Gálatas 5:7 - Nuevo Testamento Tzeltal de Amatenango

⁷ Te jaꞌexe lek ayex ta nail. ¿Machꞌa la xchebantesbeyex awoꞌtanik te ya ajilesik ta chꞌuunel te tut batsꞌi jiche?

Bible in Tzeltal Bachajón

⁷ Ta nahilal lec hahchex ta ahnimal, ¿mach'a la scomex ta sch'uhunel te smelelil c'ope?

Bible in Tzeltal de Oxchuc y Tenejapa

⁷ Ta neelal lec jajch'ex ta animal. ¿Mach'a me la scomex ta xch'uunel te smelelil c'ope?

Gálatas 5:7 ပူးပေါင်းရင်းမြစ်များ

San Mateo 13:21

Pero komo ma bayaluk ismajem ta yoꞌtanik te skꞌop Diose, jich ma xjalajik. Jaꞌ yuꞌun teme ya xkꞌax swokolik o teme ya xtal ilbajinel ta skꞌaj te skꞌop Diose, ora ya xchꞌay te xchꞌuuunel yoꞌtanik yuꞌun.

Hechos 6:7

Te skꞌop Dios pujk bael, y te hermanoetike lom bayal yipal ta pꞌolel te ba Jerusalene. Asta bayal saserdoteetik yuꞌun juriyo la xchꞌuunik euk.

Romanos 10:16

Pero ma spisiluk ya yakꞌik ta jkuenta te skꞌoplal te kolele. Jich tutꞌil la yal te jꞌIsaiase: “Kajwal, ¿machꞌa xchꞌuunejix te skꞌop Dios la kaltike?” xchi me.

Romanos 15:18

Porke ma jaꞌuk ya jtabe ta alel yaꞌtel yan; jaꞌ nax ya kal te tut spasojbon Cristo ta jtojole, skuenta jich ya xchꞌuunik Dios te machꞌatik ma juriyouke. Aꞌtej Cristo ta skuenta te kꞌop la kal, sok ta skuenta te tut la jpase,

Romanos 16:26

Pero te ora to la yakꞌix ta naꞌel te tut stsꞌibayej jilel te jꞌalwanejetike, jich tutꞌil te smantal Dios te sbajtel kꞌinal aye. Te tut snopoj ta yoꞌtan te Diose la yakꞌix ta naꞌel ta spisil te nasionetike. Yuꞌun jich me ya xchꞌuunik sok ya yakꞌik ta kuenta te Jesucristoe.

Romanos 2:8

Pero ya yaꞌbe kastigo sok yiliꞌba te machꞌatik ma xchꞌuun mantale, jaꞌ te machꞌatik skontrainej te tut batsꞌi jiche, y jaꞌ ya spas te tut ma lekuke.

Romanos 6:17

Pero kola yal Dios, te jaꞌex te nail to moso ayex yuꞌun te mulile, achꞌuunejikix ta awoꞌtanik jich tutꞌil te nojpesel te la awichꞌike.

1 Corintios 9:24

Te jaꞌexe anaꞌojik teme ay jun jꞌalawe spisilik ya xꞌanimajik. Pero úniko jtul nax te ya yichꞌ smajtan yuꞌun ya yaꞌiy tsalawe. Lek ay, animajanik me ta apisilik, jich me ya xkꞌo ata te amajtanike.

2 Corintios 10:5

Y spisil toybajel ya smak te tutꞌil ya xnaꞌbot sba a te Diose. Spisil te tut ya snop te skuenta nax tiꞌbale ya kakꞌtik ta skuenta Cristo, yuꞌun jich me ya xchꞌuunik a.

Gálatas 2:2

Boon porke Dios la yaꞌbonix jnaꞌ te puersa ya xboone. Y teyix ta Jerusalen ay jun junta te ba kalbe yaꞌiyik te stataletik te ayik ta jkuentae. La kaltalanbe te skꞌoplal kolel te la kal te ba ay te machꞌatik ma juriyouke. Te tutꞌil jich a jpase, yuꞌun ma jkꞌan teme maꞌyuk sluwaril ya xjil te tut jpasojixe sok te ya to jpas xane.

Gálatas 3:1

Jaꞌex Galataetik, te ma pꞌijukexixe, ¿Machꞌa a yaꞌbeyex chamel? Te tut la kalbetikexe, la kakꞌtik ta ilel ta asitik te Jesucristo te jojkꞌanot ta kruse.

Gálatas 5:10

Y te joꞌone jich ay ta koꞌtan ta skuenta te Kajwaltike te ma me tut yan ya anopik te jaꞌexe. Pero Dios ya me yaꞌbe kastigo te machꞌatik ya xchebentesbeyex awoꞌtanike, ma yocheluk machꞌauk a.

2 Tesalonicenses 1:8

Yuꞌun ya xtal yaꞌbe kastigo te machꞌatik maꞌ snaꞌbeyik sba Dios ni maꞌ xyakꞌik ta jkuenta te skꞌoplal kolel yuꞌun te Kajwaltik Jesuse.

Hebreos 11:8

Ta skuenta xchꞌuunel yoꞌtan, te jꞌAbraham la xchꞌuun te ikꞌel yuꞌun te Diose. Lokꞌ bael yuꞌun teꞌ bajt te ba luwar te Dios ya yalbe te jaꞌ smajtan ya xkꞌote. Lokꞌ bael te ba slumale ni ma snaꞌ te ba ya xbajte.

Hebreos 12:1

Jaꞌ yuꞌun, te joꞌotike joybilotik ta bayal gente te machꞌatik ya yakꞌix ta ilel te xchꞌuunejik Diose. A me jilestik ta xujktik spisil te tut a te ya smakotike y sok te mulil te ya sjoyotike. Y ya me jpastik puersa ta animal te ya xkꞌoj jtajtik te tut ay ta jtojoltike.

Hebreos 5:9

Te tutꞌil lek a juꞌ yuꞌun spasele, chiknaj ta skuenta te kolel sbajtel kꞌinal yuꞌun spisil te machꞌatik ya xchꞌuunike.

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.