Hebreos 8:3 - Nuevo Testamento Tzeltal de Amatenango

³ Spisil te statal saserdotee jaꞌ aꞌbil yaꞌtel yuꞌun ta yakꞌel te smajtan Dios y te milbil smajtane. Y jaꞌ yuꞌun te puersa te ay tut ya yaꞌbe smajtanin Dios euk te Jesucristoe.

Bible in Tzeltal Bachajón

³ Spisil te muc'ul sacerdotehetic tsahbilic yu'un ya ya'beyic mahtaniletic soc milbil mahtaniletic te Diose, ha scuentahil te la sc'an te ha nix hich ay bin la ya'be smahtanin Dios te Jesucristo.

Bible in Tzeltal de Oxchuc y Tenejapa

³ Spisil te muc' sacerdoteetique yich'oj yat'elic ta yaq'uel te smajt'an Diose soc te milbil smajt'ane. Ja' swentail te puersa ay bila la yac'bey smajt'anin Dios uuc te Jesucristoe.

Hebreos 8:3 ပူးပေါင်းရင်းမြစ်များ

San Juan 6:51

Joꞌon te kuxul wajone te koem tal ta chꞌulchane. Te machꞌa ya sweꞌ te waj to, ya xkuxuyin sbajtel kꞌinal. Te waj te ya kakꞌe jaꞌ te jtiꞌbalule te ya kakꞌ yuꞌun jich ya xkuxuyin a te genteetike —xchi te Jesuse.

Romanos 4:25

te akꞌot entregal ta lajel yuꞌun te jmultike y chaꞌkux tal yuꞌun ya yakꞌotik ta libre yuꞌun te jmultike.

Romanos 5:6

Yuꞌun te kꞌalal maꞌyuk jpuersatik te ya jkoltay jbajtike, la sta yorail te cham te Cristoe ta skaj te machꞌatik ma lekikuke.

Romanos 5:8

Pero te Diose la yakꞌix ta ilel te ben skꞌanojotik ta yoꞌtane, te tutꞌil cham Cristo ta jkajtik te kꞌalal ayotik to ta mulil aye.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 2:17

Y jaꞌ yuꞌun te puersa pajal a kꞌot sok spisil te yijtsꞌinabe. Jich statal saserdote kꞌot ta stojol Dios te jun yoꞌtan y lek yoꞌtane, yuꞌun jich la xchꞌaybe smulik te genteetike.

Hebreos 3:1

Jaꞌ yuꞌun kermanotak, te jaꞌex te ayexix ta jtejklum yuꞌun te Diose te la yikꞌexix Dios te yuꞌun ya xkꞌoexe, jaꞌ me xꞌanaꞌ ta awoꞌtanik te Cristo Jesuse, te jaꞌ apostol sok mukꞌul saserdote te jchꞌuunejtike.

Hebreos 5:1

Spisil te statal saserdote te ya xtꞌujot lokꞌel ta yolil te gentee, aꞌbot yaꞌtel yuꞌun ya xkꞌopoj ta stojol Dios, sok yuꞌun ya yaꞌbe smajtan Dios y sok te milbil smajtan Dios yuꞌun muliletike.

Hebreos 7:27

Ma jichuk te tutꞌil yanetik statal saserdoteetike te puersa ya smilik chambalam te ya yakꞌ ta jujun kꞌaale, jaꞌ nail yuꞌun smul stukele y te nax a yuꞌun te smulik te jtejklume. Porke te Jesuse jmel nax te la yakꞌ sba ta milbil smajtan Dios yuꞌun sbajtel kꞌinale, te kꞌalal stukel mismo a yakꞌ sbae.

Hebreos 8:4

Te liꞌuk ay ba balmilale, ni xjuꞌ ya xꞌoch ta saserdote, yuꞌun liꞌ ay saserdoteetik te ya yaꞌbe te smajtan Dios te albil yuꞌun te mantaliletik yuꞌun te jMoisese.

Hebreos 9:14

Pero teme jich ay to, jaꞌ to xan mas ay yip stukel te xchꞌichꞌel Cristoe. Yuꞌun ta skuenta te Espíritu te sbajtel kꞌinal aye, Cristo la yakꞌ sba ta milel ta stojol Dios jich tutꞌil milbil smajtan Dios te maꞌyuk smule. Y te xchꞌichꞌele la sakutesbotik koꞌtantik yuꞌun te kaꞌteltik te ya yikꞌotik bael ta lajele. Yuꞌun jich me ya xjuꞌ te ya kakꞌ jbajtik ta abatinel yuꞌun te kuxul Diose.