Hechos 10:1 - Nuevo Testamento Tzeltal de Amatenango

¹ Ay jtul winik te ay ta jtejklum Cesarea te jCornelio sbiile, te jaꞌ statal yuꞌun sien soltaroetik te Italiano sbiilike.

Bible in Tzeltal Bachajón

¹ Ay jtuhl winic ta Cesarea, Cornelio sbihil, capitán yu'un jtsohb soldadohetic te Italiana sbihil,

Bible in Tzeltal de Oxchuc y Tenejapa

¹ Ay jtul winic ta lum Cesarea te Cornelio sbiil te centurión yu'un jchajp soldadoetic te Italiano sbiile.

Hechos 10:1 ပူးပေါင်းရင်းမြစ်များ

San Mateo 27:27

Jich te soltaroetik yuꞌun te gobiernoe la yikꞌik ochel ta palasio te Jesuse, y la stsob sbaik tal spisil te soltaroetike y la sjoyik.

San Mateo 27:54

Te kapitane sok te soltaroetike te yipalik ta skanantayel te Jesuse la yilik te nijk te balmilale sok spisil te tuti kꞌot ta pasele. Jun xiꞌel a yichꞌik. Jich a yalik: —Jicha nix a te jaꞌ Xnichꞌan Dios te winik to —xchiik yuꞌun.

San Marcos 15:16

Jich tsꞌin te soltaroetike la yikꞌik ochel te Jesus ta yutil yamakꞌul te palasioe, sok la stsobik tal ta stijkꞌil te soltaroetike.

San Lucas 7:2

Ay jtul statal soltaro yuꞌun Roma teꞌa te ay yaj-aꞌtel te ben kꞌux ta yoꞌtane. Ay ta chamel, y ya xchamix.

San Juan 18:12

Te soltaroetike sok te statal yuꞌunike sok te polisiaetik yuꞌun te statal juriyoetik la skomon-chukonik bael te Jesuse.

San Juan 18:3

Jich te Judase tal sok jtijk soltaroetik sok euk te polisiaetik yuꞌun te temploe te tikonlanbil tal yuꞌun te stataletik yuꞌun te saserdoteetike sok te fariseoetike. Chapalik tal sok stujkꞌik sok slampara y xtuchojlan tal skꞌajkꞌik.

Hechos 10:24

Ta yan to xan kꞌaal laj kꞌot te ba jtejklum Cesareae te ba yipal ta maliyel yuꞌun te jCornelioe. Sok spisil te machꞌatik ay yuꞌune y sok te yamigotak te ben skꞌanoj sba soke.

Hechos 21:31

Ya skꞌan smilikix a, te kꞌalal kꞌot kꞌop ta stojol te statal jtijk soltaroetik te tutꞌil lijk bayal kꞌop yuꞌun te mukꞌul jtejklum Jerusalene.

Hechos 21:8

Ta xchebal kꞌaal lokꞌotik bael sok te jPabloe y kꞌootik ta jtejklum Cesarea. Teꞌ bootik ta sna te Felipe te yaꞌtelinej yalel ta bayuk te skꞌop Diose. Jaꞌ jtul ta sjukebal te la skoltalan ta aꞌtel te apostoletike. Teꞌ olanotik a.

Hechos 22:25

Pero te kꞌalal chukulix yuꞌunik a te ya yaꞌbeyik aresiale, te jPabloe la sjojkꞌobe te statal jtijkꞌ soltaro te teꞌey ae: —¿Me jaꞌ wan awichꞌoj awaꞌtelik yuꞌun te ya awaꞌbeyik aresial jtul jromano te ma to chapojikuk teme ay smule? —xchi te jPabloe.

Hechos 23:23

Te statal soltaro te ay tulan yaꞌtele la yikꞌ tal chaꞌtul te stataletik yuꞌun te juju-tijkꞌ soltaroe, y la yakꞌ mantal te ya xba xchap dosiento ta jtul soltaroetik te ya xbeen ta yokike, y setenta ta jtul te moemik ta kawu, y dosiento ta jtul te yichꞌoj slansaike, yuꞌun ya xlaj bajt ta jtejklum Cesarea ta las noebe ajkꞌubal.

Hechos 23:33

Te kꞌalal laj kꞌot ta jtejklum Cesareae la yaꞌbeyik entregal te karta te gobiernoe, y la yakꞌik entregal te jPabloe.

Hechos 25:1

Te Festoe kꞌot kꞌo snajkan sba te ba sluwar gobiernoe. Teꞌ ay ta jtejklum Cesareae oxeb kꞌaal a, patil bajt ta Jerusalen.

Hechos 25:13

Bayal kꞌaal ta patil te rey Agripae y sok te Bernicee laj bajt ta jtejklum Cesarea, yuꞌun ba spatbe yoꞌtan te Festoe.

Hechos 27:1

Te kꞌalal nojp yuꞌunik te ya stikonotik bael ta estado yuꞌun Italiae, te jPablo sok te yan jchukeletike akꞌot bael entregal ta skꞌab jtul statal soltaro te Julio sbiile te ay ta aꞌtel ta skuenta jtijkꞌ soltaroetik yuꞌun te César Augustoe.

Hechos 27:31

Pero te jPabloe la yalbey te statal soltaroe sok te soltaroetike: —Teme ma liyuk ya xjil ta barko te japuyej-barkoetike, ma spas ya xkolex euk te jaꞌexe —xchi te jPabloe.

Hechos 27:43

Pero te statal yuꞌun te soltaroetike kꞌan skoltay te jPabloe, jich maꞌ yakꞌ te jich ya spasike. Sinoke la yal mantal te machꞌa ya snaꞌba jaꞌe aꞌ xchꞌoj sba ochel nailuk ta jaꞌ yuꞌun nail ya xlokꞌ kꞌoel a ba luware.

Hechos 8:40

Te Felipee kꞌo to chiknajuk ta jtejklum Azoto y kꞌax ta jujun jtejklum te ba la yal kꞌael te lekil achꞌ kꞌope asta kꞌot ta jtejklum Cesarea.