꞌatik a joyinot ta beel yuꞌun ta Galileae sok te kꞌalal bajtik ta Jerusalene. Te ora to jaꞌ testigoetik te ya yalbeyik skꞌoplal te Jesus ta stojol te gentee.