Hebreos 1:3 - Nuevo Testamento Tzeltal de Amatenango

³ Stukel yichꞌojbey stsaꞌamul slekil te Diose, sok jaꞌ mismo ya yakꞌ ta naꞌel tut yilel te Diose. Ta skuenta skꞌop te bayal spodere, jaꞌ te yipajtesej spisil te tutik aye. Ta patil te la spokotik yuꞌun te jmultike, la snajkan sba ta chꞌulchan ta sbatsꞌil te ba nakal te Diose.

Bible in Tzeltal Bachajón

³ Ha sts'anabul yutsilal te Diose, ha mero slop'tayej sba a, soc spisil bintic ay ipajem ta scuenta yu'el te sc'ope. Te c'alal hu' yu'un stup'belotic stuquel te jmultic, la shuhcan sba ta swa'el-c'ab te Mach'a c'ax bayel yutsilal ta toyol,

Bible in Tzeltal de Oxchuc y Tenejapa

³ Ja' chican a te yutsil xojobil te Diose, soc ja' chican a te bi yilel ay soc yo'tan te Diose. Spisil te bitic aye ja' ipajemic a te yu'el sc'ope. Te c'alal ju'ix yu'un spoquel loq'uel a te jmultique, la snajc'an sba ta ch'ulchan ta swa'el sc'ab te Muc' Diose.

Hebreos 1:3 ပူးပေါင်းရင်းမြစ်များ

San Mateo 22:24

—Maestro, la yal jilel te Moisese: “Teme cham jtuluk winik te maꞌyuk jil xnichꞌane, teme maꞌyuk jilel yuntikil soke, aꞌ me yikꞌ yinamin te yijtsꞌine, yuꞌun jich me ay stsꞌumbal ya xkꞌot a te anima-sbankile”, xchi me.

San Marcos 16:19

Lajix yoꞌtan ta skꞌoponel a te jnopojeletik yuꞌune, te ikꞌot moel ta chꞌulchan te Kajwaltik Jesuse. Kꞌo nakajuk ta sbatsꞌil skꞌab te Diose.

San Juan 1:14

Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

San Juan 1:29

Ta xchebal kꞌaal te Juane la yil te yipal tal ta tijilajel te Jesus te ba aye, y la yal: —Ila awilik: jaꞌ to jaꞌ te mera karnera yuꞌun Dios te ya xchꞌaybe smul te machꞌatik ayik ta balmilale.

San Juan 1:4

Stukel ay ta skuenta te kuxlejale, y te kuxlejale jaꞌ ya sakub kꞌinal yuꞌun te genteetike.

Hechos 2:33

Y ikꞌotix bael yuꞌun ba naklukix ta sbatsꞌil skꞌab te Diose, y aꞌbot ta skuenta te Chꞌul Espíritu te tut albil yuꞌun te Tatile. Jaꞌ yuꞌun te tut yipalex ta yilele sok te yipalex ta yaꞌiyele, jaꞌ a yakꞌix kꞌotuk ta pasel te Jesuse.

Hechos 7:56

Jich a yal te jꞌEstebane: —Ila awilik ya kil jeꞌel te chꞌulchane, y te Nichꞌanile tekꞌel ta sbatsꞌil skꞌab te Diose —xchi.

Romanos 1:16

Makꞌ xkꞌexawon yuꞌun te lek achꞌ kꞌope. Porke jaꞌ spoder Dios yuꞌun ya staik te kolele spisil te machꞌatik ya xchꞌuune. Jaꞌ nail te juriyoetike, y sok te machꞌatik ma juriyouke.

Romanos 8:34

¿Machꞌa kꞌan yakꞌotik bael ta chꞌayel? Maꞌyukix. Yuꞌun jaꞌ a cham Cristo Jesus kuꞌuntik. Sok ma jipuk a. Te Cristoe chaꞌkux y teꞌ ayix ta sbatsꞌi kꞌab te Diose; jaꞌ yipal ta kꞌop kuꞌuntik.

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

Colosenses 3:1

Jaꞌ yuꞌun, ya ke te jaꞌexe te chaꞌkusesbilexix sok te Cristoe, leaik te tutik skuenta te chꞌulchane, te ba nakal te Cristo ta sbatsꞌil skꞌab te Diose.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 1:13

Te Diose ni maꞌyuk a yalbe ni jtuluk te angeletike: “Naklan ta jbatsꞌil, jaꞌ to teme la kakꞌ apuchꞌ ta tekꞌel te akontratake”, ma xchiuk.

Hebreos 10:12

Pero te Jesucristoe jaꞌ a yakꞌ sba ta jun milbil smajtan Dios yuꞌun te muliletik yuꞌun sbajtel kꞌinal. Y te nax a najkaj ta sbatsꞌil skꞌab te Diose.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

Hebreos 4:14

Te Jesuse, te Xnichꞌan Diose, jaꞌ mukꞌul saserdote kuꞌuntik te ochemix bael ta chꞌulchane. Jaꞌ yuꞌun ya skꞌan sigue jun koꞌtantik ya jchꞌuuntik te tut ya kal ta jtiꞌtike.

Hebreos 7:27

Ma jichuk te tutꞌil yanetik statal saserdoteetike te puersa ya smilik chambalam te ya yakꞌ ta jujun kꞌaale, jaꞌ nail yuꞌun smul stukele y te nax a yuꞌun te smulik te jtejklume. Porke te Jesuse jmel nax te la yakꞌ sba ta milbil smajtan Dios yuꞌun sbajtel kꞌinale, te kꞌalal stukel mismo a yakꞌ sbae.

Hebreos 8:1

Te tut mas tulan skꞌoplal te tut yipalotik ta yalele, jaꞌ te ay te statal saserdote kuꞌuntike te nakal ta chꞌulchan ta sbatsꞌil te ba snaktijib te Diose.

Hebreos 9:16

Teme ay machꞌa ya spas testamento kꞌop, jaꞌ to ya xkꞌot ta pasel a te ya xcham te machꞌa la spas te stestamentoe.

Hebreos 9:26

Te jichuk a spase, te Cristo bayal buelta ya skꞌan xlaj desde pas tal te balmilale. Pero te batsꞌi jiche, te ora to te jaꞌix te slajibal kꞌaale, te Cristoe jun nax buelta sok ta skuenta sbajtel kꞌinal a kꞌax swokol. Stukel mismo la yakꞌ sba ta milbil smajtan Dios yuꞌun xchꞌayel mulil.

1 Pedro 1:21

Ta skuenta te Cristoe te ya achꞌuunik Dios te jaꞌexe. Jaꞌ te la yichꞌ chaꞌkuxesel te ba ay te animaetike, sok akꞌot ta akꞌel ta jkuenta. Jich yuꞌun te jaꞌexe awakꞌoj xchꞌuunel awoꞌtanik sok yipalex ta smaliyel te tut ya yaꞌbeyex te Diose.

1 Pedro 3:22

Jaꞌ te machꞌa mo bael ta chꞌulchane, y te ayix ta sbatsꞌil te Diose, sok te jaꞌ ya xchꞌuunbot smantal yuꞌun te angeletike y sok te yanetik te ay yaꞌtelik y ay spoderike.

2 Pedro 1:16

Te nojpesel te la kaꞌbetikex te tutꞌil ay spoder te ya xtal xan te Kajwaltik Jesucristoe, ma kꞌop abiyejuk nax te ya xloꞌlawane. Yuꞌun batsꞌi ta sitik a kiltik te Kajwaltik te lom mukꞌ ay slekilale.

2 Pedro 1:17

La kiltik te kꞌalal te Dios Tatil la yakꞌ ta akꞌel ta jkuenta sok te stsaꞌamule. Te kꞌalal kꞌopoj te Diose, jaꞌ a yal sok stsaꞌamule: “Jaꞌ to jaꞌ Jnichꞌan te lom kꞌux ta koꞌtane. Ben jun koꞌtan yuꞌun”, xchi me.

1 Juan 1:7

Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.

1 Juan 3:5

Te jaꞌexe anaꞌojikix te Jesucristoe tal ta balmilal yuꞌun tal xchꞌay te muliletike. Sok anaꞌojik te maꞌyuk smul stukele.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.

Apocalipsis 4:11

“Te jaꞌate Kajwaltikat, sok Diosat kuꞌuntik te ya skꞌan alel te alekilale, y te ya yakꞌelat ta jkuenta, y te ay apodere. Porke jaꞌat la apas spisil te tutik aye, yuꞌun jich a skꞌan awoꞌtan te aylan y te yichꞌoj pasele”, xchiik.