Hebreos 2:3 - Nuevo Testamento Tzeltal de Amatenango

³ ¿Jaꞌ xan tutꞌil kꞌan kolukotik te joꞌotike, teme ixtaꞌ nax kuꞌuntik te kolel te lom mukꞌe? Yuꞌun jaꞌ mismo te Kajwaltik te stukel nail a yal skꞌoplal te kolel to. Ta patil te machꞌatik la yaꞌiyike la yalbelotik euk te joꞌotike te tutꞌil batsꞌi jich te skꞌoplale.

Bible in Tzeltal Bachajón

³ ¿bin ut'il c'an ahnucotic loq'uel teme ma ba ya quich'tic ta cuenta te muc'ul colele? Te colel ini, te nahil halbot sc'oblal yu'un te Cajwaltic, la yalbotic te melel te mach'atic la ya'iyic,

Bible in Tzeltal de Oxchuc y Tenejapa

³ ¿Bit'il c'an jcoltay loq'uel jbajtic uuc teme ma'yuc sc'oplal ta co'tantic te jcoleltic te c'ax muc' sc'oplale? Yu'un ja' nix Cajwaltic te la xcholbey sc'oplal ta neelal te jcoleltique. Te mach'atic la yaiybeyic stojol te sc'ope, ja'ic la yalbotic te bit'il smelelil c'op te bila la yale.

Hebreos 2:3 ပူးပေါင်းရင်းမြစ်များ

San Mateo 23:33

“Jaꞌ pajalex sok chanetik te stsꞌumbal te jtiꞌawal chane. ¿Tutꞌil kꞌan kolanik te ba kastigoe?

San Mateo 4:17

Jaꞌix yorail a te Jesuse lijk yal ta bayuk nax ta skuenta te genteetike te lek yachꞌil kꞌop yuꞌun te jkoleltike. Jich a yal: —Sujtesa awoꞌtanik yuꞌun te amulike yuꞌun ya xlijkix ta pasaw ta mantal te Diose —xchi te Jesuse.

San Marcos 1:14

Te tut ora otsesot ta prexo te Juane, te Jesuse bajt ta Galilea. Tey kꞌo yalbey a spisil genteetik te lekil kꞌop yuꞌun te Diose.

San Lucas 1:2

La stsꞌibayikix jilel te tuti yalbelotik kaꞌitik ta jpisiltik yuꞌun te machꞌatik la yilik ta sitik ta slijkibale te la yichꞌik yaꞌtelik ta yalel ta bayuk te tuti kꞌot ta pasel ta slijkibal tale.

San Lucas 1:69

La stikombotik tal jkoltawane te ay spodere te jaꞌ stsꞌumbal te jDavid te yaj-aꞌtele.

San Lucas 24:19

Te Jesuse la sjojkꞌolambe: —¿Tut a te kꞌoem ta pasele? —xchi. La yalik: —Jaꞌ te tuti kꞌot ta pasel ta stojol te Jesus Nazarete. Jaꞌ jtul jꞌalwanej yuꞌun Dios te spisil tut ya xjuꞌ yuꞌun spasel, sok ay spoder te skꞌop ta stojol Dios sok ta stojol spisil te jtejklume.

San Juan 15:27

Y te jaꞌexe jamal me ya awalbikon jkꞌoplal euk, porke ajoyinejikon kꞌalal ta slijkibal to tal —xchi te Jesuse.

Hechos 1:22

jaꞌ to te kꞌalal aꞌbot yichꞌ jaꞌ yuꞌun te Juane asta jaꞌ to te mo bael ta chꞌulchane. Ja yuꞌun puersa ya skꞌan ya yichꞌ tꞌujel jtuluk te machꞌa joy bajtik soke, yuꞌun jun nax me ya kaltik te tutꞌil a chaꞌkux te Jesuse —xchi te jPedroe.

Hechos 2:22

“Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

Hechos 4:12

Maꞌyuk yan machꞌa ay kolel ta skuenta, porke maꞌyuk yan machꞌa ya xkolotik yuꞌun. Maꞌyuk yan biilil ta balumilal te ya xjuꞌ xkolotik yuꞌune —xchi te jPedroe.

Romanos 11:14

Yipalon ta sleel tutꞌil xlijk jbikꞌtatesbey yoꞌtanik ta atojolik te machꞌatik jtsꞌumbale, yuꞌun jich me ya staik ekꞌa te kolele.

Romanos 2:3

Jich euk te jaꞌate te ya awichꞌ jkuenta te yane y jich mismo ya apas euk te tut ya spas te yane, ma me akuy te ya xkolat bael te ba kastigo yuꞌun te Diose.

1 Corintios 1:21

Te Diose ta skuenta spꞌijil maꞌ yakꞌ sba ta naꞌel yuꞌun te machꞌatik ay ta skuenta te balmilale; maꞌ snaꞌbeyik sba ta skuenta te spꞌijilik naxe. Jaꞌ lek a yaꞌi te Diose te ya skoltay ta skuenta skꞌop te ya stikon ta alel ta stojol te machꞌatik ya xchꞌuunike, aunke te skꞌoplal to jowil nax kꞌoem ta yoꞌtanik.

1 Tesalonicenses 5:3

Te kꞌalal ya yal te gentee: “Spisil ben bujtsꞌan kꞌinal, y maꞌyuk tut chikan”, teme xchiik, pero tsꞌin nax me ya xtal te slajelike. Jich tutꞌil ya xlijk swokol te ya xpajt yoꞌtan jtul ants te ay tut staoj sok te ma xjuꞌ ya xkol ta jich naxe.

1 Timoteo 1:15

Jaꞌ to batsꞌi jich, y spisil te genteetik ya skꞌan ya xchꞌuunik: Te Cristo Jesuse xtaluk ta balmilal yuꞌun tal skꞌoltay te jmulawiletike. Jich tutꞌil te joꞌone te kꞌax jich jmulawilon tutꞌil te yanetike.

Tito 2:11

Yuꞌun Dios a yaꞌbotik kiltik te slekil yoꞌtane, te jaꞌ yichꞌoj tal te kolel yuꞌun ta spisil te genteetike.

Hebreos 1:1

Te nameye, bayal buelta Dios la skꞌopon te antibo jmeꞌ-jtatike ta skuenta te jꞌalwanejetike. Bayal buelta la skꞌopone sok lebot yuꞌun tutꞌil ya xkꞌot ta yoꞌtanik.

Hebreos 1:14

Porke spisilik te angeletike abatetik ta spasel yaꞌtel te Diose. Tikonbil ta skoltayel te machꞌatik ya xꞌaꞌbot smajtanin te kolele.

Hebreos 1:2

Te ora to, jaꞌ te slajibal kꞌaal, la skꞌoponotik ta skuenta te Xnichꞌane. Ta skuenta te Xnichꞌane, Dios la spas chꞌulchan balmilal, y jaꞌ a yaꞌbe yuꞌunin spisil te tutik aye.

Hebreos 12:25

Jaꞌ yuꞌun, kuidado me xꞌanex, ma me apꞌajik te machꞌa ya xkꞌopoj ta jtojoltike. Yuꞌun ma ba kolik te machꞌatik la spꞌajik te Dios te kꞌalal a yikꞌtalan ta kꞌop liꞌ ba balmilale. ¿Y tutꞌil kꞌan kolukotik euk te joꞌotike, teme ya kakꞌtik ta jpatik te machꞌa ya yikꞌotik ta kꞌop kꞌalal ta chꞌulchane?

Hebreos 4:1

Jaꞌ yuꞌun, kuidado me ya skꞌan xꞌanotik te tutꞌil ay to ta jkuentatik te sjapoj Dios te ya xjuꞌ xꞌochotik te ba luwar te kuxo-oꞌtane. Jaꞌ me ma lek teme ay jtuluk te jaꞌex te ma xkꞌo ataike.

Hebreos 4:11

Jaꞌ yuꞌun ya skꞌan kakꞌtik puersa te ya xꞌochotik te ba luwar yuꞌun kuxo-oꞌtane. Yuꞌun ma me machꞌa sigueuk ya yakꞌ ta ilel jich tutꞌil la spasik te machꞌatik maꞌ xchꞌuunike.

Hebreos 5:9

Te tutꞌil lek a juꞌ yuꞌun spasele, chiknaj ta skuenta te kolel sbajtel kꞌinal yuꞌun spisil te machꞌatik ya xchꞌuunike.

Hebreos 9:28

jich euk jun nax buelta la yakꞌ sbaix ta milbil smajtan Dios yuꞌun ta xchꞌaybeyel smul bayal genteetik. Patil ya xchiknaj tal ta xchaꞌmelal. Ma yuꞌunuk ya xtal xan ta xchꞌayel mulil, sino ke yuꞌun ya skoltay te machꞌatik ayik ta smaliyele.

1 Juan 1:1

Te tut ya jtsꞌibabetikex a, jaꞌ skꞌoplal te Machꞌa ayix a desde slijkibale, te kaꞌiyejtik te skꞌope y te kilojtik ta sitike. Porke la kiltik y la jpiktik ta jkꞌabtik. Ja xyal te Machꞌa Kꞌop yuꞌun te Kuxlejale.

Judas 1:17

Pero te jaꞌexe, kermanotak te kꞌuxex ta koꞌtane, naꞌaik me te tut la yalik te apostoletik yuꞌun te Kajwaltik Jesucristoe.

Apocalipsis 7:10

Spisilik xꞌawlajan ta tulan kꞌop. Jich la yalik: “¡Ay jkoleltik ta skuenta te Dios kuꞌuntike te nakal ta smukꞌul naktajibe y sok ta skuenta te Chꞌin Karnerae!” xchiik.