Hebreos 13:3 - Nuevo Testamento Tzeltal de Amatenango

³ Naꞌaik me te machꞌatik ayik ta prexoe. Jichuk me kꞌoem ta awoꞌtanik te ayex ta prexo soke. Naꞌaik me te machꞌatik ayik ta ilbajinele. Jichuk me ta awoꞌtanik te ya xkꞌax awokolik soke.

Bible in Tzeltal Bachajón

³ Na'ahic me te mach'atic ayic ta chuquel, hichuc me ta awo'tanic te bin ut'il pajal ayex ta chuquel soc; soc na'ahic me te mach'atic ayic ta uts'inel, hichuc me xawa'iyic te bin ut'il pajal yac awich'belic uts'inele.

Bible in Tzeltal de Oxchuc y Tenejapa

³ Juluc me ta awo'tanic te mach'atic ayic ta chuquele. Jichuc me c'oem ta awo'tanic te bit'il pajal chuculat soque. Ja' nix me jich te mach'atic ayic ta uts'inele, jichuc me c'oem ta awo'tanic te bit'il pajal ayat ta uts'inel soque.

Hebreos 13:3 ပူးပေါင်းရင်းမြစ်များ

San Mateo 25:36

Sok te maꞌyuk lek jkꞌuꞌ-jpakꞌ la awilike, la awaꞌbikon jkꞌuꞌ-jpakꞌ. Sok te tutꞌil ayon ta chamele, tal awilikon. Sok te tutꞌil ayon ta prexoe, tal awilikon teꞌa”, ya me yut.

San Mateo 25:43

Sok te xoyeton la awile ma la awikꞌikon ochel taꞌ na. Sok te tutꞌil maꞌyuk jkꞌuꞌ-jpakꞌ la awile ma la awaꞌbikon. Sok te tutꞌil ayon ta chamele, sok te tutꞌil ayon ta prexoe, maꞌyuk a tal awilikon teꞌa”, ya me yut.

Hechos 24:23

Te Felixe la yalbe mantal te statal jtijk soltaroe te sigue ya xba yakꞌik ta prexo te jPabloe. Pero ma jmeluk ya xchukik, sok ay permiso yuꞌunik te ya xba ilek yuꞌun te sjoꞌtake.

Hechos 27:3

Ta xchebal kꞌaal kꞌootik ta jtejklum Sidon te ba ya xꞌolan barkoe. Te jPabloe teꞌ kꞌuxutayot yuꞌun a te statal soltaro Julioe, yuꞌun akꞌot bael ta yulutayel te yamigotak te teꞌelan ae yuꞌun jich me ya sta tal tut ya sweꞌ chꞌinuk a.

Romanos 12:15

Kontento xꞌanex sok te machꞌatik kontento aylane. Okꞌanik sok te machꞌatik ya xlaj okꞌe.

1 Corintios 12:26

Teme ay ta wokol junuk te tut ay ta tiꞌbalulile, spisil te yane aylan ta wokol euk. Y teme ya sta slekilal junuke, ta spisilik ya xjunub yoꞌtanik yuꞌun.

Efesios 4:1

Jaꞌ yuꞌun te joꞌone te ayon ta prexo ta skaj te Kajwaltike, ya kalbeyex awokolikuk te lekuk ya xꞌanex, jich tutꞌil ya skꞌan ya spasik te machꞌatik ikꞌbilix yuꞌun te Diose, jich tutꞌil te jaꞌexe.

Colosenses 4:18

Joꞌon jPabloon la jtsꞌibabeyex te spajtil-oꞌtanil to ta jkꞌab y ta letra. Naꞌaik me te ayon ta prexoe. Te Diose aꞌ yaꞌbeyex te slekilal ta akuentaik te jaꞌexe. Jichuk.

Hebreos 10:34

Te jaꞌexe la xpichꞌin awoꞌtanik te machꞌatik aylan ta prexoe. Y asta jun awoꞌtanik te la awakꞌik bael ta pojel te tut ay awuꞌunike, yuꞌun anaꞌojik te tut ay awuꞌunik ta chꞌulchan te mas ben tsaꞌame sok te sbajtel kꞌinal ay stukele.

Hebreos 11:37

Y ay yan te laj chamik ta chꞌojel ta ton, ta tuyel ta olil ta seruch, sok ay a lajik ta puñal. Bayuk nax a bajtik, smakoj sbaik ta snujkulel karnera y ta snujkulel chibo. Ayik ta meꞌbaal, wokolajik, y ilbajinlanot.

1 Pedro 3:8

Ta slajibal ya kalbeyex: Junuk me awoꞌtan abaik ta apisilik, sok junuk nax me te tut ya anopike. Kꞌuxuk me ya awaꞌiy abaik te tutꞌil te awermano abaike. Ayuk me slekil awoꞌtanik y benuk me chꞌunulex.