Gálatas 6:7 - Nuevo Testamento Tzeltal de Amatenango

⁷ Ma me aloꞌlay abaik. Maꞌyuk machꞌa xjuꞌ ya yikꞌtin te Diose. Te tut ya atsꞌune jich mismo ya xlokꞌ awuꞌun.

Bible in Tzeltal Bachajón

⁷ Ma me xalo'loy abahic, Dios ma xhu' ta labanel, como spisil te bin ya sts'un te winique, ha nix sit ya stsob.

Bible in Tzeltal de Oxchuc y Tenejapa

⁷ Ma me xalo'lay abaic, melel te Diose ma xju' ta labanel awu'unic. Melel spisil te bila ya yaw te ants-winique, ja' nix ya sc'aj ta patil.

Gálatas 6:7 ပူးပေါင်းရင်းမြစ်များ

San Lucas 16:25

“Pero te Abrahame la sjakꞌbe: Jnichꞌan, naꞌa me te lek a kꞌaxat tal ta balmilale. Yan te jLazaroe lom oꞌol sba a kꞌax ta balmilal stukel. Te ora to maꞌyukix ta wokol liye. Yan te jaꞌate ayatix ta kastigo.

San Lucas 21:8

Te Jesuse la sjakꞌ: —Ila me abaik, ma me machꞌa sloꞌlayex. Porke ay me ya xtal bayal te ya xloꞌlawanik ta jbiile. Ya yalik: “Joꞌon Cristoon”, y “Jaꞌix me stiempoil.” Pero te jaꞌexe ma me atsꞌakliyik.

1 Corintios 15:33

Ma me achꞌuunik loꞌlayel. Yuꞌun ay machꞌa ya yal: “Te joꞌtaktik te ma lekikuke ya xchꞌaytalan te tut lek ta pasele”, te xchiike.

1 Corintios 3:18

Ma me machꞌa ya sloꞌlay sba. Teme ay machꞌaukex a te pꞌij skuyoj sbae, teme ta skuenta nax pꞌijilil ta balmilale, jich me ya skuy sba te tutꞌil maꞌyuk tutꞌ ya snaꞌe, yuꞌun jich me ya xkꞌot te batsꞌi ay spꞌijile.

1 Corintios 6:9

¿Meꞌn ma anaꞌojikuk te machꞌatik ma lekuk yoꞌtanik te ma xjuꞌ ya xꞌoch te ba ay ta ajwalinel te Diose? Ma me awakꞌ abaik ta loꞌlayel. Yuꞌun te ba ay ta ajwalinel te Diose, ma xjuꞌ ya xꞌoch teꞌa te machꞌatik ya xꞌantsiweje, ni te machꞌatik ya xchꞌuun lotil diose, sok te machꞌatik ya sle skremike, ni te winketik te ma tsaꞌamuk tut ya spas sok mismo winike, ni te jꞌelekꞌetike, ni te jbikꞌtal-oꞌtanetike, ni te jyakubeletike, ni te jle-kꞌopetike, ni te machꞌatik kꞌayemik ta spojel tutike. Spisil to ma xjuꞌ ya xlaj kꞌot te ba ay ta ajwalinel te Diose.

2 Corintios 9:6

Naꞌaik me to: Te machꞌa chꞌin nax ya stsꞌune, chin nax ya xlokꞌ te skosechae. Te machꞌa bayal ya stsꞌune, bayal me ya xlokꞌ te skosechae.

Gálatas 6:3

Teme ay machꞌa skuyoj sbaix te lek aye kꞌalal maꞌyuk tut ya xjuꞌ yuꞌune, stukel nax mismo sloꞌlayej sba.

Efesios 5:6

Ma me machꞌa wakꞌ sloꞌlayex te kꞌopetik te jowil naxe. Porke ta skaj te muliletik to te ya xtal te kastigo yuꞌun Dios ta skuenta te machꞌatik ma xchꞌuunbeyik te smantale.

2 Tesalonicenses 2:3

Ma me awakꞌ abaik ta loꞌlayel. Yuꞌun puersa nail ya xkꞌot ta pasel te ay ipal jchꞌuunjeletik te ya xjajch skontrainik te Diose. Sok ya xchiknaj te mulawil winik te ya xbajt ta chꞌayele.

Santiago 1:22

Pero ma me jaꞌuk nax te ya awaꞌiyik te skꞌop Diose, ya me skꞌan ya anopik spasel. Yuꞌun teme ma ba ya apas te tut ya awaꞌiye, atukel nax mismo ya aloꞌlay aba.

Santiago 1:26

Teme ay machꞌa ya skuy sba te lek xchꞌuunej Diose, pero ma snaꞌ skomel te stiꞌe, stukel mismo sloꞌlayej sba, y te tut xchꞌuuneje ma baleuk a kꞌot a.

1 Juan 1:8

Teme ya kaltik te maꞌyuk jmultike, joꞌotike nax mismo ya jloꞌlayej jbajtik y te tut batsꞌi jiche maꞌyuk ta jtojoltik.

1 Juan 3:7

Kuntikil, ma me ayuk machꞌa ya sloꞌlayex. Toj ay te machꞌa ya yaꞌtelin te tut leke, jich tutꞌil te Jesucristo te toj stukele.

Judas 1:18

Jich la yaltalanbeyex jilel: “Ta slajibal kꞌaal ay me gente ya xlaj iktiwan, te jich aylan sok te tut ma lekuk ya skꞌan yoꞌtanike”, te xchie.