Hebreos 3:2 - Nuevo Testamento Tzeltal de Amatenango

² Yuꞌun te Jesuse jun yoꞌtan ta stojol Dios te jich a aꞌbot spas te aꞌtel to, jich tutꞌil te jMoises te jun yoꞌtan a aꞌtej ta spisil te ba sna te Diose.

Bible in Tzeltal Bachajón

² te jun yo'tan ta stojol te mach'a a'bot yich' ya'tel yu'un, hich te bin ut'il jun yo'tan te Moisés ta stojol spisil te na yu'un Dios.

Bible in Tzeltal de Oxchuc y Tenejapa

² Melel te Jesuse jun yo'tan ta at'el ta stojol Dios te ac'bot spas yu'un in at'el to, jich te bit'il Moisés te jun nax yo'tan ay ta abatinel ta bay sna te Diose.

Hebreos 3:2 ပူးပေါင်းရင်းမြစ်များ

San Juan 15:10

Teme ya achꞌuunik spisil te jmantale, jmel nax me ayex a te ba slekil koꞌtane. Jich tutꞌil te jchꞌuunejbe spisil smantal te jTate, y jich jmel nax ayon a te ba slekil yoꞌtane.

San Juan 17:4

La kakꞌix ta ilel te alekilal ta balmilale, yuꞌun juꞌix ta pasel kuꞌun te tut la awaꞌbon jpase.

San Juan 7:18

Te machꞌa stukel nax ya snop te tut ya yale, jich ya spas yuꞌun ya skꞌan akꞌel ta jkuenta yuꞌun te gentee. Yan teme jaꞌ ya skꞌan ya yakꞌ ta akꞌel ta jkuenta te machꞌa tikonbil tal yuꞌune, batsꞌi jich te tut ya yale sok maꞌyuk loꞌlawanej ta yoꞌtan.

San Juan 8:29

Porke sjoyinejon te Machꞌa la stikonon tale. Te jTate ma swolanejukon, porke jaꞌ ya jpas te tut lek yoꞌtan yuꞌune —xchi.

Efesios 2:22

Jich euk te jaꞌexe, te jun nax ayex sok te Cristoe, jich ya awichꞌik tsꞌakel moel jich tutꞌil jun templo te ba ya xꞌanin te Diose ta skuenta te Espíritu yuꞌune.

1 Timoteo 1:12

Ya kalbe kola yal te Kajwaltik Jesucristoe te jaꞌ a yaꞌbon jpuersae, porke ya yil te jun koꞌtane, y la yaꞌbon kichꞌ kaꞌtel,

1 Timoteo 3:15

yuꞌun teme maꞌ talon ta orae, jich me ya anaꞌ tutꞌ ya skꞌan xꞌaꞌtejat ta stojol te yuntikil te Diose, ja te hermanoetik yuꞌun te kuxul Diose, te jaꞌ ipajem a sok jaꞌ ya skoltay a te tut batsꞌi jiche.

Hebreos 2:17

Y jaꞌ yuꞌun te puersa pajal a kꞌot sok spisil te yijtsꞌinabe. Jich statal saserdote kꞌot ta stojol Dios te jun yoꞌtan y lek yoꞌtane, yuꞌun jich la xchꞌaybe smulik te genteetike.