Hebreos 7:3 - Nuevo Testamento Tzeltal de Amatenango

³ Ma xchiknaj skꞌoplal te state, ni te smeꞌe, ni te antibo smeꞌ-state; ni ma xchiknaj tut ora a ayin, ni te tut ora a chame. Jaꞌ pajal kꞌoem sok te Xnichꞌan Diose, te jaꞌ saserdote yuꞌun sbajtel kꞌinale.

Bible in Tzeltal Bachajón

³ Ma chicanuc sme' stat soc ma chicanuc sts'umbal; ma chicanuc shahchibal soc ma chicanuc slajibal. Hich pajal soc te Snich'an Dios, sbahtel q'uinal ay ta sacerdotehil.

Bible in Tzeltal de Oxchuc y Tenejapa

³ Ma'yuc banti nacal ta jun sbiil te sme'-state soc te antiguo sme'-state. Ma chicanuc xjajch'ibal soc slajibal te xcuxlejale, jich pajal soc te Snich'an Diose. Sbajt'el q'uinal ay ta sacerdoteil stuquel.

Hebreos 7:3 ပူးပေါင်းရင်းမြစ်များ

San Mateo 4:3

Jaꞌ yuꞌun te pukuje tal yilbe yoꞌtan te Jesuse. Jich a yal: —Teme jich awal te Xnichꞌanat te Diose, albeya i tonetik to te ya xkꞌajtaj ta waje —xchi te pukuje.

Hebreos 4:14

Te Jesuse, te Xnichꞌan Diose, jaꞌ mukꞌul saserdote kuꞌuntik te ochemix bael ta chꞌulchane. Jaꞌ yuꞌun ya skꞌan sigue jun koꞌtantik ya jchꞌuuntik te tut ya kal ta jtiꞌtike.

Hebreos 7:1

Te jMelquisedeke jaꞌ rey yuꞌun te jtejklum Saleme, sok saserdote yuꞌun te Dios te ay ta chꞌulchane. Te kꞌalal sujt tal te jꞌAbraham te xkꞌotuk ta stsalel ta guerra te reyetike, te jMelquisedeke lokꞌ sta y la yaꞌbe bendision.

Hebreos 7:17

Porke jaꞌ to jaꞌ te tutꞌ ay skꞌoplal yuꞌun Dios stukele: “Jaꞌat te saserdoteat yuꞌun sbajtel kꞌinale, jich mismo te tutꞌil jtijkꞌ saserdote ay sok te jMelquisedeke”, xchi me.

Hebreos 7:2

Jich te jꞌAbrahame la yaꞌbe te jun ta slajunebal ta spisil te tuti staoj tal te xkꞌotuk ta guerrae. Te jMelquisedec sbiile jaꞌ xyal: “rey te toj ya xchapawane”, te xchie. Y te tutꞌil jaꞌ rey yuꞌun te jtejklum Saleme, te jaꞌ xyal “te bujtsꞌan kꞌinale”, te sbiile jaꞌ xyal xan: “te rey yuꞌun te bujtsꞌan kꞌinale”, te xchie.

Hebreos 7:6

Pero te jMelquisedeke, aunke ma jaꞌuk stsꞌumbal te jLevie, la yichꞌ te jun ta slajunebal te stutik yuꞌun te jꞌAbrahame, te jich albil skꞌoplal yuꞌun Dios te ya xꞌaꞌbot yuꞌune. Jich te jMlequisedeke la yaꞌbe bendision te jꞌAbrahame.