Hebreos 10:4 - Nuevo Testamento Tzeltal de Amatenango

⁴ Porke te xchꞌichꞌel toroetike y te xchꞌichꞌel chiboetike ma xjuꞌ ya xchꞌay mulil.

Bible in Tzeltal Bachajón

⁴ como ma xhu' yu'un sch'ayel mulil te sch'ich'el torohetic soc tat tentsunetic.

Bible in Tzeltal de Oxchuc y Tenejapa

⁴ Melel ma'yuc bi ora te ya xju' yu'un xch'ayel mulil te xch'ich'el toroetic soc te xch'ich'el tat tentsunetique.

Hebreos 10:4 ပူးပေါင်းရင်းမြစ်များ

San Marcos 12:33

Sok te tutꞌil la awal te kꞌux me ya kaꞌiytik ta koꞌtantik sok spisil koꞌtantik, sok spisil jpꞌijiltik, sok spisil jkꞌuxlejaltik, sok spisil te jfuersatike. Y sok te tutꞌil kꞌux me ya kaꞌiytik ta koꞌtantik te joytik ta krixianoile, jich te tutꞌil kꞌux ya kaꞌi bajtik te joꞌotike. Jaꞌ tulan skꞌoplal ta pasel stukel. Jaꞌ pekꞌ me skꞌoplal kꞌoem spisil te tut ya kaꞌbeytik smajtꞌan te Diose sok spisil smajtꞌan te ya yichꞌ chikꞌel te ba xchikꞌojibal te smajtꞌane —xchi te winike.

San Juan 1:29

Ta xchebal kꞌaal te Juane la yil te yipal tal ta tijilajel te Jesus te ba aye, y la yal: —Ila awilik: jaꞌ to jaꞌ te mera karnera yuꞌun Dios te ya xchꞌaybe smul te machꞌatik ayik ta balmilale.

Romanos 11:27

Jaꞌ to jaꞌ te trate ya jpas sok te kꞌalal ya jchꞌaybey te smulike”, xchi me.

Hebreos 10:1

Porke te mantaliletik yuꞌun te jMoisese jaꞌ nax yaxinal te tutik ben lek te ya xba taluke, y ma jaꞌuk stukel te tut batsꞌi leke. Jaꞌ yuꞌun te mantaliletike ma xjuꞌ yaꞌ stojutes te machꞌatik jujun jaꞌbil ya xtijilaj ta stojol Dios yuꞌun te ya yaꞌbe milbil smantan Dios.

Hebreos 10:11

Spisil te saserdote juriyoe jaꞌ yaꞌtelinejik jujun kꞌaal, y sigue ya yakꞌulanik bayal buelta te jich mismo milbil smajtan te Diose. Manchuk me jich ya spas to, ma xjuꞌ ya xchꞌay te muliletike.

Hebreos 10:8

Nail ya yal te ma skꞌan Dios ni lekuk ya yil te milbil majtaniletik ni te majtanil chambalame, ni te chikꞌbil smajtan yuꞌun te ya xchꞌay mulile, aunke jich ya yakꞌ ta akꞌel te mantaliletike.

Hebreos 9:9

Spisil to jaꞌ jun seña yuꞌun te tiempo te ora to. Yuꞌun te smajtan Dios y sok te milbil smajtan te teꞌ ya xꞌaꞌbot a te Diose, ma xjuꞌ te jkꞌaxel libre ya xkꞌot yoꞌtanik te machꞌatik jich ya yichꞌik ta kuenta te Diose.

1 Juan 3:5

Te jaꞌexe anaꞌojikix te Jesucristoe tal ta balmilal yuꞌun tal xchꞌay te muliletike. Sok anaꞌojik te maꞌyuk smul stukele.