Hebreos 2:9 - Nuevo Testamento Tzeltal de Amatenango

⁹ Pero ya kiltik te Jesus, jaꞌ te machꞌa cheꞌoxeb nax kꞌaal te Dios chꞌin a yakꞌ ke te angeletike. Te Diose, ta skuenta xkꞌuxul yoꞌtan, la skꞌan te cham Jesus yuꞌun ta spisil genteetik. Te ora to, ta skaj te kꞌax swokol ta milele, aꞌbilix te slekilal sok jich ya xꞌakꞌot ta jkuentae.

Bible in Tzeltal Bachajón

⁹ Pero ya quiltic te Jesús, te peq'uel xan ac'ot jtebuc yu'un te ch'ul a'batetic, te a'botix yutsilal soc ich'el ta muc' ta scaj te c'ax swocol ta lajel, scuenta yu'un ya ya'iy lajel yu'un jpisiltic ta scuenta yutsil yo'tan Dios.

Bible in Tzeltal de Oxchuc y Tenejapa

⁹ Yu'un jna'ojtic stojol te Jesuse, peq'uel c'ot yu'un te ch'ul abatetic che'oxebuc c'aale. Ja'uc me to, ac'botix yutsilal soc ac'otix ta ich'el ta muc' ta scaj te c'ax swocol ta lajele. Ta swenta yutsil yo'tan Dios te c'ax swocol ta lajele, swenta jich ya jtatic cutsilaltic ta jpisiltic a.

Hebreos 2:9 ပူးပေါင်းရင်းမြစ်များ

San Mateo 16:28

Jamal ya kalbeyex ay machꞌatik te liꞌ ayik to te ma to xchamik ae jaꞌ to teme ya yilik ya xtal te Nichꞌanile jich tutꞌil rey —xchi te Jesuse.

San Mateo 6:28

“Sok ¿tut yuꞌun te ya awakꞌ yajtal awoꞌtanik yuꞌun te akꞌuꞌ-apakꞌike? Naꞌaik te tutꞌil ya xchꞌi te nichimetik ta witse: Ni makꞌ xꞌaꞌtejik ni makꞌ sjal skꞌuꞌ-spakꞌik.

San Marcos 9:1

Jesus la yalbe xan: —Jamal ya kalbeyex, ay jtul cheb te liꞌ ayike te ma to xchamik a jaꞌ to te ya yilik te ya xtal sok spoder a te Kajwaltik Diose —xchi te Jesuse.

San Lucas 9:27

Jamal ya kalbeyex: Ay machꞌatik liꞌ ayik to, te ma to xchamike jaꞌ to teme la yilik te ayix ta mantal te Kajwaltik Diose —xchi te Jesuse.

San Juan 1:29

Ta xchebal kꞌaal te Juane la yil te yipal tal ta tijilajel te Jesus te ba aye, y la yal: —Ila awilik: jaꞌ to jaꞌ te mera karnera yuꞌun Dios te ya xchꞌaybe smul te machꞌatik ayik ta balmilale.

San Juan 10:17

“Te Tatile kꞌuxon ta yoꞌtan porke ya kakꞌ jba ta milel, yuꞌun jich me ya jchaꞌichꞌon xan te jkuxlejal jich tutꞌil te nail toe.

San Juan 12:32

Pero te kꞌalal ya kichꞌ jachel moel liꞌ ba lume, joꞌon mismo ya kikꞌ tal ta jtojol spisil te genteetike —xchi.

San Juan 3:16

Porke te Diose bayal a xpichꞌin yoꞌtan te genteetike. Jaꞌ yuꞌun la stikon tal te úniko jtul Xnichꞌane, para ke yuꞌun spisil te machꞌa ya xchꞌuune makꞌ xchꞌay. Ya sta xkuxlejal sbajtel kꞌinal.

San Juan 8:51

Jamal ya kalbeyex, te machꞌa ya yakꞌ ta jkuenta te tut ya kale, sbajtel kꞌinal makꞌ xcham —xchi.

San Juan 8:52

Te juriyoetik la sjakꞌbeyik: —Te ora to seguro ya jnaꞌtik te ay pukuj ta awoꞌtane. Te jꞌAbrahame sok spisil te jꞌalwanejetike chamik bael. Y te jaꞌate ya awal: “Te machꞌa ya yakꞌ ta jkuenta te jkꞌope makꞌ cham”, te xchate.

Hechos 2:33

Y ikꞌotix bael yuꞌun ba naklukix ta sbatsꞌil skꞌab te Diose, y aꞌbot ta skuenta te Chꞌul Espíritu te tut albil yuꞌun te Tatile. Jaꞌ yuꞌun te tut yipalex ta yilele sok te yipalex ta yaꞌiyele, jaꞌ a yakꞌix kꞌotuk ta pasel te Jesuse.

Hechos 3:13

Te Dios yuꞌun te jꞌAbrahame sok te jꞌIsaake sok te Jacobe, te Dios yuꞌun te antibo ameꞌ-atatike yakꞌojix ta akꞌel ta jkuenta ta mas te yaj-aꞌtele, jaꞌ te Jesuse, jaꞌ te machꞌa la awakꞌik entregal ta stojol te jꞌuꞌeletike. Jaꞌ te machꞌa kꞌan skoles te jPilatoe, pero te jaꞌexe ma la akꞌanik.

Romanos 5:18

Jich tutꞌil te smul Adan te la yakꞌ ta lajel spisil te winketike, jaꞌ nax jich euk, yuꞌun te tut lek a spas te Jesucristoe, ayix te achꞌ xkuxlejalik sok te kolemikix ta kastigo spisil genteetik.

Romanos 5:8

Pero te Diose la yakꞌix ta ilel te ben skꞌanojotik ta yoꞌtane, te tutꞌil cham Cristo ta jkajtik te kꞌalal ayotik to ta mulil aye.

Romanos 8:3

Porke Dios a spasix te tut maꞌ juꞌ yuꞌun spasel te mantaliletik yuꞌun te jMoisese. Yuꞌun maꞌ juꞌ yuꞌun te mantaliletike, ta skaj te maꞌyuk spuersa te stiꞌbalul te mulawil winike. Dios a stikon tal te batsꞌil Xnichꞌan te batsꞌi jachik yilel te tutꞌil jmulawil winike, y la yakꞌ ta milbil majtanil skuenta yuꞌun mulil, yuꞌun jich a yakꞌ ta lajel te mulil te ay ta jtibalultike.

Romanos 8:32

Te Diose maꞌ spꞌajotik ni te batsꞌi Xnichꞌane, asta la yakꞌ entregal ta lajel ta joꞌotik ta jkajtik. Teme jich a yaꞌbotik ta majtanil te Xnichꞌane, ¿me makꞌ ya yaꞌbotik spisil te tut ya jkꞌantike?

2 Corintios 5:15

Te tutꞌil a cham Cristo yuꞌun spisil te genteetike, yuꞌun te machꞌatik kuxajtike ma jichuk xanix kuxajtik ta stukelik nax. Yuꞌun jaꞌix kuxajtik ta skuenta te Cristo, te cham y chaꞌkux tal ta skuentaike.

2 Corintios 5:21

Te Cristoe maꞌyuk a sle smul stukel. Pero joꞌotik ta jkajtik, te Diose la yaꞌbe skuch te jmultike, yuꞌun jich ta skuenta Cristo ya xkolotik yuꞌun te jmultike.

Gálatas 4:4

Pero te kꞌalal la sta stiempoile, Dios a stikon tal te Xnichꞌane te alatayot yuꞌun jtul antse, sok te ay ta skuenta te mantaliletik yuꞌun te Moisese.

1 Timoteo 2:6

Porke te Jesucristoe la yakꞌ sba entregal ta milel yuꞌun la stojbe stojol skolel ta spisil, jich tutꞌil te albil skꞌoplal te kꞌalal la sta skꞌaalele.

Hebreos 1:9

Jaꞌ akꞌanoj te tut leke, y apꞌajoj te tut ma lekuke. Jaꞌ yuꞌun la stꞌujat te Dios, te Dios awuꞌune, y la yaꞌbeyatix sbujtsꞌ awoꞌtan kꞌax jich tutꞌil te ajoꞌtake”, xchi me.

Hebreos 10:5

Jaꞌ yuꞌun, kꞌalal jul ta balmilal te Cristoe, jich a yal ta stojol Dios: “Ma jaꞌuk ya akꞌan te milbil majtanile ni te yan majtanile, sino ke la awaꞌbonix jtiꞌbalul.

Hebreos 11:5

Ta skuenta xchꞌuunel yoꞌtan te jꞌEnoc maꞌyuk a cham stukel. Steklejal a ikꞌot bael sok xkuxlejal. Jich ma taotix a, porke ikꞌot bael yuꞌun Dios. Y te Sjun Diose jich ya yal te nail a ikꞌot baele, lek a ilot yuꞌun Dios te jꞌEnoke.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

Hebreos 2:7

Cheꞌoxeb nax kꞌaal te chꞌin la awakꞌ ke te angeletike, pero la awaꞌbey slekilal y sok akꞌel ta jkuenta, y la awaꞌbey ta skuenta te yaꞌtel akꞌabe.

Hebreos 7:25

Jaꞌ yuꞌun ya xjuꞌ ya xkoltawan sbajtel kꞌinal yuꞌun te machꞌatik ya xtijilajik ta stojol Dios ta skuentae. Yuꞌun kuxul sbajtel kꞌinal, yuꞌun ya skꞌanulanbe Dios ta skuentaik.

Hebreos 8:3

Spisil te statal saserdotee jaꞌ aꞌbil yaꞌtel yuꞌun ta yakꞌel te smajtan Dios y te milbil smajtane. Y jaꞌ yuꞌun te puersa te ay tut ya yaꞌbe smajtanin Dios euk te Jesucristoe.

1 Pedro 1:21

Ta skuenta te Cristoe te ya achꞌuunik Dios te jaꞌexe. Jaꞌ te la yichꞌ chaꞌkuxesel te ba ay te animaetike, sok akꞌot ta akꞌel ta jkuenta. Jich yuꞌun te jaꞌexe awakꞌoj xchꞌuunel awoꞌtanik sok yipalex ta smaliyel te tut ya yaꞌbeyex te Diose.

1 Juan 2:2

Te Jesucristoe la yakꞌ sba ta smajtan Dios yuꞌun jich la spasbelotikix perdon yuꞌun te jmultike. Y ma joꞌukotik nax, sino ke ta spisil te machꞌatik ayik ta balmilal.

Apocalipsis 19:12

Te site xlemlajan jachik tutꞌil xlaplun kꞌajkꞌ. Yichꞌoj ta sjol bayal koronaetik, y yichꞌoj jun biilil te tsꞌibabil te stukel nax snaꞌoje.

Apocalipsis 5:9

Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.