Gálatas 6:9 - Nuevo Testamento Tzeltal de Amatenango

⁹ Jich yuꞌun ma me wakꞌ lubukotik ta spasel te tut leke. Porke teme ma xchebaj koꞌtantike, ya me sta stiempoil te ya kilbeyik sit te kaꞌteltike.

Bible in Tzeltal Bachajón

⁹ Ha yu'un ma me xluhbotic ta spasel te bin lec ta pasele, como ya me sta yorahil te ya jtsobetic sit, teme ma ba ya xpehc'aj co'tantique.

Bible in Tzeltal de Oxchuc y Tenejapa

⁹ Jich yu'un ma me xlubotic ta spasel te bila lec ta pasele. Melel ya me sta yorail ya jc'ajtic, teme ma xpejc'aj te co'tantique.

Gálatas 6:9 ပူးပေါင်းရင်းမြစ်များ

San Mateo 10:22

Ya me spꞌajex spꞌejel te genteetike yuꞌun te achꞌuunejikone. Te machꞌa ya xkujch yuꞌun kꞌalal ta slajibal kꞌaale, ya me xkol.

San Mateo 24:13

Yan te machꞌa ya xjuꞌ yuꞌun kꞌalal ta slajibale, ya me xkol.

San Mateo 25:17

Jich euk te machꞌa la yichꞌ cheb talento-takꞌine, jolin xan cheb talento yuꞌun euk.

San Mateo 9:19

Jajch bael te Jesuse, la sjoyin bael te winike sok te jnopojeletike.

San Marcos 3:3

Te Jesuse la yalbe te winik te makꞌ snik sba te skꞌabe: —Jajchan, anan ta olil —la yut.

San Lucas 18:1

Te Jesuse la yaltalanbe jun seña-kꞌop yuꞌun jich aꞌ snopelan te ya skꞌopon Dios sil tiempoe, sok te makꞌ xcheꞌbaj yoꞌtanike.

Romanos 2:7

Ya yaꞌbe xkuxlejal sbajtel kꞌinal te machꞌatik ya sleik te lekilale, sok la yakꞌ ta jkuenta te tut ma xlaje, sok jaꞌ sil tiempo aꞌ spasik te tut leke.

1 Corintios 15:58

Jich yuꞌun, kermanotak, te ben kꞌuxex ta koꞌtane, sigue junuk awoꞌtanik y ma me xtal-xbajtuk awoꞌtanik. Aꞌtejanik sil tiempo ta mas y ta mas ta yaꞌtel te Kajwaltike. Porke te jaꞌexe ya anaꞌik te ma jowilik te aꞌtel ya apasik te jun nax sok te Kajwaltike.

2 Corintios 4:1

Jaꞌ yuꞌun ma xchebaj koꞌtantik, porke ta slekil yoꞌtan te Diose la yaꞌbotik te aꞌtel to.

2 Corintios 4:16

Jaꞌ yuꞌun ma me wakꞌ chebajuk koꞌtantik, aunke yipal ta lajel yip te jtiꞌbalultike. Pero te yutil koꞌtantike yipal ta achꞌubel jujun kꞌaal.

2 Corintios 9:6

Naꞌaik me to: Te machꞌa chꞌin nax ya stsꞌune, chin nax ya xlokꞌ te skosechae. Te machꞌa bayal ya stsꞌune, bayal me ya xlokꞌ te skosechae.

Efesios 3:13

Jaꞌ yuꞌun awokolikuk ma me acheban awoꞌtanik yuꞌun ta skaj te jaꞌex te ayon ta wokole. Yuꞌun tey ya ataik alekilalik a te jaꞌexe.

2 Tesalonicenses 3:13

Kermanotak, ma me lubanik ta spasel te tut leke.

Hebreos 12:3

Jaꞌ yuꞌun, nopaik te tutiꞌ yakꞌ ta ilel te Jesuse te kꞌax swokol yuꞌun bayal kontrainel yuꞌun te jmulawiletike. Jaꞌ yuꞌun, ma me lubanik ni ma me chop abaik.

Hebreos 12:5

¿Me yuꞌun chꞌayix ta awoꞌtanik te Dios yalojbeyex te tutꞌil yal xnichꞌanexe? Ya yal te Sjun Diose: “Kuntikil, ma me apꞌaj te komel yuꞌun te Kajwaltike, ni ma me cheban awoꞌtan te kꞌalal ya skomelate.

Hebreos 3:14

Porke yuꞌun te ya xjuꞌ te jun nax ya xkꞌootik sok te Cristoe, jaꞌ ya skꞌan te jun koꞌtantik kꞌalal ta slajibal kꞌaal jich tutꞌil te smukꞌul koꞌtantik ay kuꞌuntik ta slijkꞌibale.

Hebreos 3:6

Yan te Cristo te Xnichꞌan Diose, jun yoꞌtan skuentainej spisil te sna Diose, jaꞌ te joꞌotike, teme jmel nax jun koꞌtantik kꞌalal ta slajibal kꞌaale, te ben tsaꞌam yipalotik ta smaliyele.

Santiago 5:7

Pero te jaꞌexe, kermanotak, juꞌuk awuꞌunik smaliyel jaꞌto te ya xtal te Kajwaltike. Jich tutꞌil te jꞌatꞌel ta kꞌaltike ya smaliy te ya skaj te stsaꞌamul skosechae, puersa jun yoꞌtan ya smaliy te ya yakꞌ jaꞌale.

1 Pedro 2:15

Porke Dios ya skꞌan te lek te tut ya apasik te jaꞌexe, yuꞌun te machꞌatik maꞌyuk tut ya snaꞌike y sok te machꞌatik maꞌyuk spꞌijilike ma xwejt tut ya yalbeyex te ya skontrainex te jaꞌexe.

1 Pedro 3:17

Teme jich ya skꞌan te Diose, jaꞌ lek te ay ya xkꞌax awokolik yuꞌun spasel te tut leke. Jaꞌ ma lek teme ya xkꞌax awokolik yuꞌun spasel te tut ma lekuke.

1 Pedro 4:19

Jich yuꞌun te machꞌatik ya xkꞌax swokolike, jich tutꞌil ya skꞌan yoꞌtan te Diose, ya skꞌan sigue jaꞌ ya spasik te tut leke y te ya yaꞌbeyik xchꞌulelik ta skuenta Dios te jaꞌ la spasotike, yuꞌun jun yoꞌtan stukel ta jtojoltik.

Apocalipsis 2:17

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe ya me kakꞌtalanbe sweꞌ te mana waj te nakꞌal aye. Y ya me kakꞌtalanbe euk te jun sakil ton te teꞌ tsꞌibabil jun achꞌ biilil te maꞌyuk machꞌa ya snaꞌe, jaꞌ nax te machꞌa ya yichꞌe”, uta me —xchi.

Apocalipsis 2:3

Tsꞌijkem awuꞌun te awokole, y bayal kꞌaxem awokol ta jkaj, pero ma xlubat.

Apocalipsis 2:7

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe, ya me kꞌabe sweꞌ te sit teꞌ yuꞌun te kuxuyinele te teꞌey ba ay te lekilal yuꞌun te Diose”, uta me —xchi.