Hechos 1:11 - Nuevo Testamento Tzeltal de Amatenango

¹¹ Altalanbot yuꞌun: —Galileo winketik, ¿tuꞌun te sigue ya akꞌeluyik moel te chꞌulchane? Jaꞌ mismo te Jesus te anin ta awolilike te ikꞌotix moel ta chꞌulchane, jich me ya xchaꞌtal xan te tutꞌil la awilik a bajt ta chꞌulchane —xchiik te winketike.

Bible in Tzeltal Bachajón

¹¹ hich la yalic: Winiquetic yu'un Galilea, ¿bin yu'un yac awilbelic te ch'ulchan? Te Jesús te ic'otix bahel ta ch'ulchan la awilique, ha nix hich ya xcha'tal xan te bin ut'il la awilic baht ta ch'ulchan, xchihic.

Bible in Tzeltal de Oxchuc y Tenejapa

¹¹ Jich albotic yu'un: —Galileoetic, ¿bi yu'un te yacalex ta yilel moel te ch'ulchane? Ja' nix in Jesús to, te la awilic te mo bael ta ch'ulchane, jich nix me ya xcha'tal xan te bit'il la awilic bajt' ta ch'ulchane —xiic te winiquetique.

Hechos 1:11 ပူးပေါင်းရင်းမြစ်များ

San Mateo 16:27

Jich te Nichꞌanile ya me xtal sok slekilal te jTate sok te xchꞌul angeletik yuꞌune. Ya me xtal kaꞌbe stojol juju-tul chikan te tut spasojike.

San Mateo 16:28

Jamal ya kalbeyex ay machꞌatik te liꞌ ayik to te ma to xchamik ae jaꞌ to teme ya yilik ya xtal te Nichꞌanile jich tutꞌil rey —xchi te Jesuse.

San Mateo 24:30

Jich me ya xchiknaj ta chꞌulchan te seña te Nichꞌanile. Spisil ta jkaj te genteetik te ayik ta balmilale ya me xkꞌo yokꞌetay sbaik, y ya me yilik te Nichꞌanile. Ya me yilik te yipal ta talel ta tokal ta yolil te chꞌulchane sok jpoder sok bayal xojobil te stsaꞌamule.

San Mateo 25:31

“Sok te kꞌalal ya xtal te Nichꞌanile, joyinbil ya xtal yuꞌun te chꞌul angeletike sok xojobil sok stsaꞌamul. Sok ya xjul snajkan sba ta ajwalil te ba ay te smukꞌul naktajibe.

San Marcos 13:26

Jich me ya xchiknaj tal ta tokal ta yolil chꞌulchan te Nichꞌanile, te ya xtal sok bayal spoder sok te xojobil te slekilale.

San Marcos 14:70

Te Pedro la smuk xan ta yoꞌtan. Chꞌin tsꞌin a, te machꞌatik teꞌ ayik a lijk yalbeyik te Pedroe: —Batsꞌi jich te jaꞌat ajoy aba soke, batsꞌi Galilea-winikat —xchiik.

San Marcos 16:19

Lajix yoꞌtan ta skꞌoponel a te jnopojeletik yuꞌune, te ikꞌot moel ta chꞌulchan te Kajwaltik Jesuse. Kꞌo nakajuk ta sbatsꞌil skꞌab te Diose.

San Lucas 21:27

Jich me ya xchiknaj ta ilel te Nichꞌanile, te ya xtalix ta tokale sok jpoder sok xojobil te stsaꞌamule.

San Lucas 24:5

Te antstike la skejan sbaik ta lum yuꞌun xiꞌel. Pero te winketike altalanbot yuꞌun: —¿Tuꞌun ya aleik te ba animaetik te machꞌa kuxulixe?

San Juan 14:3

Y ta patil teme boone, y teme chajpay te jun luware, ya me xchꞌatalon xan yuꞌun ya xtal kikꞌex bael. Jich te jaꞌexe teꞌ me ya xkꞌoex a te ba ya xkꞌoon te joꞌone.

Hechos 1:2

jaꞌ to te kꞌalal ikꞌot moel ta chꞌulchane. Te kꞌalal ma to xbajt ta chꞌulchan ae, la stꞌuj te apostoletike. Ta skuenta te Chꞌul Espiritue la spas jilel ta mantal te tut ya skꞌan spasike.

Hechos 1:22

jaꞌ to te kꞌalal aꞌbot yichꞌ jaꞌ yuꞌun te Juane asta jaꞌ to te mo bael ta chꞌulchane. Ja yuꞌun puersa ya skꞌan ya yichꞌ tꞌujel jtuluk te machꞌa joy bajtik soke, yuꞌun jun nax me ya kaltik te tutꞌil a chaꞌkux te Jesuse —xchi te jPedroe.

Hechos 1:9

Te kꞌalal laj yoꞌtan ta yalel to, yipalik to ta yilel a, te Jesuse mo bael ta chꞌulchan. Pixot bael ta tokal y maꞌ yilbeyikix sit a.

Hechos 13:31

Te Jesuse bayal kꞌaal a yakꞌulan sba ta ilel ta stojol te machꞌatik a joyinot ta beel yuꞌun ta Galileae sok te kꞌalal bajtik ta Jerusalene. Te ora to jaꞌ testigoetik te ya yalbeyik skꞌoplal te Jesus ta stojol te gentee.

Hechos 2:7

Lom cham a yaꞌiyik yuꞌun y bayal a aꞌbiyan yoꞌtanik. Lijk yalbe sbaik: —¿Me ma wan jgalileaetikuk spisil te machꞌatik yipalik ta kꞌope?

Hechos 3:12

Kꞌalal jich a yil te jPedroe, lijk yaltalanbe: —Jaꞌex israeletik, ¿tuꞌun te toj cham la awaꞌiyike? ¿Tuꞌun te lek ya akꞌelubotik jsitike? ¿Meꞌn ya akuyik te joꞌotik aꞌ jlekutestik te winik to, o ya akuyik te la kakꞌtik benuk ta jpodertike, o jaꞌ ta skuenta te lek jchꞌuunejtik te Diose?

Hechos 3:21

Ya skꞌan te ya to xꞌanin ta chꞌulchan te Jesucristo jaꞌ to teme la sta yorail yuꞌun Dios te ya xchap ta achꞌ spisil te tutik aye, jich tutꞌil te la yal ta skuenta te chꞌul jꞌalwanejetik te kꞌaxik ta balmilal te nameye.

1 Tesalonicenses 1:10

Sok ya yalik xan te tutꞌil yipalex ta smaliyel te ya sujt tal ta chꞌulchan te Jesus te Xnichꞌan Diose. Jaꞌ te Jesus te la yichꞌ xchaꞌkusesel yuꞌun Dios te ba ay animaetike, sok te stukel ya skoltayotik yuꞌun te tulan kastigo ya xtale.

1 Tesalonicenses 4:16

Porke ya me kaꞌitik jun tulan kꞌop ta mantal, sok skꞌop te statal angeletik, y sok te yokꞌel korneta yuꞌun te Diose. Y jaꞌ ya xkoj tal ta chꞌulchan te Kajwaltike. Y te machꞌatik xchꞌuunej Cristo a chame, primero ya xchꞌakuxik tal.

Hebreos 9:28

jich euk jun nax buelta la yakꞌ sbaix ta milbil smajtan Dios yuꞌun ta xchꞌaybeyel smul bayal genteetik. Patil ya xchiknaj tal ta xchaꞌmelal. Ma yuꞌunuk ya xtal xan ta xchꞌayel mulil, sino ke yuꞌun ya skoltay te machꞌatik ayik ta smaliyele.

Apocalipsis 1:7

¡Ila me awilik, te Cristoe ya me xtal ta tokal! Ta spisilik ya me yilik ta sitik, sok euk te machꞌatik la slowike. Y ta spisil te jtejklumetik ta balmilale ya me yokꞌetaylan sbaik ta stojol. Jichuk me xkꞌot ta pasel. Jichuk.